Tibɔnyaan ti Mak ŋmee ti na 6:11 - Uwumbɔr aagbaŋ

¹¹ Kitiŋ kibaa aanib yaa kaa gaa nimi, ki yaa yii nimi aabɔr kan, ni nya nima, ki kpaar nitaa aatatan lii nima. Nimina le ga li ye nsurm ki tii bi.”

UWONBƆR A GBƆNPƆŊ LIKƆƆNL

¹¹ Ni ye ni foo kitiŋ kiba ni, wee bininfobin kaa gaa ni ke, ki mu kaa ji pel ni wɔɔnim n ke, ni nya kitiŋ nmɔn yaan na, wee ki pir ni taai a tan ki jaa kitiŋ nmɔn yaan na, wee ni li ye siɛra biig ki sei bi.”

Tibɔnyaan ti Mak ŋmee ti na 6:11 ပူးပေါင်းရင်းမြစ်များ

Nehemia 5:13

N‑yoonn ngbaan le m chuu gbabr maawundo u m nan gbab nchaŋ ni na ki yɔk yɔk u, ki bui ke, “Kina le Uwumbɔr ga yɔk yɔk unii umɔk kaa joo waah puu pu na. Uwumbɔr ga gaa nimi aadichal, ni naah kpa tiwan nimɔk na, ki cha nimi niŋmeen.” Le binib bimɔk nan bi nima na kii ke, “Amii,” ki nyuŋ Uwumbɔr. Le biyidam ngbaan nan joo baah puu tipuur ti na.

Matiu 12:36

“M tuk nimi la, bundaln Uwumbɔr ga ji binib tibɔr na, liyaadaal ngbaan le bi ga kpiir baah nan len tibɔr yɔl yɔl ti na mɔmɔk ki tuk Uwumbɔr.

Tibɔnyaan ti Mak ŋmee ti na 6:10

Naah ti koo lidichal li ponn ni na, ni li bi li ponn ni ki ti saa bundaln ni ga nyan kitiŋ ngbaan ponn ni na, ki taa ki kpeln lidichal.

Tibɔnyaan ti Luk ŋmee ti na 9:5

Kitiŋ kibaa aanib yaa kaa gaa nimi kan, ni nyan nima ki kpaar nitaa aatatan ki lii nima. Nimina le ga li ye nsurm ki tii bi.”

Lituln 18:6

Le bi kpak u kinikpakpak, ki seei u. Baah ŋa kina na, le Pɔɔl chuu waakekeln gbuk ki nyan kitangbaak, ni ye nsurm le ki tii bi, le ki bui bi, “Ni yaa kaa ŋmar kan, nimi aasin ga li bi nimi nibaa aaŋaal ni la, naa ye maataani. M ga di cha nimi, ki tuk binib bi kaa ye Juu yaab na le Yesu aabɔr.”

Rom Yaab 2:16

Ni ga li bi kina le bundaln Uwumbɔr ga cha Yesu Kristo ji binib tibɔr, ki baa bi tibɔbɔrkaan ti bi bisui ni na aabɔr. Maah tuk binib tibɔnyaan ti na le mɔk kina.

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

2 Piita 2:6

Tɔ, Uwumbɔr nan bii Sodom ni Gomora aatim ki cha mu kpaln nfatan, ki kuln ntim ngbaan aanib. Ni ye limɔkl la, le ki mɔk titunwanbirdam Uwumbɔr aah ga daa bitafal pu na.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

2 Piita 3:7

Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.

1 Jɔnn 4:17

Ti gee binib mbamɔm ke ti li kpa lipobil bundaln Uwumbɔr ga ji binib tibɔr na. Ba pu? Yesu aah bi pu na, ti mu bi kina le dulnyaa wee ni.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.