Tibɔnyaan ti Mak ŋmee ti na 14:65 - Uwumbɔr aagbaŋ

⁶⁵ Le bi ponn ni bibaa piin ki bi teei timɔɔtan ŋani u pu, le ki di likekeln poo unimbil, ki gbaa u, ki baa u ke, “Ulau faa si?” Bikikiirb ngbaan mu nan gaa u ki gbaa u.

UWONBƆR A GBƆNPƆŊ LIKƆƆNL

⁶⁵ Le bi ni biba siin timɔsann jaar u bu; le ki piin u num paam le ki pebir u ntapam ki ji baan u ke, “Biɛ njee ŋma pebiŋ ŋaa.” Le ban guu win mu boo u.

Tibɔnyaan ti Mak ŋmee ti na 14:65 ပူးပေါင်းရင်းမြစ်များ

2 Bibɔrb Aabɔr 18:23

Le ubɔnabr u bi yin u ke Sedekia na buen Mikaya chee, le ki ti faa u kitapak unimbil wɔb, ki baa ke, “N‑yoonn mulamu aan Uwumbɔr Aafuur Nyaan nyan mi ni ki ti len aa chee?”

Esta 7:8

N‑yoonn mu u lir gbaan Esta aajal li fɔk na pu ke u gaŋ u na, le ubɔr ki nyan ni lichiln ni ki koo ni kidiik ngbaan ni. Waah kan Hamann nima chee na, le u kaan lii ke, “Uja wee ban ke u chuu ubɔrpii nnimbil ni, mbaa aabɔrdichal ni, ki doon u chee la aa?” Ubɔr ti len kina door na, le waakikiib di likekeln biin Hamann aanimbil wɔb.

Job Aagbaŋ 30:10

Bi lik seeni mi la; bi dak ke bi ŋan sakpen ki jer mi, le ki kpaan choo nan tei timɔɔtan ŋani m pu.

Aisaya 50:6

M di mpuwɔb tii binib bi gbaa mi na. Maa nan bui binib bi seei mi ki dar gui maalangbaln aakor ki teei timɔɔtan lɔi mi na ke bi di cha.

Aisaya 52:14

Lijinjiir nan chuu binib bi nan kan u na; u nan char char, kaa ti ki naahn unibɔn.

Aisaya 53:3

Ti lik u fam ki yii u; u nan kan falaa ni iween. Ubaa aa ban ke u lik kan u, ti suln ubɔr ke waah kaa ye nibaa le na.

Maika 5:1

Jerusalem aanib, kuun nimi aajab man. Bi loon timi a. Bi bi tak Israel aayidaan la.

Nkahm 12:14

Le Uwumbɔr giin bui u ke, “Miriam aate yaa ba tii timɔɔtan ŋa unimbil wɔb kan, u ba ga ji kina aanimɔɔn iwiin ilole la. Nima pu na, ni nyan u linampal likpaakool libaa, nee aapuwɔb na, ni ki giin ni u linampal.”

Matiu 27:30

le ki teei timɔɔtan lɔe u, le ki gaa lidabil ngbaan ki di faa uyil paab.

Tibɔnyaan ti Mak ŋmee ti na 10:34

Le bi ga yook mi, ki teei timɔɔtan ŋa m pu, ki lue mi ŋinaalab, le ki nin ku mi. Iwiin itaa daal le m ga fikr nkun ni.”

Tibɔnyaan ti Mak ŋmee ti na 15:19

ki joo lidabil gbaa uyil paab, le ki teei timɔɔtan lɔe u, ki gbaan unimbiin ni ki doon u.

Jɔnn 18:22

Yesu aah len kina na, le ututunn u si u chee na di uŋaal faa u, le ki baa u, “Uwumbɔr aatotoorninkpel chee le aa len kina aa?”

Jɔnn 19:3

le ki choo ki nan dooni u, ki bui u, “Juu yaab Aabɔr, aa doon aa?” le ki joo biŋaal gbaa u.

Lituln 23:2

Waah len kina na, le Uwumbɔr aatotoorninkpel Ananias tuk binib bi si Pɔɔl chee na ke bi faa umɔb.

Hiibru Yaab 12:2

Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.