Nahum 1:12 - Uwumbɔr aagbaŋ

¹² Uwumbɔr aah bui waanib Israel yaab pu na sɔ: “Hali Asiria yaab aah wiir ki kpa mpɔɔn pu na, bi mɔmɔk ga kuln ki wɔŋ. Maanib, min le nan cha ni jin falaa, tɔ, maan ki ŋa kina.

Nahum 1:12 ပူးပေါင်းရင်းမြစ်များ

2 Bibɔrb 19:35

Kinyeek ngbaan le Uwumbɔr aatuun nan buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

2 Bibɔrb 19:37

Nwiin mubaa daal le u nan bi dooni liwaal Nisrok, laawaadiik ni, le ujapɔtiib bilee, Adramelek, ni Sareser, buen ti di baajaak aajum ku u, le ki san ŋmar buen Ararat aatiŋ pu. Le ujapɔɔn uken, u bi yin u ke Esaradonn na, nab waanaan pu.

Nnyam 12:12

“Kinyeek ngbaan le m ga chuun Ijipt aatiŋ ni, ki ku njan aabijabim mɔmɔk, binib ni tiwakor mɔmɔk, ki daa Ijipt yaab aawaa aatafal. Min le ye Uwumbɔr.

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 17:14

Kijook kan, bi kpa ijawaan, le kichakpiik ni kan, bi buen a. Unii umɔk gaa timi aatiŋ aawan mpɔɔn na aadoon le na.

Aisaya 30:19

Nimi binib bi koo Jerusalem ponn ni na aan ki wii iwiil. Uwumbɔr san nimi kinimbaak, le ni yaa wii ki yin u ki ban nterm kan, u ga kii nimi aayim.

Aisaya 31:8

Butɔb ga bii Asiria aatiŋ, ni mu aan li ye binibɔm aapɔɔn pu. Asiria yaab ngbaan ga san butɔb ngbaan ni, le binachipɔm ga kpaln binaagbiib;

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Aisaya 51:22

Nidindaan Uwumbɔr si nipuwɔb ki bui ke, “M bi nyani falaa u m nan di tii nimi maaŋuul ponn ni na la. Naan ki ji falaa u cha ni chuun gbeer ke naah nyun ndaan le na.

Aisaya 7:20

“N‑yoonn ngbaan yaa nan fuu ni kan, Uwumbɔr ga ti ban uyikpukuur aan u nyan ni Yufrates aamɔɔdapuul; uma le ye Asiria aabɔrkpaan, le u ga nan kuu nimi aalangban, ni tiyikpir ti bi niyil pu na, ni tikor timɔk baa niwon pu na.

Aisaya 8:8

Bi ga ŋar Juda ŋŋaan ki biin tiwan mɔmɔk pu ke nwam na.” Tɔ, Uwumbɔr bi ti chee. U ga taln uŋaal ki biin kitiŋ ngbaan pu.

Daniel 11:10

“Siria aabɔr aajapɔtiib ga ban bijab pam ki gor kiir butɔb. Bi ponn ni ubaa ga san mala ke nwam na ki ti tak bidim bibaa aatim mu kpa ŋigon ŋi fɔk ki pɔɔ na.

Joel 2:19

U kii baameel ki len ke: “Dandana wee m ban m tii nimi tijikaar ni ndaan, ni olif aakpan, aan ni mɔɔr nimi. Ŋinibol ŋiken aan ki lik seen nimi.

Nahum 1:15

Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.

Tibɔkpiirkaan 7:16

Nkon aan ki chuu bi, nnyunyuu mu aan ki chuu bi, nwiin mu aan ki see bi, ntoton mu aan ki ŋun bi;