Tibɔnyaan ti Mak ŋmee ti na 13:13 - Uwumbɔr aagbaŋ

¹³ M pu, le binib mɔmɔk ga li nan nimi. Unii umɔk jin limɔr ki dii mi ki ti saa limɔfal aadoon na, uma le ga ŋmar.”

UWONBƆR A GBƆNPƆŊ LIKƆƆNL

¹³ Le bininfob biɛn na yin nan ni le naah nɔɔm n bu. Wan mu nan fir ki jin fala nmɔn ki tan diɛ ke, u yaa daan mu li kan nŋmarim.

Tibɔnyaan ti Mak ŋmee ti na 13:13 ပူးပေါင်းရင်းမြစ်များ

Daniel 12:12

Binib bi ga li si chob aan iwiin lichur ni ikui itaa ni piitaa ni iŋmu ti jer na ga li kpa mpopiin.

Matiu 10:22

Le binib mɔmɔk ga li nan nimi m pu. Unii umɔk jin limɔr ki dii mi ki ti saa limɔfal aadoon na, uma le ga ŋmar.

Matiu 24:13

Unii umɔk ji limɔr ki dii mi ki ti saa limɔfal aadoon na, uma le ga ŋmar.

Matiu 24:9

“N‑yoonn ngbaan bi ga chuu nimi, ki ŋa nimi falaa, ki ga ku nimi. M pu, le ŋinibol mɔmɔk ga li nan nimi.

Tibɔnyaan ti Mak ŋmee ti na 13:12

N‑yoonn ngbaan le unii ga di una aabo ŋa binib aaŋaal ni ke bi ti ku u. Tetiib mu ga di baabim ŋa binib aaŋaal ni ke bi ti ku bi. Binib mu ga yii bitetiib ni binatiib, ki cha binib ku bi.

Tibɔnyaan ti Luk ŋmee ti na 21:17

Binib mɔmɔk ga li nan nimi m pu.

Tibɔnyaan ti Luk ŋmee ti na 6:22

“Binib yaa nan nimi, ki yakr ni chee, ki sii nimi, ki yin nimi mbiindam, min Unibɔn Aabo pu kan, Uwumbɔr aanyoor bi ni pu.

Jɔnn 15:21

Baa nyi Uwumbɔr u tun ni mi na. Nima le bi ga ŋa nimi falaa m pu.

Jɔnn 17:14

M tuk bi saaliin. Maah kaa ye dulnyaa yoo na, kina le bi mu aa ye dulnyaa yaab. Nima le cha dulnyaa aanib nan bi.

Rom Yaab 2:7

Binib bi kpa limɔr ki tun lituln li ŋan na, ki ban mpakm, ni nnyuŋ, ni limɔfal li kaa kpa ndoon na, bima le Uwumbɔr ga tii bi limɔfal li kaa kpa ndoon na.

Galantiya 6:9

Cha ti tun litunyaan ki taa di cha; ba pu? ti yaa kaa di cha kan, ni nan saa naayoonn kan, ti ga kan lituln ngbaan aanyoor.

Hiibru Yaab 10:39

Tima kan, taa ye binib bi gir puwɔb aan ki beer yɔli na. Ti ye binib bi tii Uwumbɔr naadii aan ki ŋmar na la.

Hiibru Yaab 3:14

Ti yaa beenin tii u naadii ke taah nan tii u naadii njan pu na ki ti saa ndoon kan, ti ga ji waamɔɔn.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

1 Jɔnn 3:13

Nnaabitiib, dulnyaa aanib yaa nan nimi kan, taa cha ni gar nimi man.

Tibɔkpiirkaan 2:10

Ni ga ji falaa dandana wee; ni mu taa san ijawaan man. Kinimbɔŋ ga di ni ponn ni bibaa ŋa kiyondiik ni, aan ni kan ntɔŋ, le ni ga ji falaa iwiin kipiik. Ni li dii maasan mbamɔm ki nan saa nkundaal man. Le m ga nan tii nimi lipal li ye limɔfal li kaa kpa ndoon na.

Tibɔkpiirkaan 3:10

Ni kii maabɔr, ki kpa limɔr. Nima pu na, m mu ga li lik nimi, ki nyan nimi falaa u ga pii dulnyaa aanib mɔmɔk ki tɔŋ bi na ni.