Matiu 7:2 - Uwumbɔr aagbaŋ

² Naah galni binib pu na, Uwumbɔr mu ga galn nimi kina la. Naah tii binib pu na, Uwumbɔr mu ga giin kina le ki tii nimi.

UWONBƆR A GBƆNPƆŊ LIKƆƆNL

² Nan bu-n naah ji tab a bɔr man ni, man mu le bi na yin ji ni bɔr, kiyiikpoŋ kan wee ni jɔɔ magir ki tenn ni tabin, ki ma le bi na yin ta mag ki jiin ni.

Matiu 7:2 ပူးပေါင်းရင်းမြစ်များ

2 Samuel 21:5

Le bi ki gar u ke, “Sɔɔl nan ban ke u ku doo timi, aan ti ponn ni ubaa taa gur Israel aatiŋ kee pu, nibaa chee.

Ilahn 109:17

U nan gee timɔpur, kina pu na, cha bi puun timɔpur lii u pu. Waa nan gee ke u mee Uwumbɔr aanyoor ŋa ubaa pu, kina pu na, ubaa mu taa mee Uwumbɔr aanyoor ŋa u pu.

Nnyam 21:24

unimbil le yaa chur, bee unyiln le yaa fenn, bee uŋaal le yaa koo, bee utaafaak le yaa koo,

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Jeremia 34:17

Le min Uwumbɔr bui ke ni yii maamɔboln, ke naan tii nina aabitiib Israel yaab lifuur li bi ban na. Kina pu na, m ga tii nimi lifuur, m ga tii nimi lifuur ke ni kpo butɔb ni, ni iween ni, ni nkon ni. Maah ga ŋa nimi pu na ga cha dulnyaa wee aatimbol mɔmɔk san ijawaan.

Jeremia 51:24

Uwumbɔr len ke, “Ni ga kan maah ga teen Babiloŋ ni kaanib baah tun Jerusalem titunwanbir ti na mɔmɔk.

Obadia 1:15

“Nwiin ngbaan peen ni, bundaal aan min Uwumbɔr ga ji ŋitimbol mɔmɔk tibɔr na peen ni. Edom yaab, naah ŋa pu na, kina le ni ga kan. Naah tii pu na, kina le bi ga giin tii nimi.

Matiu 6:14

“Ni yaa di cha pinn binib baataani kan, Nite Uwumbɔr u bi paacham na mu ga di cha pinn nimi.

Tibɔnyaan ti Mak ŋmee ti na 4:24

“Cha nitafal li bi naah ŋun ti na ni man. Naah tii pu na, Uwumbɔr mu ga giin kina le ki tii nimi. U ga tii nimi ki jer naah tii pu na.

Tibɔnyaan ti Luk ŋmee ti na 6:38

Tiin binib man, le Uwumbɔr mu ga tii nimi. U ga tii nimi sakpen. Mbamɔn, u ga lee gbiin nimi lisambil, le ki yek yek, ki ki lee kpee, le ki nyii nyii ki moo lee kpee aan li ti bar kpir, aan ki di tii nimi. Naah tii binib pu na, Uwumbɔr mu ga giin kina le ki tii nimi.”

2 Korenti 9:6

M tuk nimi la, unii u bun tijikaar siib na ga nan chee siib la. Unii u mu bun tijikaar sakpen na ga nan chee sakpen la.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Tibɔkpiirkaan 18:6

U bui ke, “Teen kitiŋ ngbaan kaah nan tii pu na. Teen ki kaah nan tun pu na mfum mulee. Gbiin kaayikuuk ndaan mu pɔɔk jer kaah tii biken na mfum mulee.

Bibɔjirb 1:7

Le Adoni Besek bui ke, “Bibɔrb imonko itaa ni kipiik bi aaŋanbijam ni bitaaŋanbijam geei na, nan peei ŋijikaabol maasambil taab. Maah nan ŋa bi pu na, le Uwumbɔr di ŋa mi din na.” Bi nan di u buen Jerusalem aatiŋ ni, le u ti kpo nima.

Bibɔjirb 5:27

le Sisera tar gbaan utaŋaayil pu, le ki lir ki dɔ utaa chee. Utaa chee le Sisera nan tar ti gbaan utaŋaayil pu ki lir; u nan lir kitiŋ, le ki kpo.

1 Samuel 15:33

Le Samuel bui u ke, “Saajaak aajuk aah cha natiib kpaln bipiib kaa kpa mbim pu na, kina le aana mu ga kpaln upii u kaa kpa ubo na,” le ki chɔi chɔi Agag, kitork aabimbiln chee, Gilgal aatiŋ ni.