Tibɔnyaan ti Mak ŋmee ti na 12:11 - Uwumbɔr aagbaŋ

¹¹ Uwumbɔr le ŋa kina, le ni gar timi pam.’”

UWONBƆR A GBƆNPƆŊ LIKƆƆNL

¹¹ Uwonbɔr le ŋa man Le ni ŋa ti ligaril.”

Tibɔnyaan ti Mak ŋmee ti na 12:11 ပူးပေါင်းရင်းမြစ်များ

Mpiin 24:50

Le Labann ni Betuel bui ke, “Tibɔr ngbaan nyan ni Uwumbɔr chee la. Taan ŋmaa len tibaa.

Ilahn 118:22

Litakpal li bidimaab yii li na, lima le ye litakpajal.

Ilahn 118:23

Uwumbɔr le ŋa kina, li ni gar timi pam.

Habakuk 1:5

Uwumbɔr nan bui waanib ke, “Li lik man ŋitimbol ŋi mann goln nimi na, aan ki lik ke naah ga kan tiwan ni na ga chuu nimi ijawaan aan naan chuu nimi ijawaan. M ban ke m ŋa tiwan ni binib yaa tuk nimi ni pu na kan, naan tii naadii na la.

Nkahm 23:23

Nnyɔk mubaa aa bi, le kisook mu aa bi ki ga ŋmaa ŋa Israel yaab nibaa. Binib ga len Israel yaab aabɔr ke, ‘Lik Uwumbɔr aah ŋa pu tii bi na.’

Matiu 21:42

Le Yesu baa bi, “Naah kee karn Uwumbɔr Aagbaŋ aah len pu na aa? ke, ‘Litakpal li bidimaab yii li na, lima le ye litakpajal. Uwumbɔr le ŋa kina, le ni gar timi pam.’

Lituln 2:12

Le ni gar bi mɔmɔk, ki cha bilan ŋmal. Le bi baa tɔb, “Naatataa ye kinye?”

Kolosiya 1:27

U ban ke bi bee tibɔr ngbaan aah ŋan sakpen ki ter ŋitimbol mɔmɔk pu na la. Tibɔbɔrkaan ngbaan le ye ke Kristo bi ni ni. Waah bi ni ni na, nima le ni kpa limakl ke ni ga ji waamɔɔn.

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.