Tibɔnyaan ti Mak ŋmee ti na 4:39 - Uwumbɔr aagbaŋ

³⁹ Le u fii ki kae kibuŋ ngbaan, le ki bui nnyun ngbaan ke, “Doon suuna.” Libuul ngbaan ni, le kibuŋ ngbaan ŋmin, nnyun mu doon suuna, ni mɔmɔk ŋmin chii.

UWONBƆR A GBƆNPƆŊ LIKƆƆNL

³⁹ Le u fii sir le ki tiɛn ntafaam nbu, ki sin bei limɔgilin mu ke, “Ŋmin soon na.” Le ntafaamin nan jiɛn, le kunyungbɔŋin mu ŋmin soon.

Tibɔnyaan ti Mak ŋmee ti na 4:39 ပူးပေါင်းရင်းမြစ်များ

Job Aagbaŋ 38:11

M nan bui mu ke, “Sil nima ki taa ki foor. Do le saanyunkpenn ti pɔɔ sakpen na ga sil.”

Ilahn 107:29

U nan cha kitaabuŋ ŋmin chii, le tinyunkpenn doon suuna.

Ilahn 148:8

utaal aah moor pu na, ni ŋitaanal, ni ntaalangbam, ni ŋibun ŋi pɔɔ ki kii waakaal na, pak u man.

Ilahn 29:10

Uwumbɔr le joo nnyun mu nyoo na, u ye ubɔr n‑yoonn mɔmɔk la.

Ilahn 65:7

Aa cha nnyusakpem ŋmini chii; ki cha mu aanyunkpenn ŋmini chii; binib yaa faa kifuuk kan, le aa ŋmin bi chii.

Ilahn 89:9

Sin le joo nnyusakpem mu pɔɔ sakpen na; aa cha mu aanyunkpenn doon suuna.

Nnyam 14:16

Yoor saajaangbeek paacham ki di mɔk nnyusakpem ngbaan. Nnyun ngbaan ga yakr, le Israel yaab ga ŋmaa chuun kitikuun pu ki jer nnyusakpem ngbaan aasisik ni.

Nnyam 14:22

le Israel yaab chuun nnyusakpem ngbaan ni, kitikuun pu, le nnyun ngbaan kpaln ŋigon ki sil ŋipepel mɔmɔk ŋilee.

Ŋiyataŋak 8:29

le ki bui nnyusakpem aanyun ke mu taa ki fii ti jer waah siin mu nin chee na. M nan bi le u naan kitiŋ aatinyikl.

Jeremia 5:22

Min le ye Uwumbɔr; ba ŋa naa san mi? Ba ŋa naa jii nnimbiin ni? M di litambol le bil kiir nnyusakpem, ke mu aanaanmɔk le na n‑yoonn mɔmɔk. Nnyusakpem aanyun ga fii too paacham, mu mu aan ŋmaa jer mu aanaanmɔk, le tinyunkpenn ga ŋmaa fii ti lir ni kifuuk, ti mu aan ŋmaa jer buen nibaa.

Inandalahn 3:31

Uwumbɔr san kinimbaak, kaa yii timi kookoo.

Nahum 1:4

Uma le len nnyusakpem chee, le mu foor. U cha ŋimɔɔ foor. Basann aatiŋ aakpaakon kuur la, Kamel Aajool mann ke titan na la, le Lebanonn aatiŋ aasupuun gbar lir.

Matiu 8:26

Le u bui bi, “Ba ŋa ni san ijawaan? Naa gaa mi ki kii mbamɔm.” Le u fii ki kae kibuŋ ni nnyun. Le kibuŋ ni nnyun mɔk ŋmin chii.

Tibɔnyaan ti Mak ŋmee ti na 4:38

Yesu mu dɔ liyikukur pu geen, liŋɔjuul wɔb. Le bi dan nan finn u, le ki bui u ke, “Umɔmɔkr, ti yaa bee nnyun ni kan, aatafal aa bi ti ni ii?”

Tibɔnyaan ti Mak ŋmee ti na 9:25

Le Yesu kan ke kinipaak ngbaan san choo, ki kuuni, ki goi bi. Le u kae libimbikl ngbaan, le ki bui li ke, “Libimbikl li ŋa u ubir ni utafakpaa na, m bui si la, nyan u ni, ki taa ki chuu u daalbaadaal.”

Tibɔnyaan ti Luk ŋmee ti na 4:35

Le Yesu kae tiyayaar ngbaan, ki len ke, “Ŋmim. Di uja ngbaan lii.” Le tiyayaar ngbaan di u lii kitiŋ, ki nyan cha u. Taah lii u kitiŋ na, naa ŋa u nibaa.

Tibɔnyaan ti Luk ŋmee ti na 4:39

Le Yesu dan nan sil jonn u pu, le ki kae iween i joo u na. Le uwon sɔŋ. Libuul ngbaan ni le u fii, ki chann bi tichann.

Tibɔnyaan ti Luk ŋmee ti na 8:24

Le bi dan ki nan finn Yesu ki bui ke, “Tidindaan, Tidindaan, ti ga bee nnyun ni.” Le u finn, ki kae kibuŋ ni tinyunkpenn. Le kibuŋ ni tinyunkpenn ŋmin chii.