Matiu 7:14 - Uwumbɔr aagbaŋ

¹⁴ Nsan mu cha limɔfal li kaa kpa ndoon na ni na aa waa. Nsan ngbaan aabisamɔb mu aa waa. Binib bi dii mu na aa wiir.”

UWONBƆR A GBƆNPƆŊ LIKƆƆNL

¹⁴ Limiɛfol a timansanmɔnn n ma kaa yalin ni, le mi sanchonl pɔɔ nin nnɔɔm, mambu che bininfob wama nan le kan mi.

Matiu 7:14 ပူးပေါင်းရင်းမြစ်များ

Ilahn 16:11

Aa ga mɔk mi limɔfal aasan; saah bi m chee pu na le gbiini mi mpopiin, ki joo ni mi mmɔɔn n‑yoonn mɔmɔk.

Ŋiyataŋak 8:20

M chuun mbimbinyaan, ni ibamɔn aasan ni la,

Aisaya 30:21

Ni yaa yenn nsan ki fenn buen ŋŋangii wɔb, bee ŋŋangan wɔb kan, ni ga ŋun waaneel nipuwɔb len ke, “Nsan le na. Dii mu man.”

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Aisaya 57:14

Uwumbɔr ki len ke, “Cha maanib gir ni m chee. Chuu nyan tiwan nimɔk laŋ baasan na. Naan nsan ki gor mu siin man.

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Matiu 20:16

“Liyataŋakl limina aatataa le ye ke puwɔb yaab ga nan ŋa bisalolm. Bisalolm mu ga nan ŋa puwɔb yaab.”

Matiu 22:14

“Liyataŋakl ngbaan aatataa le ye ke baah yin bi na wiir, le baa nyan bi na aa wiir.”

Matiu 7:13

“Ni li dii mbisamɔb mu kaa waa na. Nsan mu cha mmii mu kaan junn na ni na waa la. Nsan ngbaan aabisamɔb mu waa la. Binib bi dii mu na, bi wiir la.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Tibɔnyaan ti Mak ŋmee ti na 8:34

Le Yesu yin kinipaak ngbaan ni waadidiliib, le ki bui bi, “Unii yaa ban u dii mi kan, cha u yii ubaa, ki yoor waadɔpuinkoo, aan ki li dii mi.

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Jɔnn 16:2

Bi ga nyan nimi mmeen aadir ni; n‑yoonn mbaa mu choo, unii yaa ku nimi kan, u ga li dak ke u tun Uwumbɔr aatuln le na.

Jɔnn 16:33

M tuk nimi tibɔr timina ke ni li kpa nsuudoon m pu. Ni ga kan falaa dulnyaa ni. Ni li kpa lipobil man; ba pu? m nyaŋ dulnyaa a.”

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

Rom Yaab 12:2

Ni taa ki li bi ke dulnyaa wee aanib aah bi pu na. Kpeln nimi aalandak man aan ki kpeln nimi aabimbin. Nima le ni ga bee Uwumbɔr aah gee pu na. Ni ga bee naah ga ŋa pu ki li bi mbamɔm ki tun litunyaan ki piir usui na.

Rom Yaab 9:32

ba pu? baa gaa Uwumbɔr ki kii. Bi dak ke baatuln pu le Uwumbɔr ga len ke baabɔr ŋan. Bi yii Yesu Kristo le ki lir;