Tibɔnyaan ti Mak ŋmee ti na 9:7 - Uwumbɔr aagbaŋ

⁷ Le ntaalangbam dan nan biin bi pu. Le nneel len ntaalangbam ngbaan ni ke, “Njapɔɔn u m gee u na sɔ. Li ŋun waah len pu na man.”

UWONBƆR A GBƆNPƆŊ LIKƆƆNL

⁷ Iyaayoo nmɔn le kitilangbɔŋ nan piin bi bu, le bi gbir likukɔl kitilangbɔŋin a paab ke, “N bijiɛkaag sɔ, ni chee u mɔba man.”

Tibɔnyaan ti Mak ŋmee ti na 9:7 ပူးပေါင်းရင်းမြစ်များ

Ilahn 2:7

Ubɔr ngbaan len ke, “M ga moon Uwumbɔr aah len pu na. U bui mi ke, ‘Sin le ye maabo, din wee le m ma si.

Ilahn 97:2

Ntaalangbam, ni mbɔmbɔɔn le mann goln u; u joo mbimbinyaan ni ibamɔn le joo binib.

Nnyam 24:16

Uwumbɔr aawiihn nan moor ki sunn ni lijool ngbaan pu. Israel yaab ma aah nan kan nwiihn ngbaan na, mu nan naahn ke mmii le aah gaal lijool ngbaan pu na. Le ntaalangbam ngbaan nan biin lijool ngbaan pu ki ti saa iwiin iloob; winlole daal le Uwumbɔr yin Moses ntaalangbam ni.

Nnyam 40:34

N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Daniel 7:13

Kinyeek aadaŋ ngbaan ponn ni, le m nan kan udaan u naahn unibɔn aabo na. U nan chuun choo m chee, ki bi ntaalangbam ni, le ki buen Uwumbɔr u bi n‑yoonn mɔmɔk na chee; le bi ti di u mɔk u.

Matiu 27:43

U gaa Uwumbɔr ki kii, ki bui ke u ye Uwumbɔr Aajapɔɔn. Uwumbɔr yaa ban u kan, cha u gaa u lii dandana.”

Matiu 27:54

Butɔb aajab aaninkpel, ni binib bi bi u chee ki si kii Yesu na aah kan kitiŋ aah deŋ pu na, ki kan tiwan nimɔk ŋa na, le ijawaan chuu bi sakpen. Le bi bui ke, “Mbamɔn, u sil ye Uwumbɔr Aajapɔɔn la.”

Matiu 3:17

Le u ŋun nneel len paacham ke, “Njapɔɔn u m gee u na sɔ. Nnimbil gbiin u.”

Tibɔnyaan ti Mak ŋmee ti na 1:11

Le nneel nyan ni paacham ki len ke, “Aa ye Njapɔɔn u m gee si na la. Nnimbil gbiin si.”

Tibɔnyaan ti Mak ŋmee ti na 9:8

Le bi fenn lik mala, kaa kan unii ubaa, see Yesu baanja.

Tibɔnyaan ti Luk ŋmee ti na 3:22

Le Uwumbɔr Aafuur Nyaan sunn ni, ki nan tɔŋ u pu, ki naahn linanjel. Le nneel nyan ni paacham ki len, “Aa ye Njapɔɔn u m gee si na la. Nnimbil gbiin si.”

Jɔnn 1:34

Le m kan kina, ki ji seeraa ki tuk binib ke uma le ye Uwumbɔr Aajapɔɔn.”

Jɔnn 1:49

Le Natanael bui u, “Umɔmɔkr, aa sil ye Uwumbɔr Aajapɔɔn. Aa ye Israel yaab Aabɔrkpaan la.”

Jɔnn 12:28

Nte, cha binib nyuŋ si.” Waah len kina na, le nneel nyan ni paacham ki len ke, “M cha bi nyuŋ mi, ki ga ki cha bi nyuŋ mi.”

Jɔnn 19:7

Le bi bui u, “Ti kpa nkaal la. Nkaal ngbaan aah dii pu na, u ŋeer nkun; ba pu? u len ke u ye Uwumbɔr Aajapɔɔn la.”

Jɔnn 20:31

Bi ŋmee nimina ke ni pak ke Yesu le ye Kristo u gaa timi lii na, ki ye Uwumbɔr Aajapɔɔn. Ni yaa gaa u ki kii kan, u pu le ni ga li kpa limɔfal.

Jɔnn 5:18

Waah len kina na, le Juu yaab moo ban bi ku u; ba pu? naa ye waah bii likpaakool daal aakoobil na baanja, u yin Uwumbɔr ke Ute. Waah yin u ke Ute na, u di ubaa ŋaŋ Uwumbɔr la.

Jɔnn 5:37

Nte Uwumbɔr u tun ni mi na, uma ubaa le ji seeraa ki tii mi. Naa kee ŋun waaneel, ki mu aa kee kan unimbil wɔb.

Jɔnn 6:69

Ti pak saah len pu na, ki bee ke aa ye Uwumbɔr Aanii u ye Chain na la.”

Jɔnn 9:35

Yesu nan ŋun ke bi nyan u. Le u ti kan u, le ki baa u, “Aa gaa Uwumbɔr Aajapɔɔn ki kii ii?”

Lituln 1:9

Waah len kina na, le Uwumbɔr di u buen paacham, binimbil ni. Le ntaalangbam biin u pu. Baa ki waa u.

Lituln 7:37

Uma Moses le tuk Israel yaab, ‘Uwumbɔr ga tun ni ubɔnabr ubaa ni chee, ke waah tun ni mi pu na. U mu ga li ye ninaabitiib ponn ni ubaa la.’

Lituln 8:36

Baah bi tɔroku na ponn ni ki cha na, le bi ti fuu nkpen mubaa ni, le ki kan nnyun dɔ. Le uja ngbaan bui Filip, “Lik, nnyun sɔ. Aa ga ŋmaa muin mi nnyun ni dandana wee ee?” [

Rom Yaab 1:4

Uwumbɔr nan fikr u nkun ni, le Waafuur Nyaan mɔk ke u ye uma Uwumbɔr Aajapɔɔn u kpa mpɔɔn na.

Hiibru Yaab 2:1

Nima pu na, ni ŋan ke titafal li bi tibɔnyaan ti ti ŋun ti na ponn ni, ti taa di ti lii.

2 Piita 1:17

Ti nan bi u chee buyoonn Tite Uwumbɔr nan pak u ki nyuŋ u na. Uwumbɔr aaneel nan nyan ni paacham nin chee wiin chain na, ki bui ke, “Njapɔɔn u m gee u na sɔ. Nnimbil gbiin uma la.”

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.

Tibɔkpiirkaan 1:7

Lik, u ga dii ntaalangbam ni ki dan. Binib mɔmɔk aanimbil ga kan u. Binib bi nan saa u na mu ga kan u. U pu, le ŋinibol ŋimɔk bi dulnyaa wee ni na ga wii. Ni ye mbamɔn la. Amii.