Matiu 6:24 - Uwumbɔr aagbaŋ

²⁴ “Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.

UWONBƆR A GBƆNPƆŊ LIKƆƆNL

²⁴ “Uba kaa li fir ki tun ki tenn biyudam bilee. U yin nan uba le ki sin jiɛ uba; bee u baga yin be uba ni le kaa sin gar uba paami. Naa li fir jiɛn Uwonbɔr nin iligi.

Matiu 6:24 ပူးပေါင်းရင်းမြစ်များ

Mpiin 47:17

Nima pu na, bi nan joo ni baawakor ti bi kpa na Josef chee, le u di tijikaar kpeln bi baataan, ni ipiih, ni iŋoob, ni inaa, ni ibon. U nan di tijikaar le ki di kpeln baawakor mɔmɔk libiln ngbaan ni.

1 Bibɔrb 18:21

Elaija nan buen binib ngbaan chee le ki ti bui ke, “Ni ga ki yunn kinye aan ni kpeln nimi aalandak? Uwumbɔr le yaa ye Nidindaan kan, ni li dooni u; liwaal Baal le yaa ye nidindaan kan, ni li dooni li.” Tɔ, binib ngbaan aa nan gar tibaa.

2 Bibɔrb 17:41

Kina pu na, binib ngbaan nan dooni Uwumbɔr le ki mu ki dooni baawaa; le biyaabitiib beenin ŋani kina ki nan saa din.

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.

Sefania 1:5

M ga kuln unii umɔk joi ŋidichal aapaacham ki ti dooni nwiin, ni uŋmal, ni iŋmabi na. M ga kuln binib bi mɔmɔk dooni mi ki bui ke bi ga kii maamɔb, ki tee puur liwaal li bi yin li ke Milkom na.

Matiu 4:10

Le Yesu bui ki ke, “Kinimbɔŋ, li cha. Ni ŋmee Uwumbɔr Aagbaŋ ni ke, ‘Li pak Aadindaan Uwumbɔr ki dii uma baanja.’”

Tibɔnyaan ti Luk ŋmee ti na 16:11

Ni yaa kaa joo dulnyaa wee ni aawankpal mbamɔm kan, ŋma ga di Uwumbɔr aatuln ŋa aaŋaal ni?

Tibɔnyaan ti Luk ŋmee ti na 16:13

“Unaagbiija ubaa aan ŋmaa tun lituln ki tii dindatiib bilee. U ga li nan ubaa, le ki li gee uken. U ga li si ubaa aachaŋ ni, le ki lik uken fam. Naan ŋmaa li dii Uwumbɔr ni liwankpal mu.”

Tibɔnyaan ti Luk ŋmee ti na 16:9

“M tuk nimi la, ni di dulnyaa wee ni aawankpal ter bigiim, aan ni yaa doo kan, ni ga koo nkookoo yaan mu ga li bi ki cha n‑yoonn mu kaa kpa ndoon na ni.

Galantiya 1:10

M ban m piir binib aasui le aan Uwumbɔr aasui? M ban ke binib pak mi ii? Aayii. M yaa ban ke binib pak mi kan, maa ba ga li ye Kristo aatutunn.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

2 Timoti 4:10

ba pu? Kreskens buen Galasia aatiŋ ni, Taitus mu buen Dalmasia aatiŋ ni. Demas gee dulnyaa wee ni aawan, ki di mi lii, ki buen Tesalonika aatiŋ ni.

Jemisi 4:4

Ni di Uwumbɔr lii a, ke upiidagoor aah di uchal di lii pu na. Naa nyi ke dulnyaa aajɔtiik le ye Uwumbɔr aadiŋ aa? Nima pu na, unii u ban dulnyaa aajɔtiik na, u ye Uwumbɔr aadin la.

Josua 24:15

Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”

1 Samuel 7:3

Le Samuel bui Israel aanib ke, “Ni yaa ban ke ni fenn ki gir ni Uwumbɔr chee kan, see ni nyan ŋiwaa, ni liwaapii Astaate aanaŋ ŋi bi nikaasisik ni na, ki di nibaa tii Uwumbɔr kookoo, ki li dooni uma baanja, le u ga gaa nimi Filistia yaab aapɔɔn chee lii.”