Tibɔnyaan ti Mak ŋmee ti na 4:7 - Uwumbɔr aagbaŋ

⁷ Le mubaa mu lir ikokon ponn ni. Le ikokon muun, le ki ku mu, le mu aa mar.

UWONBƆR A GBƆNPƆŊ LIKƆƆNL

⁷ Le iba mu nan lu ikunkon ni, ki nan yegin pan ki yabig nin ikunkon nin. Le ikunkon nin ŋuuri ki ku le yaa fir naan ni.

Tibɔnyaan ti Mak ŋmee ti na 4:7 ပူးပေါင်းရင်းမြစ်များ

Jeremia 4:3

Uwumbɔr bui Juda ni Jerusalem aanib ke, “Kpar nimi aasikpil ŋi kaa kpar na; taa di nimi aajikaabim bu ŋmal ikokon ponn ni man.

Matiu 13:22

Binib ngem mu bi ke njikaabim mu lir ikokon ponn ni na la. Bi ŋun tibɔr ngbaan la. Le bitafal bi baabimbin ni, ni liwankpal ni. Nima le ku tibɔr ngbaan bisui ni, le taa mar.

Matiu 13:7

Le mubaa mu lir ikokon ponn ni. Le ikokon muun le ki ku mu.

Matiu 13:8

Le mubaa mu lir kitiŋ ki ŋan na ponn ni le ki mar. Ngem lun nkub nkub, ngem mu lun imonko itata, ngem mu lun piitaa piitaa.

Tibɔnyaan ti Mak ŋmee ti na 4:6

Le nwiin puu, ki ton, ki see mu. Mu aah kaa kpa inyaan mbamɔm na, le mu yɔl, ki kpo.

Tibɔnyaan ti Mak ŋmee ti na 4:8

Le mubaa mu lir kitiŋ ki ŋan na ponn ni, ki punn, le ki muun, ki mar. Ngem lun piitaa piitaa, ngem mu lun imonko itata, ngem mu lun nkub nkub.

Tibɔnyaan ti Luk ŋmee ti na 12:15

le ki tuk kinipaak ngbaan, “Ni li nyi man ki taa li kpa iniman. Unii yaa kpa liwangol li wiir na kan, nima le aan tii u limɔfal.”

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

Tibɔnyaan ti Luk ŋmee ti na 8:14

Mu lir ikokon ponn ni na le ye binib bi ŋun Uwumbɔr aabɔr aan ki cha bitafal bi liwankpal ni, ni dulnyaa ni aawan ni mɔ na ni, ni baabimbin aabɔr ni na. Nima le ku tibɔr ngbaan bisui ni. Le taa mar.

Tibɔnyaan ti Luk ŋmee ti na 8:7

Le mubaa mu lir ikokon ponn ni. Le mu ni ikokon kpaan muun. Le ikokon ku mu.