Nahum 1:14 - Uwumbɔr aagbaŋ

¹⁴ Uwumbɔr aah siin pu Asiria aatiŋ pu na sɔ: “Baan li kpa yaabitiib bi ga cha baayimbil li beenin bi na. M ga kuln ŋiwaa ŋi bi baawaadir ni na. M bi gbii likaakul bilni Asiria yaab la, naa ŋan ke bi li kpa limɔfal.”

Nahum 1:14 ပူးပေါင်းရင်းမြစ်များ

2 Bibɔrb 19:37

Nwiin mubaa daal le u nan bi dooni liwaal Nisrok, laawaadiik ni, le ujapɔtiib bilee, Adramelek, ni Sareser, buen ti di baajaak aajum ku u, le ki san ŋmar buen Ararat aatiŋ pu. Le ujapɔɔn uken, u bi yin u ke Esaradonn na, nab waanaan pu.

2 Bibɔrb Aabɔr 32:21

Uwumbɔr nan tun waatuun le mu ti ku Asiria aajab ni baaninkpiib. Le ubɔrkpaan ngbaan nan di inimɔɔn gir kun Asiria. Nwiin mubaa daal le u nan bi waawaadiik ni, le ujapɔtiib bibaa buen ti di baajaak aajum ku u.

Job Aagbaŋ 18:17

Waayimbil kuln udo, ni itingbaan mɔmɔk ni; ubaa aa ki teer ubɔr.

Ilahn 109:13

Cha uyaabitiib mɔmɔk kpo, ki cha n‑yoonn mu choo na yaab suln waayimbil bɔr.

Ilahn 71:3

Li ye maakikiir u m mak u pu na, ki li bi ke kitiŋ ki bi maa ŋigon gob ki na, ki li kii mi; sin chee le m ga ŋmaa bɔr aan aa li kii mi.

Nnyam 12:12

“Kinyeek ngbaan le m ga chuun Ijipt aatiŋ ni, ki ku njan aabijabim mɔmɔk, binib ni tiwakor mɔmɔk, ki daa Ijipt yaab aawaa aatafal. Min le ye Uwumbɔr.

Ŋiyataŋak 10:7

Binib yaa teer uninyaan bɔr kan, ni joo ni bi tinyoor la, le bi ga suln ubiindaan ma bɔr mala.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Aisaya 33:13

Cha bimɔk bi kɔnkɔni do na, ni bimɔk bi dandar na mu ŋun maah tun pu na, aan ki bee maapɔɔn aah bi pu na.”

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Daniel 11:21

Le Uwumbɔr aatuun ngbaan ki kpiir tuk mi ke: “Siria yaab aabɔr u ga paan ni na ga li bir pam, kaan li kpa nsan ke u ji nnaan, le ki mu tee ga di beebee nyan ni, ubaa aan li nyi u bɔr, le ki nan gaa nnaan ngbaan.

Daniel 5:27

ŋŋaŋ, u ŋaŋ saah nyuun pu na ki kan ke saa nyuun kpala;

Liifai Yaab 26:30

M ga bii naah dooni ŋiwaa ŋi ŋigongon paab na, ki gbaa wiir nimi aanyɔknii aatork aabimbin, le ki di nimi aanikpol mae paan nimi aawaa ŋi lir dɔ na pu, le m ga nuur nimi.

Maika 5:13

M ga bii nimi aawaa, ni nimi aatakpal ŋi ni dooni na; naan ki doon tiwan ni, ni di nibaa aaŋaal naan ni na.

Maika 5:14

M ga ber liwaapii Asera aanann ti ni maa ti nimi aatiŋ pu na, ki bii nimi aatim.

Habakuk 2:10

Aa ban isan ki kuln binib pam aamɔfal, le ki joo ni inimɔɔn nan lii saadichal pu, ki lann aabaa aamɔfal.

1 Samuel 3:13

M puen tuk u ke m ga daa waadichal aatafal ki ti saa n‑yoonn mu kaa kpa ndoon na; ba pu? ujapɔtiib len mi tibɔr ti kaa ŋan na. Eli nyi ke bi ŋani kina, le kaa sur bi.