Tibɔnyaan ti Mak ŋmee ti na 7:28 - Uwumbɔr aagbaŋ

²⁸ Le u bui u, “Ndindaan, ni ye mbamɔn la; ibɔ mu tee dɔ teebul taab ki ji mbim aajikaabol ŋi lir kitiŋ na.”

UWONBƆR A GBƆNPƆŊ LIKƆƆNL

²⁸ Le upii-n jiin ki bei u ke, “N yudaau, ni sin ye ibamɔn le, amaa ibɔ yan dɔ teebul a lɔŋin ni, mu pii nbuwaab a jibul yan lur tumin le.”

Tibɔnyaan ti Mak ŋmee ti na 7:28 ပူးပေါင်းရင်းမြစ်များ

Ilahn 145:16

Aa tii ni, ni ŋeer ni na, le ni mɔmɔk ji ki babr.

Aisaya 45:22

Nimi binib bi mɔmɔk bi dulnyaa wee ni na, fenn gir ni m chee dandana aan ki ŋmar man. Min baanja le ye Uwumbɔr u bi na.

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Matiu 15:27

Le u bui u, “Ndindaan, ni ye mbamɔn la; ibɔ mu tee ji ŋijikaabol ŋi nyan ni idindaan aateebul pu ki lir ni kitiŋ na.”

Matiu 5:45

Ni yaa ŋani kina kan, ni ga li ye Nite Uwumbɔr u bi paacham na aabim; uma le cha waawiin puur ki woln tiniwanbir ni bininyaam pu, ki cha utaal nu ki tii binib bi ŋan na, ni binib bi kaa ŋan na.

Tibɔnyaan ti Mak ŋmee ti na 7:27

Le Yesu bui u, “Cha ti kpiin mbim waahr. Ti yaa di mbim aajikaar ki di tii ibɔ kan, naa ŋan.”

Tibɔnyaan ti Mak ŋmee ti na 7:29

Le Yesu bui u, “Saah len mbamɔn pu na, nima le cha m nyan tiyayaar ngbaan saabo ni. Aa ga ŋmaa gir kun.”

Rom Yaab 10:12

Binib bi ye Juu yaab na, ni binib bi kaa ye Juu yaab na mɔmɔk kpaan la. Uwumbɔr le ye bi mɔmɔk Aadindaan, ki ŋa tinyoor sakpen ŋa binib bimɔk mee u ke bi ŋmar na pu.

Rom Yaab 3:29

Uwumbɔr ye Juu yaab baanja Aawumbɔr la aa? Waa ye binib bi kaa ye Juu yaab na mu Aawumbɔr aa? Mbamɔn, u ye.

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,