Matiu 7:17 - Uwumbɔr aagbaŋ

¹⁷ Isui imɔk ŋan na ga lu ŋisubil ŋi ŋan na la. Isui i kaa ŋan na ga lu ŋisubil ŋi kaa ŋan na la.

UWONBƆR A GBƆNPƆŊ LIKƆƆNL

¹⁷ Kisiŋaŋ biɛn lo iloon ŋan le; amaa kisibiig biɛn mu lo tiloonbir le.

Matiu 7:17 ပူးပေါင်းရင်းမြစ်များ

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Jeremia 11:19

M nan bi ke upihbo u kii udindaan aamɔb aan bi joo u cha bi ti ku u pu na la, le kaa nan nyi ke min pu le bi bi kpokl tibɔbir. Bi nan bi len le ke, “Cha ti gaa busub ngbaan lii, buyoonn bu laa soon na, cha ti ku u aan ubaa taa ki teer ubɔr.”

Jeremia 17:8

U naahn busub bu si gbɔk nkpen aan bu aanyaan cha nnyun chee na la. Nweel yaa choo kan, bu aa san ijawaan, ba pu? bu aafar aa kuur; utaal yaa kaa nun kan, butafal aa bi nibaa ni, le ki beenin lu ŋisubil.

Matiu 7:18

Busub bu ŋan na aan ŋmaa lu ŋisubil ŋi kaa ŋan na. Busub bu kaa ŋan na mu aan ŋmaa lu ŋisubil ŋi ŋan na.

Efesusi 5:9

Binib bi bi nwiihn ni na, bi kpa mbimbinyaan, ki tun lituln li ŋan na mɔmɔk, ki dii Uwumbɔr aabɔr ti ye mbamɔn na la.

Filipi 1:11

M ban ke ni li kpa mbimbinyaan ki li tun lituln li ŋan na n‑yoonn mɔmɔk, Yesu Kristo aapɔɔn pu, aan binib nyuŋ Uwumbɔr ki pak u.

Kolosiya 1:10

aan ki li dii Tidindaan waah ban pu na, aan ki gbiin unimbil, ki tun litunyaan aabɔŋ mɔmɔk, ki moo bee waabɔr.

Juud 1:12

Ni yaa kpaan ni ji tijikaar Uwumbɔr aadiik ni kan, bi sak nikaasisik ni ke tijɔŋ aah likr libɔkul pu pu na; ba pu? bi kpaan ji ni chee, kaa san Uwumbɔr. Bi ban ke bi kpiin bibaa baanja la. Baa kpa tinyoor. Bi naahn utaal u yun ki bɔln ki joo ni libuln kaa nu na la; ki naahn isui i kaa lu ŋisubil ki kpo ki kpukr lir na la.