Tibɔnyaan ti Mak ŋmee ti na 14:72 - Uwumbɔr aagbaŋ

⁷² Libuul ngbaan ni, le lelee aakooja wii. Le Piita teer ke Yesu ba bui u ke, “Aa ga len nfum mutaa ke saa nyi mi le lelee aakooja nin wii.” Piita aah teer kina na, le u wii pam.

UWONBƆR A GBƆNPƆŊ LIKƆƆNL

⁷² Libol nmɔn le ukooja mɔɔ kpiɛ itaa ilee; le Piita nin tiɛr Yisa kaah bi bei u man ni ke, “A li len ke ŋaa nyi mi itaa itaa le ukooja n nin mɔɔ.” Iyaayoo nmɔn le Piita nin piin ti mɔɔr.

Tibɔnyaan ti Mak ŋmee ti na 14:72 ပူးပေါင်းရင်းမြစ်များ

2 Samuel 24:10

Tɔ, David aah kahn binib ngbaan doo kina na, le usui bii, le u bui Uwumbɔr ke, “M tun titunwanbir ti bir sakpen na. M gaŋ si ke aa di cha pinn mi. M tun kijɔrk aatuln la.”

Esekiel 16:63

M ga di cha pinn si saah tun taani u mɔmɔk na, aa mu tee ga teer taani ngbaan bɔr, le inimɔɔn ga chuu si sakpen, le saan ki ŋmaa waar aamɔb.” Aadindaan Uwumbɔr le len kina.

Esekiel 36:31

Ni ga teer nimi aatunwanbir, ni taani u ni ŋa na, le niponn ni ga li sukr nibaa pu, naah tun titunwanbir, ni mbiin mu ni ŋa na pu.

Esekiel 7:16

Bibaa ga san buen ŋijoo ni ke ŋinanjel ŋi tiwan faani ŋi tifatann ni na la. Bi mɔmɔk ga li du baatunwanbir pu.

Matiu 26:34

Le Yesu bui u, “M tuk si mbamɔn la, kinyeek kimina, aa ga len nfum mutaa ke saa nyi mi le ukooja nin wii.”

Tibɔnyaan ti Mak ŋmee ti na 14:30

Le Yesu bui u, “M tuk si mbamɔn la, kinyeek kimina, aa ga len nfum mutaa ke saa nyi mi le lelee aakooja nin wii.”

Tibɔnyaan ti Mak ŋmee ti na 14:68

Le Piita nee, ki bui u, “Maa bee saah len pu na aatataa,” le ki nyan lipaal kikaakpaak ponn ni. N‑yoonn ngbaan le ukooja wii.

Tibɔnyaan ti Mak ŋmee ti na 14:71

Le Piita puu Uwumbɔr, ki bui ke, “Maa nyi naah len unii u na. M yaa mɔn nnyamɔn kan, Uwumbɔr daa ntafal.”

Tibɔnyaan ti Luk ŋmee ti na 22:60

Le Piita bui u, “Uja, maa nyi saah len pu na aatataa.” Waah laa bi len kina na, libuul ngbaan ni, le ukooja wii.

Tibɔnyaan ti Luk ŋmee ti na 22:62

Le Piita nyan lipaal, ki ti wii pam.

2 Korenti 7:10

Ba pu? Uwumbɔr yaa cha unii kpa mpombiin waatunwanbir pu kan, nima le ga cha u kpeln waabimbin ki ŋmar. Naan ki gar u. Tɔ, dulnyaa wee ni aapombiin joo ni nkun la.