Tibɔnyaan ti Mak ŋmee ti na 14:13 - Uwumbɔr aagbaŋ

¹³ Le u bui waadidiliib ponn ni bilee ke, “Ni li cha kitiŋ ngbaan ponn ni man. Ni yaa koo ki ponn ni kan, uja u tu nnyun na ga ton nimi nsan ponn ni.

UWONBƆR A GBƆNPƆŊ LIKƆƆNL

¹³ Le u tun bi ni bilee ki ke, “Ni li chaa kitiŋ nan yaan man. Ni li kan uja uba wee u tu linyunbool, ni li nɔɔ wa man,

Tibɔnyaan ti Mak ŋmee ti na 14:13 ပူးပေါင်းရင်းမြစ်များ

Matiu 8:9

Min mbaa kii maaninkpel aamɔb, ki mu ye butɔb aajab aaninkpel la, le ki bui ubaa, ‘Li cha,’ le u buen; ki bui ubaa mu, ‘Dan,’ le u dan; ki bui maanaagbiija, ‘Ŋa kina,’ le u ŋa.”

Tibɔnyaan ti Mak ŋmee ti na 14:12

Lakr‑jer aajim, buyoonn bi ga ŋmɔ boroboro u kaa kpa nnyɔk na aajan aawiindaal, bundaln bi ga kɔr upihbo na, le Yesu aadidiliib dan nan baa u ke, “Aa ban ke ti gor njim ngbaan aajikaar la chee ki tii si?”

Tibɔnyaan ti Mak ŋmee ti na 14:14

Ni li dii u man, ki ti koo waah ga koo lidichal li ponn ni na, ki bui udichadaan ngbaan, ‘Umɔmɔkr bui ke u ni waadidiliib ga ji njim ngbaan aajikaar kiladiik ni?’

Jɔnn 15:14

Ni yaa ŋani maah tuk nimi pu na kan, ni ye njɔtiib la.

Jɔnn 2:5

Le una bui bitutum na, “U yaa tuk nimi pu na kan, ni ŋa kina.”

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Hiibru Yaab 5:9

Nima le cha u ye timi aaŋmaŋmardaan bamɔnn, ki gaa binib bimɔk kii waamɔb na lii n‑yoonn mu kaa kpa ndoon na.