Matiu 7:7 - Uwumbɔr aagbaŋ

⁷ “Ni li mee Uwumbɔr man, le u ga tii nimi. Ni li ban Uwumbɔr chee man, le ni ga kan. Ni li kpaar jaaleŋ man, le u ga piir tii nimi.

UWONBƆR A GBƆNPƆŊ LIKƆƆNL

⁷ “Li miɛu ke bi li ta seiŋ; li ban na, ke a li kan; li kpaar linaanganla, ke li li loor ki seiŋ.

Matiu 7:7 ပူးပေါင်းရင်းမြစ်များ

Mpiin 26:32

Liyaadaal ngbaan le Aisak aanaagbiib dan nan tuk u baah gbii nnyunbun mubaa pu na aabɔr. Bi nan bui u ke, “Nnyunbun ngbaan kpa nnyun sakpen a.”

1 Bibɔrb 3:5

Liyaadaal ngbaan aanyeek, le Uwumbɔr nan koo u chee tidaŋ ni, ki baa u ke, “Aa gee ke m ŋa ba tii si?”

Ilahn 10:17

Uwumbɔr, aa ga ŋun binib bi sunn bibaa taab na aameel, aa ga pɔɔk bitaakpab.

Ilahn 10:4

Ubiindaan aatafal aa bi Uwumbɔr ni; waagaak ponn ni le u dak ke Uwumbɔr aa bi tibɔr tibaa ni.

Ilahn 119:12

Uwumbɔr, m pak si; kina pu na, mɔk mi saasan.

Ilahn 27:8

Saah nan bui ke, “Dan ki nan doon mi” na, m nan gar ke, “Uwumbɔr, m ga dan;” taa di aabaa bɔr mi.

Ilahn 34:4

M mee Uwumbɔr, le u gar mi, u nyan mi maajawaan mɔmɔk ni.

Ilahn 37:4

Li ban saamɔɔn Uwumbɔr chee, le u ga tii si aasui aah ban pu na.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 69:32

Binib bi bi limukl ni na yaa kan kina kan, bisui ga piir; le binib bi dooni Uwumbɔr na aataakpab ga pɔɔk.

Ilahn 70:4

Cha binib bi choo aa chee na li kpa mpopiin ni mmɔɔn. Cha binib bi dooni si saah gaa bi lii pu na li len n‑yoonn mɔmɔk ke, “Uwumbɔr aapɔɔn nyaŋ sakpen a.”

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Ŋiyataŋak 8:17

M gee binib bi gee mi na; unii umɔk ban mi na ga kan mi.

Solomonn Aalahn 3:2

M nan chuun kpak kitiŋ ponn ni, m nan chuun kaasan, ni nsanbim mɔmɔk ni. M nan chuun ban maah gee u na la. M nan ban u, kaa kan u.

Aisaya 30:19

Nimi binib bi koo Jerusalem ponn ni na aan ki wii iwiil. Uwumbɔr san nimi kinimbaak, le ni yaa wii ki yin u ki ban nterm kan, u ga kii nimi aayim.

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Amos 5:4

Le Uwumbɔr bui Israel yaab ke, “Dan m chee man, aan ki kan limɔfal.

Matiu 18:19

“Cha m moo tuk nimi man, ni ponn ni bilee yaa kpaan kimɔbaan dulnyaa wee ni, ki mee Nte Uwumbɔr u bi paacham na kan, u ga ŋa naah ban pu na ki tii nimi.

Matiu 21:22

Ni yaa mee Uwumbɔr ki yaa pak ke u ga ŋa naah mee u pu na kan, u ga ŋa kina tii nimi.”

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Matiu 7:11

Nimi titunwanbirdam yaa tee nyi ipiin i ŋan na ki tii nimi aabim kan, ŋmaninkabaa Nite Uwumbɔr u bi paacham na le aan di tiwan ni ŋan na ki di tii binib bi mee u na aa?

Matiu 7:8

Unii umɔk mee Uwumbɔr na, u ga tii u. Unii umɔk ban na, u ga kan. Unii umɔk kpaar jaaleŋ na, u ga piir tii u.

Tibɔnyaan ti Mak ŋmee ti na 11:24

M tuk nimi la, naah ga mee Uwumbɔr tiwan nimɔk na, ni tii u naadii ke ni kan ni, le ni ga sil kan.

Tibɔnyaan ti Luk ŋmee ti na 18:1

Le Yesu ŋakl bi liyataŋakl, u di mɔk bi ke ni ŋan bi li mee Uwumbɔr n‑yoonn mɔmɔk, ki taa cha bitaakpab yɔl.

Jɔnn 15:16

Nimi le aa nyan mi. Min le nyan nimi, ki siin ke ni li ŋani tinyoor ti ga li bi n‑yoonn mu kaa kpa ndoon na, ke ni yaa mee Nte Uwumbɔr tiwan maayimbil pu kan, u ga tii nimi.

Jɔnn 15:7

Ni yaa kpaan m chee, ki yaa joo maaliin nisui ni kan, mee Uwumbɔr naah ban pu na man, le u ga ŋa kina tii nimi.

Jɔnn 4:10

Le Yesu bui u, “Aa yaa ba nyi Uwumbɔr aah tii binib pu na, ki yaa ba nyi unii u mee si nnyun na kan, aa ba ga bui u ke u tii si nnyun mu ye limɔfal aanyun na, le u ba ga tii si.”

Rom Yaab 2:7

Binib bi kpa limɔr ki tun lituln li ŋan na, ki ban mpakm, ni nnyuŋ, ni limɔfal li kaa kpa ndoon na, bima le Uwumbɔr ga tii bi limɔfal li kaa kpa ndoon na.

Rom Yaab 3:11

ubaa aa kpa nlan, ubaa aa ban Uwumbɔr,

Hiibru Yaab 11:6

Unii yaa kaa gaa Uwumbɔr ki kii kan, waan ŋmaa piir Uwumbɔr aasui. Unii u dan Uwumbɔr chee na, see u pak ke u bi, ki pak ke u ŋani binib bi ban u na tinyoor.

Jemisi 5:15

Bi yaa mee Uwumbɔr ki pak ke u ga tii u laafee kan, mmeen ngbaan le ga cha ubun ngbaan pɔɔk, le Tidindaan ga fiin u. U yaa tun titunwanbir kan, u ga di cha pinn u.

1 Jɔnn 3:22

Ti kii waamɔb la, ki ŋani tiwan ni piir usui na. Nima pu, taah mee u tiwan ni na, u tii timi.