Tibɔnyaan ti Mak ŋmee ti na 10:52 - Uwumbɔr aagbaŋ

⁵² Le Yesu bui u ke, “Saah tii mi naadii na le cha aa likr. Li dii saasan.” Libuul ngbaan ni le unimbil likr, le u dii Yesu nsan ni nima.

UWONBƆR A GBƆNPƆŊ LIKƆƆNL

⁵² Le Yisa bei u ke, “Tɔ, li chaau. Ŋaah ŋaam yada n bu le a num ligir.” Libol nmɔn, le u num ligir, le u nɔɔ Yisa, le bi chaa.

Tibɔnyaan ti Mak ŋmee ti na 10:52 ပူးပေါင်းရင်းမြစ်များ

Ilahn 146:8

le ki likr bijoom aanimbil. U fiini binib bi lir ki dɔ na siini paacham; u gee waanib bi aabimbin ŋan na.

Ilahn 33:9

U nan di umɔb le len, le dulnyaa naan; le waamɔboln cha tiwan mɔmɔk nyan ni.

Aisaya 35:5

Bijoom ga likr, le bitafakpaab na mu ga ŋun.

Matiu 11:5

ke m likr bijoom aanimbil, ki cha biwɔb, ni bikɔndam, ni bitafakpaab pɔɔk, ki fikr binib bi kpo na nkun ni, ki tuk bigiim Uwumbɔr aabɔnyaan tee.

Matiu 12:22

Le binib bibaa joo ni unii u tiyayaar ŋa u ujoon ni ubir na Yesu chee. Le Yesu cha u pɔɔk, le u len, unimbil mu likr.

Matiu 15:28

Le Yesu bui u, “Upii, aa gaa mi ki kii mbamɔm la. Saah ban pu na, ni ŋa kina ki tii si.” Libuul ngbaan ni le ubisal pɔɔk, kaa ki bun.

Matiu 21:14

Bijoom ni biwɔb nan dan Yesu chee Uwumbɔr Aadichal ni, le u cha bi pɔɔk. Le mbim mu bi Uwumbɔr Aadichal ni na tar ke, “Hosiana, pakn Ubɔr David Aayaabil man.”

Matiu 8:3

Le Yesu taln uŋaal, ki meeh u, le ki bui u, “M gee. Aa pɔɔk a.” Libuul ngbaan ni le u pɔɔk.

Matiu 9:22

Le Yesu fenn ki kan u, le ki bui u, “Mbisal, chuu aabaa. Saah gaa mi ki kii mbamɔm pu na, nima le cha aa pɔɔk.” Libuul ngbaan ni le u pɔɔk.

Tibɔnyaan ti Mak ŋmee ti na 1:31

Le Yesu buen u chee, ki ti chuu uŋaal, ki fiin u kaan. Le uwon sɔŋ. Le u chann bi tichann.

Tibɔnyaan ti Mak ŋmee ti na 5:34

Le Yesu bui u, “Mbisal, saah gaa mi ki kii mbamɔm pu na, nima le cha aa pɔɔk. Li cha ni mpopiin. Saaween ngbaan aan ki fii.”

Tibɔnyaan ti Mak ŋmee ti na 8:25

Le Yesu ki gir di uŋaal paan unimbil pu. Le u lik mbamɔm, ki pɔɔk, ki waa tiwan mɔmɔk chain.

Tibɔnyaan ti Luk ŋmee ti na 7:50

Le Yesu bui upii ngbaan, “Saah gaa mi ki kii pu na, nima le cha aa ŋmar. Li cha ki li kpa nsuudoon.”

Tibɔnyaan ti Luk ŋmee ti na 9:48

le ki tuk bi, “Unii umɔk gaa ubo wee maayimbil pu na kan, u gaa mi le na. Unii umɔk gaa mi na kan, u gaa Uwumbɔr u tun ni mi na le na. Unii u ye uwaatiir ni ponn ni na, uma le ye uninyuun.”

Jɔnn 9:32

Dulnyaa aah piin ki nan saa din na, baa kee ŋun ke unii likr unii u bi ma u ijoon ni na aanimbil.

Jɔnn 9:39

Le Yesu bui ke, “M dan dulnyaa wee ni, m nan ji binib tibɔr, ki woln binib bi aanimbil aa woln na aanimbil, ki jɔb binib bi aanimbil woln na aanimbil.”

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”