Mpiin 41:49 - Uwumbɔr aagbaŋ

⁴⁹ Tijikaar nan ŋa sakpen ki ti nyaŋ, le Josef aa nan ki ŋaŋni waah kuuni pu na, ti nan wiir ke limɔɔtanbol aah wiir pu na la.

Mpiin 41:49 ပူးပေါင်းရင်းမြစ်များ

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 41:48

Josef nan kuun tijikaar pam ki siin ntim mɔmɔk ponn ni. Baah nan kon tijikaar ntim mumɔk ponn ni na, le u nan kuun ti bil nima chee.

Mpiin 41:50

Waahr aan nkon aabin ngbaan nin fuu ni na, Josef aapuu Asenaf nan ma mbijabim mulee le tii u.

Job Aagbaŋ 1:3

le ki kpa ipiih ŋichur ŋilole, ni laakumii tiib ŋichur ŋitaa, ni inaa lichur libaa, ni ibon mu ikui iŋmu. U nan ki kpa binaagbiib mu pam, le ki nan ye unii u kpa liwangol, ki jer binib bi mɔmɔk nan bi liwipuul wɔb na.

Ilahn 78:27

ki cha inyoon lir ni kitiŋ ki wiir ke limɔɔtambol na, le waanib chur i;

Jeremia 33:22

M ga cha maatutunn Ubɔr David aayaabitiib ni Liifai aanibol moo too pɔr, le unii aan ŋmaa kahn bi ke unii aah kaa ŋmaa kahn iŋmabi i bi kitaapaak na, ni litambol li dɔ nnyusakpem aagbaan na pu na.”

Bibɔjirb 6:5

Bi ni baawakor, ni baakeken aaboo nan bɔɔn chirm ke itoon na la. Ubaa aa nan ti ki nyi bi ni baalaakumii tiib aakahm.

Bibɔjirb 7:12

Midiann yaab, ni Amalek yaab, ni ŋinibol ŋi bi nteersakpiin ni na aajab nan yaa gaa kifataŋ ngbaan ni ke itoon na, le baalaakumii tiib nan wiir ke limɔɔtambol li dɔ nnyusakpem aagbaan na.

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,