Matiu 7:11 - Uwumbɔr aagbaŋ

¹¹ Nimi titunwanbirdam yaa tee nyi ipiin i ŋan na ki tii nimi aabim kan, ŋmaninkabaa Nite Uwumbɔr u bi paacham na le aan di tiwan ni ŋan na ki di tii binib bi mee u na aa?

UWONBƆR A GBƆNPƆŊ LIKƆƆNL

¹¹ Ke ni ye nim ban ye tibirdam nan nyi ipiin ŋan ni ta sei ni buwaab ke, ni Baa Uwonbɔr wan be paab nan ma kaa nyi nan ŋan kag ki li ta sei ban miɛ waa!

Matiu 7:11 ပူးပေါင်းရင်းမြစ်များ

Mpiin 6:5

Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen,

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

2 Samuel 7:19

Ndindaan Uwumbɔr, le aa ki bi ŋani mi ni jer kina na; aa puu tipuur n‑yaabitiib bi baa kee ma bi na pu. Ndindaan Uwumbɔr, le aa cha unibɔn kan nimina.

Job Aagbaŋ 15:16

Le unibɔn nyu titunwanbir ke naah ye nnyun le na; mbamɔn, unibɔn bii doo; unibɔn ye fam la.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Ilahn 85:12

Uwumbɔr ga tii timi liwankpal, le timi aatiŋ ŋa tijikaar pam.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Aisaya 49:15

Le Uwumbɔr gar ke, “Upii ga ŋmaa suln waabo bɔr, kaan li gee ubo u u ma na aa? Hali upii yaa suln waabo bɔr kan, mma aan suln ni bɔr.

Aisaya 63:7

Le m bui ke m ga len Uwumbɔr aageehm aah kaa door pu na; m ga pak u waah ŋa pu tii timi na pu. U ŋa tinyoor ti nyuun na ŋa Israel yaab pu, waageehm, ni waanimbaasaln pu.

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

Jeremia 33:14

Uwumbɔr ki len ke, “N‑yoonn choo, le m ga cha maah nan puu tipuur ti tii Israel ni Juda yaab na gbiin.

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Matiu 23:9

Ni taa yin ubaa ke ‘Nite’ dulnyaa wee ni; ba pu? ni kpa te ubaa la, le u bi paacham.

Matiu 7:10

U yaa mee u ujan kan, u ga di ukuub tii u uu?

Jɔnn 3:16

Uwumbɔr aah gee dulnyaa aanib sakpen pu na, nima le u di Ujapɔnbaal tii ni ke unii umɔk gaa u ki kii na taa kpo, u li kpa limɔfal li kaa kpa ndoon na.

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

Rom Yaab 3:9

Tɔ, timi Juu yaab ŋan ki jer binib bi kaa ye Juu yaab na aa? Taa jer bi. M nan mɔk nimi ke binib bi ye Juu yaab na, ni bi kaa ye Juu yaab na mɔmɔk ye titunwanbirdam la.

Rom Yaab 8:32

Uwumbɔr aa yii ke waan tii timi Ujapɔɔn. U nan di Ujapɔɔn ŋa binib aaŋaal ni ke u ti kpo ti mɔmɔk aatunwanbir pu la. Waah tii timi Ujapɔɔn na, u ga ki tii timi tiwan mɔmɔk ki kpee.

Galantiya 3:22

Tɔ, Uwumbɔr Aagbaŋ len ke dulnyaa ni aanib mɔmɔk ye titunwanbirdam la, ke Uwumbɔr aah nan puu tipuur ti na, u ga ŋa tinyoor ŋa binib bi gaa Yesu Kristo ki kii na pu. Binib bi gaa u ki kii na, bima le u ŋa tinyoor ŋa bi pu.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

1 Jɔnn 3:1

Lik Tite Uwumbɔr aah gee timi sakpen pu na. U yin timi ke waabim. Le ti mu sil ye waabim. Dulnyaa aanib aa nyi Uwumbɔr. Baah kaa nyi Uwumbɔr na, nima pu le baa nyi ti mu.

1 Jɔnn 4:10

Ngeehm aa ye ke timi le gee Uwumbɔr. Ngeehm ye ke Uwumbɔr le gee timi, ki tun ni Ujapɔɔn dulnyaa ni, u nan sil timi aasisiiyaan ki di ubaa toor kitork tii Uwumbɔr, timi aatunwanbir pu. Uma pu, le Uwumbɔr ga di cha pinn timi.