Tibɔnyaan ti Mak ŋmee ti na 11:25 - Uwumbɔr aagbaŋ

²⁵ Ni yaa bi mee Uwumbɔr kan, di cha pinn binib bimɔk tun nimi taani na. Ni yaa di cha pinn bi kan, Nite Uwumbɔr u bi paacham na mu ga di cha pinn nimi aatunwanbir. [

UWONBƆR A GBƆNPƆŊ LIKƆƆNL

²⁵ Ni ye ni yin miɛ Uwonbɔr ke, wee ki tiɛr ke uba tun ki bii ni ke, jiɛn per wa, wee ni baa wan be paab nan mu li jiɛn ni toonbir per ni.

Tibɔnyaan ti Mak ŋmee ti na 11:25 ပူးပေါင်းရင်းမြစ်များ

Sekaria 3:1

Tidaŋ tiken ponn ni le Uwumbɔr nan di waatotoorninkpel Josua mɔk mi, u si Uwumbɔr aatuun aanimbiin ni. Le kinimbɔŋ mu si gbɔk Josua, ki kii ke u galn u.

Matiu 5:23

Aa yaa bi Uwumbɔr Aadichal ni ki ban aa tii Uwumbɔr ipiin, ki teer ke aa koo aana aabo ubaa aataani ni kan,

Matiu 6:12

Cha timi aataani ki pinn timi, ke ti mu aah di cha pinn binib bi koo timi aataani ni pu na.

Matiu 6:5

“Ni yaa mee Uwumbɔr kan, ni taa mee u ke biŋmaŋmannim na aah mee u pu na. Bi gee ke bi sil mmeen aadir ni, ni kitiŋ ponn ni ki mee Uwumbɔr, aan binib kan bi. M tuk nimi mbamɔn la, bi kan baapal le na.

Tibɔnyaan ti Luk ŋmee ti na 18:11

Farisii aanii na nan sil ubaa ki mee Uwumbɔr ki bui ke, ‘Uwumbɔr, m doon si ke maa bi ke binib mɔmɔk aah bi pu na. Maa kpa iniman, kaa tun lituln li kaa ŋan na, kaa gɔr kidagook, kaa bi ke ulampoogaar umina aah bi pu na.

Tibɔnyaan ti Luk ŋmee ti na 18:13

“Ulampoogaar ngbaan nan sil dandar, kaa kaa u waan lik paacham. U nan po si jik uyil, le ki bui ke, ‘Uwumbɔr, san mi titunwanbirdaan kinimbaak,’ le ki siir kun.

Tibɔnyaan ti Luk ŋmee ti na 6:37

“Ni taa ji binib tibɔr, le Uwumbɔr mu aan ji nimi tibɔr. Ni taa galni binib, le Uwumbɔr mu aan galn nimi. Ni di cha pinn binib man, le Uwumbɔr mu ga di cha pinn nimi.

Efesusi 4:32

Ni li ŋani tɔb tiŋann, ki li san tɔb kinimbaak, ki di cha pinn tɔb ke Uwumbɔr aah di cha pinn nimi, Kristo pu pu na.

Kolosiya 3:13

ki li kpa limɔr tɔb chee. Ni ponn ni ubaa ni uŋeen aatɔ yaa kpa tibɔr kan, ni di cha pinn tɔb. Tidindaan aah di cha pinn nimi pu na, ni mu di cha pinn tɔb kina.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Tibɔkpiirkaan 11:4

Biseeraadam bilee ngbaan ye nkpan aasui ilee ni karyaa tiib aah tɔŋni tiwan ni pu na bilee bi si dulnyaa Aadindaan aanimbiin ni na.