Matiu 8:2 - Uwumbɔr aagbaŋ

² Le ukɔndaan ubaa dan u chee ki nan gbaan unimbiin ni, le ki doon u ki bui u, “Ndindaan, aa yaa gee kan, aa ga ŋmaa cha m pɔɔk.”

UWONBƆR A GBƆNPƆŊ LIKƆƆNL

² Le ki miin kikɔŋ kiba mu dan ki nan gbaan u nintogil ki ke, “Uyudaan, ni ye a ban ke a li fir che n wiɛm nan n diɛ.”

Matiu 8:2 ပူးပေါင်းရင်းမြစ်များ

2 Samuel 3:39

Hali min le ye unii u Uwumbɔr lee mi ŋa ubɔr na, din wee ma kan, nwon yɔl la. Seruya aajapɔtiib bee, Joab ni Abisai, bir sakpen ki tii mi. Uwumbɔr daa bitafal baah ŋeer pu na.”

2 Bibɔrb 15:5

Uwumbɔr nan cha tiwon aaween i bir sakpen na chuu Usia, ki gaar u pu kina le u ti kpo. U nan gur koo ubaa aadichal ni la, le kaa ki tun nnaan aatuln libaa. Ujapɔɔn Jotam le nan gur joo kitiŋ ngbaan.

2 Bibɔrb 5:1

Naamann nan ye Siria aatɔb aajab aayidaan la, le ki kpa kipak, le Siria aabɔr nan nyuŋ u sakpen. U pu le Uwumbɔr nan cha Siria aajab kan linyaŋ butɔb ni pam. U nan ye butɔb aajakpaan la, le ki mu tee kpa tiwon aaween i bir na.

2 Bibɔrb 5:27

Tɔ, Naamann aaween ngbaan ga gir ni aa pu, le aa ni aayaabitiib ga li kpa i ki ti saa n‑yoonn mu kaa kpa ndoon na.” Gehasi aah siir na, le iween ngbaan pii u, uwon nan piir chak chak.

Nkahm 12:10

aan ntaalangbam mu fii Libool ngbaan pu na, le Miriam aawon mɔmɔk kpaan kpaln kikɔŋ ŋmeen ki piir chak chak. N‑yoonn mu Aaronn kan ke uwon kpaln kikɔŋ ŋmeen na,

Matiu 10:8

ki cha bibum pɔɔk, ki li fikr binib bi kpo na, ki cha bikɔndam pɔɔk, ki nyan tiyayaar ni bipɔnib binib ni. Ni kan mpɔɔn, kaa pan nibaa. Ni mu li tii bibum laafee, ki taa li ban tipar.

Matiu 13:58

Baah kaa gaa u ki kii na, waa nan tun lijinjiir aatun pam nima chee.

Matiu 14:33

Le binib bi bi buŋɔb ponn ni na gbaan Yesu aanimbiin ni, ki dooni u, le ki len ke, “Mbamɔn, aa sil ye Uwumbɔr Aajapɔɔn la.”

Matiu 15:25

Waah len kina na, le upii ngbaan dan ki nan gbaan unimbiin ni ki doon u, le ki bui u, “Ndindaan, ter mi.”

Matiu 18:26

Le ututunn ngbaan gbaan udindaan aanimbiin ni, ki gaŋ u ke, ‘Ndindaan, pɔɔn aabaa ki ji limɔr. M ga pa si maah jin saapɔln li mɔk na.’

Matiu 2:11

Le bi koo lidichal ngbaan ni, ki ti kan ubo ngbaan ni una Mari. Bi nan gbaan kitiŋ ki doon ubo ngbaan, le ki chuu piir baataakɔr ki tii u ipiin. Bi nan tii u salmaa, ni tulalee u bi yin u ke frankinsense, ni tulalee u bi yin u ke mir na.

Matiu 20:20

N‑yoonn ngbaan le Sebedee aajapɔtiib bilee na, ni bina, nan dan Yesu chee, le bina nan gbaan unimbiin ni, ki doon u, ki mee u ke u ter u.

Matiu 26:6

Tɔ, Yesu nan bi Betani aatiŋ ni, ki bi Simonn u nan ye ukɔndaan na do, ki bi ji tijikaar.

Matiu 28:17

Le Yesu fuu ni bi chee. Baah kan u na, le bi gbaan unimbiin ni ki doon u. Le bibaa mu joo beeni.

Matiu 28:9

Baah cha na, le Yesu ton bi nsan ni, le ki doon bi. Le bi gbaan unimbiin ni, ki joo u, le ki dooni u.

Matiu 4:9

le ki bui u, “Aa yaa gbaan kitiŋ ki pak mi kan, m ga di nimina mɔmɔk di tii si.”

Matiu 8:1

Yesu nan sunn ni ligongoln na taab. Le kinipaak sakpeŋ dii u.

Matiu 8:25

Le waadidiliib dan ki nan gbaa finn u ki bui u, “Tidindaan, ter timi. Ti ga bee nnyun ni.”

Matiu 9:18

Yesu aah bi len kina na, le uninkpel ubaa dan nan gbaan unimbiin ni ki doon u, le ki bui u, “Mbisal kpo a. Dan nan di aaŋaal paan u pu, le u ga fikr.”

Tibɔnyaan ti Luk ŋmee ti na 4:27

Uwumbɔr aabɔnabr Elaisa aayoonn na, bikɔndam nan bi Israel yaab ponn ni ki wiir; le Uwumbɔr aa cha bi ponn ni ubaa pɔɔk. Naamann, u nan ye Siria aatiŋ aanii na baanja le u nan cha u pɔɔk.”

Jɔnn 9:38

Le u bui u, “Ndindaan, m gaa si ki kii,” le ki gbaan unimbiin ni, ki pak u.

Lituln 10:14

Le Piita bui ke, “Ndindaan, aayii. Maa kee ŋman tiwan ni kɔ ke nee na.”

Lituln 10:25

Waah koo ni na, le Konelius dan nan gbaan unimbiin ni, ki doon u.

1 Korenti 14:25

ki cha usui ni aabɔr nya mpaan pu. Nima pu le u ga gbaan kitiŋ, ki pak Uwumbɔr, ki len ke ni ye mbamɔn, Uwumbɔr sil bi nikaasisik ni.

Tibɔkpiirkaan 19:10

Le m gbaan kitiŋ utaafar chee, le ki ban ke m pak u. Le u bui ke m taa ŋa kina; ba pu? u mu po ye m ni nnaabitiib bi joo tibɔr ti Yesu kpiir na aatutuŋeer la, ke m pak Uwumbɔr baanja. Tɔ, tibɔr ti Yesu kpiir na le tii waabɔnabtiib mpɔɔn ke bi len.