Tibɔnyaan ti Mak ŋmee ti na 15:14 - Uwumbɔr aagbaŋ

¹⁴ Le Pailat baa bi, “Ba ŋa? U tun bakaa bayoo?” Le bi moo tar sakpen ke, “Kpaa u ndɔpuinkoo pu.”

UWONBƆR A GBƆNPƆŊ LIKƆƆNL

¹⁴ Le Palati baan bi ke, “Babu? U bir jann ye ti laa?” Le bi mann tiɛn papaab ki ke, “Kpaa mu lidapunpunl bu!”

Tibɔnyaan ti Mak ŋmee ti na 15:14 ပူးပေါင်းရင်းမြစ်များ

Ilahn 69:4

Binib bi nan mi fam na wiir jer tiyikpir ti bi n‑yil pu na, Maadim mɔni inyamɔn le paani mi, bi kpa mpɔɔn le ki ban bi ku mi. Bi cha m joo tiwan ni maa sun na le giini tii.

Aisaya 53:3

Ti lik u fam ki yii u; u nan kan falaa ni iween. Ubaa aa ban ke u lik kan u, ti suln ubɔr ke waah kaa ye nibaa le na.

Aisaya 53:9

Bi nan ban ke u ni titunwanbirdam nan kpaan likaakul la, u ni biwankpadam le bi nan kpaan di sub; ba pu? waa nan ŋa titunwanbir aatuln libaa, hali waa nan mɔn nnyamɔn mubaa.”

Matiu 27:19

Buyoonn u bi ji Yesu tibɔr na, Pailat aapuu nan di unii tun ni, ke u li nyi ki taa ŋa uja nyaan ngbaan nibaa; ke uja ngbaan pu, u daŋ tidaŋ ti muk u sakpen na kinyeek na.

Matiu 27:4

le ki bui bi, “M tun titunwanbir la. M kooh unii u kaa kpa taani na ke bi ti ku u.” Le bi bui u, “Naa ye timi aabɔr. Ni ye saabɔr la.”

Matiu 27:54

Butɔb aajab aaninkpel, ni binib bi bi u chee ki si kii Yesu na aah kan kitiŋ aah deŋ pu na, ki kan tiwan nimɔk ŋa na, le ijawaan chuu bi sakpen. Le bi bui ke, “Mbamɔn, u sil ye Uwumbɔr Aajapɔɔn la.”

Tibɔnyaan ti Mak ŋmee ti na 15:13

Le bi teen ke, “Kpaa u ndɔpuinkoo pu.”

Tibɔnyaan ti Mak ŋmee ti na 15:15

Le Pailat ban ke u sɔŋ bisui. Kina pu na, u nan nyan Barabas lii, le ki cha waajab lue Yesu ŋinaalab, ki di u ŋa biŋaal ni, bi ti kpaa u ndɔpuinkoo pu.

Tibɔnyaan ti Luk ŋmee ti na 23:21

Le bi ki teen ke, “Kpaa u ndɔpuinkoo pu. Kpaa u ndɔpuinkoo pu.”

Tibɔnyaan ti Luk ŋmee ti na 23:4

Le Pailat bui Uwumbɔr aatotoorninkpiib ni kinipaak ngbaan, “Maa kan uja wee aataani ubaa.”

Tibɔnyaan ti Luk ŋmee ti na 23:41

Timi le ŋeer ntafadaan ngbaan. Bi ŋa timi, timi aatuln aah ŋeer pu na la. Uma le aa ŋa bakaa ubaa,”

Tibɔnyaan ti Luk ŋmee ti na 23:47

Tɔ, butɔb aajab aaninkpel aah kan naah ŋa pu na, le u nyuŋ Uwumbɔr, le ki bui ke, “Uja ngbaan sil ye uninyaan la.”

Jɔnn 18:38

Le Pailat baa u, “Mbamɔn ye kinye?” Pailat aah len kina na, le u ki nyan lipaal Juu yaab chee, ki ti bui bi, “Maa kan waataani ubaa.

Jɔnn 19:6

Uwumbɔr aatotoorninkpiib ni baatutum aah kan u na, le bi teen ke, “Kpaa u ndɔpuinkoo pu, kpaa u ndɔpuinkoo pu.” Le Pailat bui bi, “Nimi nibaa kpaa u ndɔpuinkoo pu man. Maa kan waataani ubaa.”

Lituln 13:28

Juu yaab nan mee Pailat nsan ke bi ku Yesu. Bi mu aa kan waataani ki ga ŋmaa len ke u ŋeer bi ku u.

Lituln 19:34

Kinipaak ngbaan aah bee ke u ye Juu yaab aanii na, le bi kpaan ki teen nfumbaa ke, “Atemis li ye Efesus aatiŋ aanib aawaal na ye liwaal sakpeln la.” Bi nan tar kina ki ti saa tikur tilee.

Hiibru Yaab 7:26

Yesu le ye utotoorninkpel taah ban pu na. U bi chain, kaa kpa ngalm, kaa kpa titunwanbir tibaa. U ni titunwanbirdam aa kpaani. Uwumbɔr yoor u paacham ki jer bimɔk bi paacham na.

1 Piita 1:19

U nan di Kristo aasin mu jer ŋimombil na le gaa nimi lii; uma Yesu nan di ubaa toor kitork ki tii Uwumbɔr, ki bi ke upihbo nyaan u kaa kpa iween ibaa na.