Nahum 1:15 - Uwumbɔr aagbaŋ

¹⁵ Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.

Nahum 1:15 ပူးပေါင်းရင်းမြစ်များ

Ilahn 107:15

Ni ŋan ke bi di idoon tii Uwumbɔr, waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 107:8

Ni ŋan ke bi doon Uwumbɔr waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Aisaya 41:27

Min Uwumbɔr le nan puen tuk Sionn yaab tibɔpɔnn ngbaan; M nan tun ntuun Jerusalem aatiŋ ni ke u ti len ke, ‘Saanib choo. Bi choo kun ni la.’

Aisaya 42:11

Cha nteersakpiin pu, ni ntim mu bi nima na aanib pak Uwumbɔr; cha Kedar aanib pak u. Cha binib bi koo Sela aatisakpeŋ ni na li tar ŋijoo paab ni mpopiin.

Aisaya 52:1

Jerusalem, ki pɔɔk, ki ki li nyuun ke saah nan bi pu na. Uwumbɔr aatiŋ ki bi chain na, di saakekenyaan gbab. Binib bi dii ŋiwaa ki kpa tijɔŋ na aan ki koo aa ponn ni.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Liifai Yaab 23:2

u mɔk Israel yaab. Bi yaa kuun ni tɔb chee ke bi nan doon u kan, baah ga li ji njim mu na sɔ:

Liifai Yaab 23:4

Ni di njim mumina mɔmɔk aawiin daal moon, mumɔk ni mu aayoonn.

Nahum 1:14

Uwumbɔr aah siin pu Asiria aatiŋ pu na sɔ: “Baan li kpa yaabitiib bi ga cha baayimbil li beenin bi na. M ga kuln ŋiwaa ŋi bi baawaadir ni na. M bi gbii likaakul bilni Asiria yaab la, naa ŋan ke bi li kpa limɔfal.”

Tibɔnyaan ti Luk ŋmee ti na 2:10

Le Uwumbɔr aatuun ngbaan bui bi, “Taa san ijawaan man. M joo ni tibɔnyaan ti ga tii binib mɔmɔk mpopiin sakpen na la.

Tibɔnyaan ti Luk ŋmee ti na 2:14

“Cha ti nyuŋ Uwumbɔr u bi paacham na. Lifuur ga li bi dulnyaa wee ni. Uwumbɔr san binib kinimbaak la.”

Lituln 10:36

Ni nyi ke Uwumbɔr tuk Israel yaab tibɔnyaan. Tibɔnyaan tee le ye ke Uwumbɔr ga tii bi nsuudoon Yesu Kristo pu. Uma le ye ti mɔmɔk Aadindaan.

Rom Yaab 10:15

Uwumbɔr yaa kaa tun bi ke bi ti moon waaliin kan, bi ga ŋa kinye aan ki moon i? Ni ŋmee Uwumbɔr Aagbaŋ ni ke, “Binib bi joo ni tibɔnyaan ti tii timi nsuudoon na, bi tii timi mpopiin pam.”