Matiu 9:36 - Uwumbɔr aagbaŋ

³⁶ Waah kan kinipaak ngbaan na, le u san bi kinimbaak sakpen; ba pu? bi naahn ipiih i yɔl ki dɔ kitiŋ, kaa kpa upihkpaal na la.

UWONBƆR A GBƆNPƆŊ LIKƆƆNL

³⁶ Waah nan kan kuninfogbaluŋin, le kunyunyunbaag choo u, nan bu-n ni nan mugir bi le bi be kaa jɔɔ wan li ter bi, ki nann ipee yan kaa jɔɔ upeekpaari.

Matiu 9:36 ပူးပေါင်းရင်းမြစ်များ

1 Bibɔrb 22:17

Le Mikaya nan giin u ke, “M waa Israel aajab aah yaa ŋigongon paab ke ipiih i kaa kpa upihkpaal na aah bi pu na. Le Uwumbɔr bui ke, ‘Bijab bimina aa kpa usaloln; cha bi li chaa kun nsuudoon ni.’”

2 Bibɔrb Aabɔr 18:16

Le Mikaya nan giin u ke, “M waa Israel aatɔb aajab aah yaa ŋigongon paab ke ipiih i kaa kpa upihkpaal na aah bi pu na. Le Uwumbɔr bui ke, ‘Bijab bee aa kpa usaloln, cha bi li chaa kun nsuudoon ni.’”

Aisaya 13:14

“Biwɔwɔm bi bi Babiloŋ ni na ga san gir baatim ni, ki yaa ke upeeman aah san ŋmar ukpan chee pu na, ki mu ga li bi ke ipiih i kaa kpa upihkpaal na aah bi pu na.

Jeremia 50:6

“Maanib bi ke ipiih i aapihkpaal cha i wɔŋ ŋijoo ponn ni na la. Bi chuun yenni ki nya lijool libaa paab ki ti saa liken paab, le ki suln bido aah ye nin wɔb na.

Sekaria 10:2

Binib chaa bibɔɔb ni ŋiwaa chee ti buu tibɔɔr, ni mu aah tuk bi tibɔr ti na ye inyamɔn le kaa kpa ŋitaa. Bibaa mu bui ke bi nyi tidaŋ aatataa, le ki cha ni yenni. Bi mɔmɔk aah tii mpopiin mu na ye fam la. Kina pu le binib ngbaan chuun yiini ke ipiih i wɔŋ na. Baah kaa kpa usaloln na le cha bi bi tibɔr ni.

Sekaria 11:16

M ban upihkpaal tii maapiih, le waa ter ipiih i bi ban bi ku i na. Waa ban kani i wɔŋ na, kaa tei i bun na, kaa kpiini i ŋmar na mu. U tee labr le ki ŋmɔ isakpiin na aanann, le ki dar par itaabuseen.

Nkahm 27:17

ki ga ŋmaa joo bi, bi to butɔb na, nima kan, saanib aan li bi ke ipiih i chuun kaa kpa upihkpaal na.”

Matiu 10:6

Li cha man Israel yaab bi yenn Uwumbɔr aasan ni na aatim ni,

Matiu 14:14

Waah nyan buŋɔb ni na, le u kan kinipaak sakpeŋ, le ki san bi kinimbaak, le ki cha bi ponn ni bi ye bibum na pɔɔk.

Matiu 15:24

Le Yesu bui bi, “Uwumbɔr tun ni mi ke m nan ter Israel yaab bi yenn Uwumbɔr aasan ni na baanja la.”

Matiu 15:32

Yesu nan yin waadidiliib ke bi dan u chee, le ki bui bi, “M san kinipaak ngbaan kinimbaak la; bi bi m chee iwiin itaa, kaa kpa nibaa bi ji. Maa ban m tuk bi ke bi li chaa kun, kaa puen tii bi tijikaar ke bi ji. Nibaakan, bi ga ti fik nsan ponn ni.”

Tibɔnyaan ti Mak ŋmee ti na 6:34

Yesu aah nan ti fuu nima ki nyan buŋɔb ni na, u kan kinipaak sakpeŋ. Bi nan bi ke ipiih i chuun kaa kpa upihkpaal na. Nima le u san bi kinimbaak, ki tuk bi Uwumbɔr aabɔr pam.

Tibɔnyaan ti Mak ŋmee ti na 8:2

“M san kinipaak ngbaan kinimbaak la; bi bi m chee iwiin itaa, kaa kpa nibaa bi ji.

Hiibru Yaab 4:15

Utotoorninkpel ngbaan ga ŋmaa san timi kinimbaak timi aafalaa ponn ni. U kan ntɔŋ aabɔŋ aabɔŋ ke taah kan ntɔŋ mɔmɔk pu na. Uma le aa tun titunwanbir tibaa.

Hiibru Yaab 5:2

Utotoorninkpel ubaa mu kpa titunwanbir la. Nima le u ga ŋmaa san binib bi tun titunwanbir kaa nyi na kinimbaak.