Tibɔnyaan ti Mak ŋmee ti na 12:14 - Uwumbɔr aagbaŋ

¹⁴ Baah fuu ni u chee na, le bi bui u ke, “Umɔmɔkr, ti bee ke aa len mbamɔn la, kaa san ubaa ijawaan, kaa pak ubaa ki jer uken. Aa mɔk timi Uwumbɔr aasan mbamɔm la. Ni ŋan ti pa lampoo tii Ubɔrkpaan Siisa aan naa ŋan? Ti pa aan ti taa pa?”

UWONBƆR A GBƆNPƆŊ LIKƆƆNL

¹⁴ Le bi nan foon ki baan u ke, “Wan wɔɔn, ti nyi ŋaah pag ibamɔn, kaa san bijawaam nin bininfob kaah li tiɛr man ni. A biɛ wɔɔn bininfob Uwonbɔr a sam nin ibamɔn, le a baga kaa be nin uninfo kaah ye wan ni. Mambu, bei ti ni, ni ŋan nin ti yɔ lampo ki sei Rom a tiŋ a bɔru Siiza, bee ti laa yɔɔ?”

Tibɔnyaan ti Mak ŋmee ti na 12:14 ပူးပေါင်းရင်းမြစ်များ

2 Bibɔrb Aabɔr 18:13

Le Mikaya gar u ke, “Uwumbɔr u bi na pu, m ga ti len uma Uwumbɔr aah bui mi ke m len pu na la.”

2 Bibɔrb Aabɔr 19:7

Li san Uwumbɔr man, ki li nyi naah tun pu na, ba pu? Ni yaa kaa tii binib baabamɔn, bee ni yaa kpa imaagann, bee ni yaa gaal igaŋgaŋlik kan, Tidindaan Uwumbɔr aa gee kina.”

Nehemia 9:37

Bibɔrb bi aa cha bi joo timi, timi aatunwanbir pu na le gaal kitiŋ ngbaan aah ŋani tijikaar ti na. Bi ŋani timi, ni timi aawakor baah gee pu na la, le ni bii tisui sakpen.”

Ilahn 120:2

Uwumbɔr, nyan mi binyamɔndam ni biŋmaŋmannim chee.

Ilahn 55:21

Waamɔbon nan mɔ ke tisiir na, le uponn ni ma tee to; waamɔbon nan sɔŋni unii aasui ke nkpapem na, le ki tee geei ke kijaak aajuk ki ka na.

Jeremia 42:20

ni bi tun taani sakpiin la. Ni bui mi ke m mee Tidindaan Uwumbɔr tii nimi, le ki puu ke ni ga ŋa waah len pu na mɔmɔk.

Maika 3:8

Tɔ, mma kan, Uwumbɔr le joo Waafuur Nyaan ni waapɔɔn gbiini mi, le ki tii mi ibamɔn aalan, ni ntaakpapɔɔn mu m ga ŋmaa di bui Israel yaab baatunwanbir aah ye pu na.

Matiu 22:16

Le bi tun baadidiliib ni Ubɔr Herod aanib bibaa Yesu chee, le bi ti bui u, “Umɔmɔkr, ti bee ke aa len mbamɔn la, ki mɔk timi Uwumbɔr aasan mbamɔm, kaa san unii ubaa ijawaan, kaa pak ubaa ki jer uken.

Matiu 22:17

Tuk timi saah dak pu na. Ni ŋan ti pa lampoo ki tii Ubɔrkpaan Siisa aan naa ŋan?”

Tibɔnyaan ti Mak ŋmee ti na 12:13

Le bi di Farisii yaab bibaa, ni Ubɔr Herod aanib bibaa tun Yesu chee bi ti pen u nlan.

Tibɔnyaan ti Mak ŋmee ti na 12:15

Le u bee ke bi ban bi pen u nlan la, le ki baa bi, “Ba ŋa ni tɔŋ mi? Li joo ni limombil m lik man.”

Tibɔnyaan ti Mak ŋmee ti na 14:45

Judas aah fuu ni na, le u kpaan buen Yesu chee, ki ti bui ke, “Umɔmɔkr,” le ki moor utakpiln.

Tibɔnyaan ti Luk ŋmee ti na 20:22

Tuk timi, ni ŋan ti pa lampoo ki di tii Ubɔrkpaan Siisa aan naa ŋan?”

Tibɔnyaan ti Luk ŋmee ti na 23:2

le ki piin ki bi galni u, ki bui ke, “Ti kan uja wee ŋmanni timi aanibol la. U tuk bi ke bi taa ki pa lampoo tii Ubɔrkpaan Siisa, ke uma ubaa le ye Kristo u ga gaa binib lii na, ki ye Ubɔr.”

Jɔnn 7:18

Unii u len ubaa pu na, u ban ke binib nyuŋ u la. Unii u ban ke binib nyuŋ unii u tun ni u na, uma le ye mbamɔndaan, kaa ŋmanni binib.

Rom Yaab 13:6

Nima pu na, ni ŋan ke ni li pa lampoo mu. Bi ye Uwumbɔr aatutum bi u nan siin bi ke bi tun lituln ngbaan na la.

2 Korenti 2:17

Ti mu aa mooni Uwumbɔr aabɔr ŋimombil pu ke binib pam aah ŋani pu na. Uwumbɔr le tun timi ke ti moon waabɔr. Nima pu le ti ye binib bi len mbamɔn na, ki mooni Uwumbɔr aabɔr unimbil ni, Kristo aapɔɔn pu.

2 Korenti 2:2

Ba pu? nimi le ye binib bi tii mi mpopiin na. M yaa bii nisui kan, naan ki ŋmaa tii mi mpopiin.

2 Korenti 4:1

Tɔ, Uwumbɔr aanimbaasaln pu, le u tii timi waatuln ke ti tun. Nima le timi aataakpab aa yɔl.

2 Korenti 5:11

Nima le cha ti san Tidindaan, ki sur binib ke bi li dii u. Uwumbɔr nyi timi aabimbin aah bi pu na. M dak ke ni mu nyi timi aabimbin.

2 Korenti 5:16

Taan ki lik unii ubaa paacham ke dulnyaa ni aanib aah lik pu na. N‑yoonn mubaa ti nan lik Kristo kina la. Ti mu aa ki lik u kina.

Galantiya 1:10

M ban m piir binib aasui le aan Uwumbɔr aasui? M ban ke binib pak mi ii? Aayii. M yaa ban ke binib pak mi kan, maa ba ga li ye Kristo aatutunn.

Galantiya 2:6

Yesu aanib aaninkpiib bi kpa liyimbil na, baah bi pu na, naa ye nibaa m chee; ba pu? Uwumbɔr aa pak ubaa ki jer uken, binib ngbaan aa len ke m di tibɔr tibaa ki kpee maah mooni tibɔr ti na pu.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

1 Tesalonika 2:4

N‑yoonn mɔmɔk ti nan len Uwumbɔr aah ban ke ti len pu na; ba pu? u nan lik taah bi pu na, le ki di waabɔnyaan ngbaan ŋa tiŋaal ni, ke ti tuk binib. Nima pu le ti ban ke ti piir Uwumbɔr aasui, naa ye binib aasui. Uma Uwumbɔr le lik timi aasui ni aah bi pu na.