Matiu 6:25 - Uwumbɔr aagbaŋ

²⁵ “Nima le m tuk nimi ke ni taa cha nimi aalandak muk nimi tiwon aawan pu, ki taa li dak: ‘Ti ga ji ba? Ti ga nyu ba? Ti ga peen ba?’ Limɔfal bi tijikaar baanja pu la aa? Tiwon bi tiwanpeenkaan baanja pu la aa?

UWONBƆR A GBƆNPƆŊ LIKƆƆNL

²⁵ “Mambu n bei ni le, ni laa che ni mugir ni limiɛfol bu, nin naah li ji nan bee naah li nyu nan bu; bee ni gbanann ni, naah li yee nan bu. Limiɛfol kaa ŋan jon tijiiraa, le tigbanann kaa ŋan jon tiwann yeewann naa?

Matiu 6:25 ပူးပေါင်းရင်းမြစ်များ

Ilahn 55:22

Di saamuk di tii Uwumbɔr, le u ga kiir si, waan cha bi nyaŋ binib bi aabimbin ŋan na.

Jeremia 45:5

Aa bi ban ke m ŋa si tiwankpaan la aa? Taa ban kina. M ban m cha tibɔbir dan unibɔn mɔmɔk pu la, le aa ma ga ŋmar nin chee mɔk aa ga li bi na. Min Uwumbɔr le len kina.”

Matiu 10:19

Bi yaa chuu nimi kan, ni taa baa nisui ni ke ni ga len kinye; n‑yoonn ngbaan yaa nan fuu ni kan, Uwumbɔr Aafuur Nyaan le ga tuk nimi naah ga len pu na;

Matiu 13:22

Binib ngem mu bi ke njikaabim mu lir ikokon ponn ni na la. Bi ŋun tibɔr ngbaan la. Le bitafal bi baabimbin ni, ni liwankpal ni. Nima le ku tibɔr ngbaan bisui ni, le taa mar.

Matiu 6:31

“Nima pu na, ni taa cha ilandak muk nimi, ki taa li dak: ‘Ti ga ji ba? Ti ga nyu ba? Ti ga peen ba?’

Matiu 6:34

Nima pu na, ni taa cha fen u choo na aabɔr muk nimi. Fen le ni ga fe dak fen aabɔr. Ni yaa dakl din aabɔr din kan, ni ŋeer kina la.”

Tibɔnyaan ti Mak ŋmee ti na 13:11

Bi yaa chuu nimi, ki di buen bibɔjirb chee kan, ni taa puen dak nisui ni ke ni ga len kinye. N‑yoonn ngbaan yaa nan fuu ni kan, ni len Uwumbɔr aah ga tuk nimi pu na. Naa ye nimi le ga len. Uwumbɔr Aafuur Nyaan le ga len.

Tibɔnyaan ti Mak ŋmee ti na 4:19

Bi ŋun tibɔr ngbaan la. Le dulnyaa wee ni aabɔr, ni liwankpal aakɔrk, ni tiwan aabɔŋ aakɔrk mu koo bisui ni, le ki ku tibɔr ngbaan bisui ni, le taa mar.

Tibɔnyaan ti Luk ŋmee ti na 12:11

“Bi yaa chuu nimi, ki di ŋa mmeen aadir ni, bee ntim aaninkpiib aanimbiin ni, bi ti ji nimi tibɔr kan, ni taa baa nisui ni ke ni ga len kinye aan ki nyan nibaa tibɔr ni.

Tibɔnyaan ti Luk ŋmee ti na 8:14

Mu lir ikokon ponn ni na le ye binib bi ŋun Uwumbɔr aabɔr aan ki cha bitafal bi liwankpal ni, ni dulnyaa ni aawan ni mɔ na ni, ni baabimbin aabɔr ni na. Nima le ku tibɔr ngbaan bisui ni. Le taa mar.

Rom Yaab 8:32

Uwumbɔr aa yii ke waan tii timi Ujapɔɔn. U nan di Ujapɔɔn ŋa binib aaŋaal ni ke u ti kpo ti mɔmɔk aatunwanbir pu la. Waah tii timi Ujapɔɔn na, u ga ki tii timi tiwan mɔmɔk ki kpee.

1 Korenti 7:32

Maa ban ke nibaa li muk nimi nisui ni. Uja u kaa kpa puu na, utafal bi Tidindaan aabɔr ni la. U dakl waah ga ŋa pu ki piir Tidindaan aasui na la.

Filipi 4:6

Ni taa cha ilandak li muk nimi tiwan nibaa pu. Ni li mee Uwumbɔr tiwan mɔmɔk pu, ki gaŋni u, ki dooni u ki tuk u naah ban pu na mɔmɔk.

2 Timoti 2:4

Uja u to butɔb na aatafal aa bi dulnyaa wee ni aabɔr ni; ba pu? u ban u piir waaninkpel aasui la.

1 Piita 5:7

Limukl limɔk muk nimi na kan, ni di li mɔmɔk ŋa Uwumbɔr aaŋaal ni; ba pu? utafal bi ni ni.