Tibɔnyaan ti Mak ŋmee ti na 6:14 - Uwumbɔr aagbaŋ

¹⁴ Yesu aayimbil nan moon ŋipepel mɔmɔk ni. Le Ubɔr Herod mu ti ŋun u pu, le ki bui ke Jɔnn u nan muini binib nnyun ni na le fikr nkun ni, nima le cha u kpa mpɔɔn ki tun lijinjiir aatun ngbaan.

UWONBƆR A GBƆNPƆŊ LIKƆƆNL

¹⁴ Ubɔr Herɔd nan gbir Yisa a bɔra, u yinl kaah nan don takpemin bu. Le bininfob biba ke, “Jɔnn Wan nan Fu Bininfob Uwonbɔr a Nyunfulin le fii nkumin. Ni ma che u jɔɔ npɔɔn ki tun ligaril a toon man.”

Tibɔnyaan ti Mak ŋmee ti na 6:14 ပူးပေါင်းရင်းမြစ်များ

2 Bibɔrb Aabɔr 26:15

Waanib bi nan naani tiwan ki bi Jerusalem ni na nan naan tiwan ni ga li too ipiin, ki ga li ŋmaa mae ŋitakpasakpiin bikikiib aadifɔfɔŋ na pu na tɔŋ tidir ngbaan, ni ligoln ngbaan aalɔlɔnn ponn ni. Waayimbil nan yaa koo ni mɔmɔk, le u moo kan mpɔɔn, Uwumbɔr aaterm pu.

2 Bibɔrb Aabɔr 26:8

Amonn yaab nan pa tipar tii Usia, le u kan mpɔɔn le waayimbil di ti nyan Ijipt aatiŋ ni.

Matiu 9:31

Le bi buen ki ti joo waayimbil mooni itingbaan mɔmɔk ni.

Tibɔnyaan ti Mak ŋmee ti na 1:28

Nima pu na, Yesu aayimbil nan moon Galilee aatingbaan mɔmɔk ni.

Tibɔnyaan ti Mak ŋmee ti na 1:45

Le uja ngbaan buen, ki joo tibɔr ngbaan tuk binib mɔmɔk. Waah ŋa kina na, le Yesu aa ki ŋmaa koo kitiŋ kibaa ni, binib aanimbil ni. U nan gur bi kipɔɔk ni la. Le binib nya itingbaan mɔmɔk ni, ki chaa u chee.

Tibɔnyaan ti Mak ŋmee ti na 8:28

Le bi bui u, “Bibaa len ke aa ye Jɔnn u nan muini binib nnyun ni na. Biken mu len ke aa ye Uwumbɔr aabɔnabr Elaija u nan bi n‑yaayoonn na la. Biken mu len ke aa ye n‑yaayoonn na aabɔnabtiib ponn ni ubaa la.”

Tibɔnyaan ti Luk ŋmee ti na 13:31

N‑yoonn ngbaan le Farisii yaab bibaa dan Yesu chee, ki nan bui u, “Nya do chee, ki li cha. Ubɔr Herod ban u ku si la.”

Tibɔnyaan ti Luk ŋmee ti na 3:1

Buyoonn Ubɔrkpaan Tiberius Siisa nan jin waanaan ŋibin kipiik ni ŋiŋmu ni, aan Pontius Pailat mu ye Judea aatiŋ aaninkpel, Herod mu ye Galilee aabɔr, aan unaal Filip mu ye Iturea aatiŋ, ni Trakonitis aatiŋ aabɔr, Lisanius mu ye Abilene aatiŋ aabɔr,

Tibɔnyaan ti Luk ŋmee ti na 7:17

Le bi mooni tibɔr timina itingbaan i bi nima chee na ni, ni Judea aatingbaan mɔmɔk ni, ki mooni Yesu aayimbil.

Tibɔnyaan ti Luk ŋmee ti na 9:19

Le bi bui u, “Bibaa len ke aa ye Jɔnn u nan muini binib nnyun ni na, le biken mu len ke aa ye Uwumbɔr aabɔnabr Elaija u nan bi n‑yaayoonn na la; biken mu len ke n‑yaayoonn na aabɔnabr ubaa le fikr nkun ni.”

1 Tesalonika 1:8

ba pu? ni nan chuun mooni Tidindaan aabɔr, ki tuk Masedonia ni Akaya aatim aanib. Naa ye nima yaab baanja, ntim mɔmɔk aanib ŋun ke ni gaa Uwumbɔr ki kii la. Nima pu na, taa ki ban ke ti tuk bi nimi aabɔr. Bi puun nyi.

Hiibru Yaab 2:4

Uwumbɔr mu cha bi tun lijinjiir aatun aabɔŋ aabɔŋ, waapɔɔn pu, ki tii bi Waafuur Nyaan aapiin waah gee pu na. Nima le mɔk ke bi len mbamɔn.