Tibɔnyaan ti Mak ŋmee ti na 5:23 - Uwumbɔr aagbaŋ

²³ ki gaŋ u sakpen le ki bui u ke, “Ni yaa ki kpee siib na kan, mbisal ga kpo. M gaŋ si la, dan nan di aaŋaal ki di paan u pu, aan u pɔɔk ki taa kpo.”

UWONBƆR A GBƆNPƆŊ LIKƆƆNL

²³ Le ki balin u nin u sufu biɛn ke, “N bisa le bu ki yin kpo. Ŋaa li dan ki nan ta a nɔɔ ki paan u bu wee un kan kutebug ki foo?”

Tibɔnyaan ti Mak ŋmee ti na 5:23 ပူးပေါင်းရင်းမြစ်များ

2 Bibɔrb 5:11

Le Naamann aaŋuul nan fii, le u siir cha ki len ke, “M ba dak ke u ba ga dan aan unimbil nan kan mi la, le ki mee Udindaan Uwumbɔr, ki di uŋaal laal laal iween ngbaan pu, le ki cha i sɔŋ.

Ilahn 107:19

Le baamukl ponn ni bi yin Uwumbɔr, le u nyan bi baafalaa ni.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Matiu 8:3

Le Yesu taln uŋaal, ki meeh u, le ki bui u, “M gee. Aa pɔɔk a.” Libuul ngbaan ni le u pɔɔk.

Tibɔnyaan ti Mak ŋmee ti na 16:18

bi ga chuu iwaa, le yaan ŋa bi nibaa. Bi yaa nyu liluul kan, laan ŋa bi nibaa. Bi ga di biŋaal paan bibum pu, le bi ga pɔɔk.”

Tibɔnyaan ti Mak ŋmee ti na 5:24

Le Yesu dii u buen. Le kinipaak ngbaan mu dii Yesu, ki mueni u.

Tibɔnyaan ti Mak ŋmee ti na 6:13

Bi nan nyan tiyayaar binib pam ponn ni, ki di nkpan nuk binib pam aayil, le bi pɔɔk.

Tibɔnyaan ti Mak ŋmee ti na 7:32

Le binib bibaa joo ni ubir u chee. Utafal mu kpaa. Le bi gaŋ Yesu ke u di uŋaal paan u pu.

Tibɔnyaan ti Mak ŋmee ti na 8:23

Le Yesu chuu uŋaal, ki dar u ki di nyan kitiŋ ngbaan ni, le ki ti tii timɔɔtan ŋa ujoon ngbaan aanimbil ni, ki di uŋaal paan u pu, ki baa u, “Aa waa aa?”

Tibɔnyaan ti Luk ŋmee ti na 13:13

le ki di uŋaal paan u pu. Libuul ngbaan ni le u yaar, le ki nyuŋ Uwumbɔr.

Tibɔnyaan ti Luk ŋmee ti na 4:38

Yesu nan nyan mmeen aadiik ni, ki buen Simonn aadichal ni. Le Simonn aapuu aana aawon toŋ sakpen. Le bi mee Yesu ke u ter u.

Tibɔnyaan ti Luk ŋmee ti na 4:40

Tɔ, nwiin aah bi lir na, le binib bimɔk kpa bibum bido na joo ni bi Yesu chee. Le iween aabɔŋ aabɔŋ joo bi. Le u di uŋaal paan bi mɔmɔk pu, ki cha bi pɔɔk.

Tibɔnyaan ti Luk ŋmee ti na 7:12

Waah peen kitiŋ ngbaan aagoln aabisamɔb na, le u kan uja ubaa kpo, bi tu ni u. Una nan ye ukpopii la. U mu ye ujapɔnbaal la. Le waatiŋ aanib pam mu dii u ki wiir.

Jɔnn 11:3

Waah bun na, le uninkpatiib tun unii u ti tuk Yesu, “Tidindaan, unii u aa gee u na bun.”

Lituln 28:8

Ute nan bun, ki dɔ kidiik ni. Uwon nan ton, le u peel nsin. Pɔɔl nan koo u chee kidiik ni, ki ti mee Uwumbɔr tii u, ki ti di uŋaal paan u pu, le u pɔɔk.

Lituln 6:6

Le bi nyan bijab bilole bimina, ki cha bi sil Yesu aakpambalb aanimbiin ni. Le bi mee Uwumbɔr tii bi, ki di biŋaal paan bi pu.

Lituln 8:17

Nima pu na, Piita ni Jɔnn nan mee Uwumbɔr tii bi, le ki di biŋaal paan bi pu. Baah ŋa kina na, le Uwumbɔr Aafuur Nyaan gbiin binib ngbaan.

Lituln 9:12

le ki daŋ tidaŋ ki kan uja u bi yin u ke Ananias na koo ni u chee, ki nan di uŋaal paan u pu, ke unimbil ki likr.”

Lituln 9:17

Le Ananias fii ki buen Judas do, ki ti koo Sɔɔl chee, ki di uŋaal paan u pu, le ki bui u, “Nna aabo Sɔɔl, Tidindaan le tun ni mi aa chee. Yesu u di ubaa mɔk si, saah bi nsan ponn ni ki choo na, uma le tun ni mi, ke m cha aa ki likr, ki gbiin Uwumbɔr Aafuur Nyaan.”