Matiu 9:13 - Uwumbɔr aagbaŋ

¹³ Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak la. Li cha ki ti bae tibɔr ngbaan aatataa. Maa dan ke m nan yin bininyaam. M dan ke m nan yin titunwanbirdam [ke bi nan kpeln baabimbin.”]

UWONBƆR A GBƆNPƆŊ LIKƆƆNL

¹³ Amaa ni li chaau ki tan tinn ki biɛ ni taai: ‘N ban linyunyunbasanl le, naa ye kumanugi.’ Nan bu-n maa dan ke n nan yin bibuchim le, amaa tibirdam.”

Matiu 9:13 ပူးပေါင်းရင်းမြစ်များ

Ŋiyataŋak 21:3

Ŋa ni ŋan ki tok na. Nima le piir Uwumbɔr aasui ki jer saah kɔr tiwakor ti ke aa toor kitork tii u na.

Hosea 6:6

M ban nimi aageehm le n‑yoonn mɔmɔk, maa ban nimi aatork baanja la. M ga li gee ke maanib li nyi mi ki jer ke bi li joo kitork seer mmii ni tii mi.

Matiu 12:3

Le u baa bi, “Naa karn Ubɔr David aah nan ŋa pu na aa? Nkon nan joo u ni waanib.

Matiu 12:5

Tɔ, likpaakool daal mɔmɔk Uwumbɔr aatotoorb bi bi waadichal ni na mu bii likpaakool daal aakaal, le ubaa aa galni bi. Naah kee karn kina Nkaal aagbaŋ ni ii?

Matiu 12:7

Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak. Ni yaa ba nyi iliin ngbaan aatataa kan, naa ba ga galn binib bi kaa kpa taani na.

Matiu 19:4

Le Yesu baa bi, “Naa karn Uwumbɔr Aagbaŋ aah len pu na aa? Ni ŋmee ke Uwumbɔr u naan bi na, u nan naan uja ni upii,

Matiu 21:42

Le Yesu baa bi, “Naah kee karn Uwumbɔr Aagbaŋ aah len pu na aa? ke, ‘Litakpal li bidimaab yii li na, lima le ye litakpajal. Uwumbɔr le ŋa kina, le ni gar timi pam.’

Matiu 3:2

le ki mooni, “Kpeln nimi aabimbin man. Uwumbɔr aanaan peen ni a.”

Matiu 3:8

Ni li tun lituln li ga mɔk ke ni sil kpeln nimi aabimbin na,

Matiu 4:17

N‑yoonn ngbaan ki joo cha le Yesu piin ki mooni binib ke, “Kpeln nimi aabimbin man. Uwumbɔr aanaan peen ni a.”

Tibɔnyaan ti Mak ŋmee ti na 12:26

Joo cha binib aah ga fikr nkun ni pu na aabɔr, naa karn Moses aah nan ŋmee busub bu nan gaal mmii na aabɔr nin chee na aa? Nima chee le ni ŋmee ke Uwumbɔr nan bui Moses, ‘Min le ye Abraham, ni Aisak, ni Jakob Aawumbɔr.’

Tibɔnyaan ti Mak ŋmee ti na 12:33

Unii yaa gee Uwumbɔr usui mɔmɔk ni, ni waalandak mɔmɔk, ni waapɔɔn mɔmɔk, ki gee una aabo ke waah gee ubaa pu na kan, nima le ŋan ki jer u di tiwakor toor kitork ki see mmii ni tii Uwumbɔr.”

Tibɔnyaan ti Mak ŋmee ti na 2:17

Le Yesu ŋun baah len pu na, le ki bui bi, “Binib bi kpa laafee na aa ban dɔkta, see bi bun na le ban dɔkta. Maa dan ke m nan yin bininyaam. M dan ke m nan yin titunwanbirdam bi nan kpeln baabimbin la.”

Tibɔnyaan ti Luk ŋmee ti na 10:26

Le Yesu baa u, “Ni ŋmee kinye Uwumbɔr aakaal ponn ni? Aa karn kinye?”

Tibɔnyaan ti Luk ŋmee ti na 19:10

Min Unibɔn Aabo dan m nan ban binib bi wɔŋ na ke bi ŋmar la.”

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Tibɔnyaan ti Luk ŋmee ti na 5:31

Le Yesu bui bi, “Binib bi kpa laafee na aa ban dɔkta, see bi bun na le ban dɔkta.

Tibɔnyaan ti Luk ŋmee ti na 5:32

Maa dan ke m nan yin bininyaam. M dan ke m nan yin titunwanbirdam ke bi nan kpeln baabimbin la.”

Jɔnn 10:34

Le u bui bi, “Ni ŋmee nimi aakaal ponn ni ke Uwumbɔr len ke, ‘Ni ye maabim la.’ Ubaa aan ŋmaa ŋa Uwumbɔr aaliin yɔli.

Lituln 11:18

Juu yaab ngbaan aah ŋun Piita aah len pu na, le baa ki kpak u. Bi nan nyuŋ Uwumbɔr, le ki bui ke, “Kina pu na, Uwumbɔr cha binib bi kaa ye Juu yaab na mu kpeln baabimbin ki kan limɔfal.”

Lituln 2:38

Le Piita bui bi, “Ni mɔmɔk kpeln nimi aabimbin, ki cha ti muin nimi nnyun ni, Yesu Kristo aayimbil pu. Le Uwumbɔr ga di cha nimi aatunwanbir pinn nimi, ki tii nimi ipiin i ye Waafuur Nyaan na.

Lituln 20:21

M sur Juu yaab ni binib bi kaa ye Juu yaab na mu, ke bi kpeln baabimbin ki dii Uwumbɔr aasan ki gaa Tidindaan Yesu ki kii.

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Lituln 5:31

ki nyuŋ u, ki di u kaan uŋangii wɔb, u li ye timi Aayidaan u gaal timi lir, ki tii timi Israel yaab nsan ke ti kpeln timi aabimbin na, aan Uwumbɔr di cha timi aatunwanbir pinn timi.

2 Piita 3:9

Tidindaan aan taan ke u ŋa waah puu tipuur ti na, ke binib bibaa aah dak pu na. U ji limɔr ni pu la, kaa ban ke unii ubaa bii. U ban ke binib mɔmɔk kpeln baabimbin ki ŋmar la.