Matiu 9:16 - Uwumbɔr aagbaŋ

¹⁶ Yesu nan ki len ke, “Ubaa aan di likekepɔln aageln leŋ libɔkukpokl. U yaa ŋa kina kan, likekepɔln aageln na ga kar libɔkukpokl na. Liboln ngbaan ga jer njan yaan.

UWONBƆR A GBƆNPƆŊ LIKƆƆNL

¹⁶ “Uba kaa li ta litanl pɔnl ki legin daala kpegi, ni ye u ŋa man ke, litanl pɔnlin li chiɛ daala kpegin, le nchiɛm nmɔn mann ki yann.

Matiu 9:16 ပူးပေါင်းရင်းမြစ်များ

Mpiin 33:14

Loln nsan ki li cha, ti ni tiwakor ga li chuun suusuu, taah ga ŋman pu na, ki pii ni si Edom aatiŋ ni.”

Ilahn 125:3

Bibiindam aan ŋmaa li joo bininyaam n‑yoonn mɔmɔk; bi yaa joo bi kina kan, nibaakan, bininyaam ngbaan mu ga nan tun titunwanbir.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Matiu 9:15

Le u baa bi, “Bicham bi dan bi nan ji ubɔndinn aajim na ga ŋmaa li kpa mpombiin buyoonn upiidinn bi bi chee na aa? Aayii. N‑yoonn choo, le bi ga nan chuu nyan upiidinn na bi chee mpɔɔn. N‑yoonn ngbaan le bi ga lul bumɔb.”

Matiu 9:17

Ubaa mu aan di ndawiin ki di ŋa kilookpok ponn ni. U yaa ŋa kina kan, kilook ngbaan ga puu, ki bii. Ndaan mu ga kpir. Bi ga di ndawiin ki di ŋa kiloopɔŋ ni la. Le ndaan aan kpir. Kilook ngbaan mu aan bii.”

Tibɔnyaan ti Mak ŋmee ti na 2:21

“Ubaa aan di likekepɔln aageln, ki di leŋ libɔkukpokl. U yaa ŋa kina kan, likekepɔln aageln na ga kar libɔkukpokl na. Liboln ngbaan ga waar ki jer njan yaan.

Tibɔnyaan ti Luk ŋmee ti na 5:36

Le u ki ŋakl bi liyataŋakl ke, “Ubaa aan chuu gii lekr libɔkupɔln aakekengeln ki ti di leŋ libɔkukpokl. U yaa ŋa kina kan, u ga bii lipɔln na. Libɔkupɔln aageln ni libɔkukpokl ngbaan aa ŋak.

Jɔnn 16:12

“M kpa tibɔr pam ki ga tuk nimi; ti mu ye nnan aabɔr la, naan ŋmaa gaa ti dandana.

1 Korenti 13:13

Tɔ, naadii, ni limakl, ni ngeehm, ni mɔmɔk nitaa le bi; ngeehm mu le jer ni mɔmɔk.

2 Korenti 9:12

Ni yaa ter Yesu aanib ki tii bi baah lann pu na kan, nima le binib pam ga doon Uwumbɔr mbamɔm.