Tibɔnyaan ti Mak ŋmee ti na 5:13 - Uwumbɔr aagbaŋ

¹³ Le u kii. Le ti nyan uja ngbaan ni, ki ti koo igbeer na ni. Le igbeer mɔmɔk san sunn limɔɔgongoln taab, ki ti koo nnyun ni, ki bee nnyun ni. I ga nan li fuu ŋichur ŋilee.

UWONBƆR A GBƆNPƆŊ LIKƆƆNL

¹³ Le Yisa nan jaa bi nsan, le bi nan nyan uja nmɔn ni, ki tan kɔɔ idoolin. Le idoolin biɛn nan guun burburbur ki jiir limɔgilin, le nnyum jin bi. Idoolin a kanl nan foo turilee paama.

Tibɔnyaan ti Mak ŋmee ti na 5:13 ပူးပေါင်းရင်းမြစ်များ

1 Bibɔrb 22:22

Le Uwumbɔr baa mu ke, ‘Aa ga ŋa kinye?’ Le mu gar u ke, ‘M ga buen le ki ti cha Ahab aabɔnabr mɔmɔk mɔnn inyamɔn.’ Le Uwumbɔr bui ke, ‘Li cha ki ti ŋmann u. Aa ga ti ŋman.’”

Job Aagbaŋ 1:12

Le Uwumbɔr bui kinimbɔŋ ke, “Tɔ, m di waah kpa tiwan ni mɔmɔk na ŋa aaŋaal ni, aa mu taa di aaŋaal meeh Job ubaa.” Le kinimbɔŋ siir.

Job Aagbaŋ 2:6

Le Uwumbɔr bui u ke, “Tɔ, m di u ŋa aaŋaal ni, aa mu taa tee ku u.”

Matiu 7:6

“Ni taa di tiwan ni bi chain na di tii ibɔ. I ga gir nan junn nimi. Ni taa di nleenyaan di tii igbeer. I ga taa taa mu pu.”

Matiu 8:32

Le Yesu bui ti, “Li cha man.” Le ti nyan binib ngbaan ni, le ki ti koo igbeer na ni. Libuul ngbaan ni, le igbeer ngbaan mɔmɔk san sunn limɔɔgongoln taab, le ki ti koo nnyun ni ki kpo.

Tibɔnyaan ti Mak ŋmee ti na 5:12

Le tiyayaar ngbaan gaŋ Yesu ke, “Cha ti ti koo igbeer ngbaan ni.”

Tibɔnyaan ti Mak ŋmee ti na 5:14

Le bijab bi kii igbeer ngbaan na san buen kitiŋ ni, ni itingbaan ni, ki ti tuk binib tibɔr ngbaan. Binib aah ŋun kina na, le bi dan bi nan lik budabu ŋa na,

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

1 Piita 3:22

Yesu Kristo nan buen paacham ki ti bi Uwumbɔr aaŋangii wɔb. Le Uwumbɔr di waatuuntiib, ni paacham yaab, ni kinimbɔŋ ni kaapɔɔn mɔmɔk ŋa Yesu Kristo aaŋaal ni.

Tibɔkpiirkaan 20:7

Ŋibin lichur ngbaan yaa jer kan, Uwumbɔr ga cha bi nyan kinimbɔŋ kiyondiik ni, ki di ki lii.

Tibɔkpiirkaan 9:11

Libuul li kaa kpa limɔk na aatuun le ye yaabɔr. Hiibru aaliin ponn ni, bi yin u ke Abadonn. Griik aaliin ponn ni, bi yin u ke Apolionn. Naatataa le ye ke “U kulni binib na.”