Tibɔnyaan ti Mak ŋmee ti na 11:22 - Uwumbɔr aagbaŋ

²² Le Yesu bui bi, “Tii Uwumbɔr naadii man.

UWONBƆR A GBƆNPƆŊ LIKƆƆNL

²² Le Yisa bei bi ke, “Ni ŋa Uwonbɔr yadau man.

Tibɔnyaan ti Mak ŋmee ti na 11:22 ပူးပေါင်းရင်းမြစ်များ

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

Ilahn 62:8

Maanib, tii Uwumbɔr naadii n‑yoonn mɔmɔk man. Bui u nimi aamuk mɔmɔk man, ba pu? uma le ye timi aabɔbɔryaan.

Aisaya 7:9

Israel aa pɔɔ ki jer Samaria ki ye kaatiyil na, le Samaria mu aa pɔɔ jer ubɔrkpaan Peka. “Aa yaa kaa kpa gaakii u ga yunn na kan, aa mu aan li bi ki yunn.”

Matiu 14:29

Le Yesu bui u, “Li chuun choo.” Le Piita nyan buŋɔb ni, ki chuun nnyun paab ki cha Yesu chee.

Matiu 17:20

Le u bui bi, “Naa gaa Uwumbɔr ki kii mbamɔm. Nima le naa ŋmaa nyan li. M tuk nimi mbamɔn la, ni yaa gaa Uwumbɔr ki kii siib kina kan, ni ga bui lijool limina ke, ‘Fii nima chee,’ le li ga fii. Nibaa aan li pɔɔ ni chee. [

Matiu 21:21

Le Yesu bui bi, “M tuk nimi mbamɔn la, ni yaa gaa Uwumbɔr ki kii, kaa joo beeni kan, ni mu ga ŋmaa ŋa kina. Naa ye nimina baanja le ni ga ŋa. Ni yaa po bui lijool limina ke li fii ki ti lir nnyusakpem ni kan, ni ga ŋa kina.

Tibɔnyaan ti Mak ŋmee ti na 9:23

Le Yesu bui u ke, “Aa len ke m yaa ga ŋman kan. Nibaa aa pɔɔ unii u gaa mi ki kii na chee.”

Jɔnn 14:1

“Ni taa cha ilandak li muk nimi. Ni gaa Uwumbɔr ki kii man, ki gaa m mu ki kii man.

Kolosiya 2:12

Baah muin nimi nnyun ni na, ni mɔk ke bi di nimi sub Kristo chee la. Baah nyan nimi nnyun ni na, le ni mɔk ke ni ki fikr u chee; ba pu? ni pak ke Uwumbɔr kpa mpɔɔn ki fikr Kristo nkun ni.

Taitus 1:1

Min Pɔɔl, m ye Uwumbɔr aatutunn, ki ye Yesu Kristo aakpambal, ke m ter Uwumbɔr aah nyan binib bi na ke bi gaa u ki kii, ki bee waabɔr ti gbii na. Waabɔr ngbaan ter bi, ke bi li bi waah ban pu na.