Tibɔnyaan ti Mak ŋmee ti na 9:9 - Uwumbɔr aagbaŋ

⁹ Le bi gir sunn ni lijool ngbaan taab. Baah bi sunni na, le Yesu bui bi, “Ni taa tuk ubaa naah kan pu na, ki nan saa buyoonn min Unibɔn Aabo ga fikr nkun ni na.”

UWONBƆR A GBƆNPƆŊ LIKƆƆNL

⁹ Baah nan nyan lijɔɔl nmɔn a paab ki nan chaa jiirin, le Yisa nan kpaan ke bi laa bei uba nan biɛn wee bi kan nin ki tan kpaa lidaal man wee u ma Uninfosaal a Big na li fii nkumin nan.

Tibɔnyaan ti Mak ŋmee ti na 9:9 ပူးပေါင်းရင်းမြစ်များ

Matiu 12:19

Waan li kpak kinikpakpak, kaan li tar, kaan li kpa kifuuk ntim ni,

Matiu 12:40

kina le min Unibɔn Aabo mu ga li bi kitiŋ ponn ni iwiin itaa ni tinyer titaa. Lijinjiir aatuln limina baanja le ni ga kan.

Matiu 16:21

N‑yoonn ngbaan le Yesu piin ki bi kpiir tuk waadidiliib, “See m buen Jerusalem ki ji falaa sakpen. Juu yaab aaninkpiib, ni Uwumbɔr aatotoorninkpiib, ni Uwumbɔr aakaal aamɔmɔkb ga ŋa mi falaa sakpen, le ki ku mi. Iwiin itaadaal le Uwumbɔr ga fikr mi nkun ni.”

Matiu 27:63

le ki bui u, “Timi aaninkpel, ti teer ke unyamɔndaan ngbaan aah nan bi na, u nan bui ke u yaa kpo kan, iwiin itaadaal u ga fikr nkun ni.

Matiu 8:4

Le Yesu bui u, “Li nyi, ki taa tuk unii ubaa. Li cha Uwumbɔr aatotoor chee ki ti di aabaa mɔk u, ki toor kitork tii Uwumbɔr, Moses aakaal aah len pu na. Nima le ga mɔk binib ke aa pɔɔk a.”

Tibɔnyaan ti Mak ŋmee ti na 5:43

Le Yesu bui bi ke bi taa tuk unii ubaa, le ki bui bi ke bi tii upiibo ngbaan tijikaar u ji.

Tibɔnyaan ti Mak ŋmee ti na 7:36

Yesu nan bui bi ke bi taa tuk ubaa. U yaa bui bi ke bi taa tuk ubaa kan, le bi moo mooni ti.

Tibɔnyaan ti Mak ŋmee ti na 9:10

Le bi kii kina. Bi mu nan baa tɔb ke, “Waah len ke u ga fikr nkun ni na, naatataa ye kinye?”

Tibɔnyaan ti Mak ŋmee ti na 9:8

Le bi fenn lik mala, kaa kan unii ubaa, see Yesu baanja.

Tibɔnyaan ti Luk ŋmee ti na 24:46

le ki bui bi, “Ni ŋmee ke Kristo u ga gaa binib lii na ga ji falaa, ki fikr nkun ni, iwiin itaa daal.

Tibɔnyaan ti Luk ŋmee ti na 9:36

Nneel ngbaan aah len ki ti doo na, bi nan kan Yesu baanja le si. Le bi joo tibɔr ngbaan bima baanja, kaa tuk unii ubaa n‑yoonn ngbaan baah kan pu na.