Matiu 8:34 - Uwumbɔr aagbaŋ

³⁴ Kitiŋ ngbaan aanib aah ŋun kina na, le bi mɔmɔk dan ki nan tooh Yesu nsan ni. Baah kan u na, le bi gaŋ u ke u nyan baatiŋ ni.

UWONBƆR A GBƆNPƆŊ LIKƆƆNL

³⁴ Lig, le ki miin kitiŋ n-yaa ninfob biɛn fii ki guun too Yisa. Baah nan kan u n-yonn man ni, le bi balin u ke un nya bi tingbɔŋin na.

Matiu 8:34 ပူးပေါင်းရင်းမြစ်များ

1 Bibɔrb 17:18

Le u bui Elaija ke, “Uwumbɔr aanii, ba ŋa aa ŋa mi kina? Aa dan do ke aa nan teer Uwumbɔr maatunwanbir, le ki cha njapɔɔn kpo oo?”

1 Bibɔrb 18:17

Ahab aah ti kan u na, le u bui u ke, “Sin le na aa? Israel yaab aabɔbankpaan.”

Job Aagbaŋ 21:14

Bibiindam bui Uwumbɔr le ke u cha bi suuna; baa ban ke bi bee waah ban bi tun pu na.

Job Aagbaŋ 22:17

Binib bee le nan yii Uwumbɔr ki kpa lipobil ke waan ŋmaa ŋa bi nibaa.

Amos 7:12

Amasia aah nan tuk Amos pu na sɔ: “Uwumbɔr aabɔnabr, nima ngbaan ŋeer kina. Gir li cha Juda ki ti li mooni Uwumbɔr aabɔr nima, ki cha bi pa si tibɔr ngbaan pu.

Matiu 8:29

Baah kan Yesu na, le bi teen ke, “Sin, Uwumbɔr Aajapɔɔn, aa ban ba ti chee? Aa dan do ke aa nan ŋa timi falaa n‑yoonn aah kaa kee ŋeer buyoonn aa?”

Tibɔnyaan ti Luk ŋmee ti na 5:8

Simonn Piita aah kan kina na, le u gbaan Yesu aanimbiin ni, ki bui u, “Ndindaan, siir m chee. M ye titunwanbirdaan la.”

Lituln 16:39

Le bi buen Pɔɔl ni Sailas chee ki ti sɔŋ bisui, ki nyan bi kiyondiik ni, le ki gaŋ bi ke bi nya kitiŋ ngbaan ni.

Ikaal 5:25

Tɔ, taa ban ti li gbiir nkun. Mmii mue ga ku timi. Ti yaa ki ŋun Uwumbɔr len ti chee tibɔr lelee kan, ti ga sil kpo.

1 Samuel 16:4

Samuel nan ŋa Uwumbɔr aah bui u ke u ŋa pu na, le ki buen Betlehem ni. Nima chee aayidam aawon nan gbaa, le bi too u nsan ni, ki baa u ke, “Saamann mue ye nsuudoon aamann la aa?”