Matiu 6:2 - Uwumbɔr aagbaŋ

² “Aa yaa tii ugiin tiwan kan, taa joo kiloŋ gbaa ke biŋmaŋmannim aah ŋani pu mmeen aadir ni, ni kitiŋ ponn ni, ke binib pak bi na. M tuk nimi mbamɔn la, bi kan baapal le na.

UWONBƆR A GBƆNPƆŊ LIKƆƆNL

² “Ni ye a yin pu bilanjiim ipiin ke, a laa mɔɔn ke bilinlarib kaah ŋaan man tiwonjiɛndirin, nin isanjal bu ke bininfob n kan bi toon ŋan wee ki pag bin ni. Ibamɔn le n bei ni nan, bi pii ga bi yɔra.

Matiu 6:2 ပူးပေါင်းရင်းမြစ်များ

Ilahn 112:9

U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.

Ilahn 37:21

Ubiindaan yaa pinn tiwan kan, waa ki teeni, le uninyaan ma tii waapiin usui mɔmɔk.

Ŋiyataŋak 19:17

Aa yaa tii ugiin ipiin kan, ni bi ke saah pinn tiwan tii Uwumbɔr le na, Uwumbɔr ga teen si tiwan ngbaan.

Ŋiyataŋak 20:6

Unii mɔmɔk len waah si chob ki ŋani tiwan mɔmɔk aah mɔk pu na la, tɔ, saan ŋmaa kan kina aanii.

Ulandaan 11:2

Taa joo saawangol tii lipepel libaa baanja, li tii ŋipepel mɔmɔk, ba pu? saa nyi kinimbɔŋ ki aa ga kan dulnyaa wee ni na.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 58:7

Yakr man nimi aajikaar tii nkon aah joo binib bi na, ki piir nimi aadichal tii bigiim bi kaa kpa nkookoo yaan na. Tii binib bi kaa kpa nibaa peeni na bi peen, ki li joo nido yaab man.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Hosea 8:1

Uwumbɔr bui ke, “Faa nkuun man. Bidim boon nan lir maatiŋ pu ke ŋikaagii na la. Maanib bii tipuur ti m nan puu tii bi na, le ki yii maamɔkm.

Matiu 15:7

Ni ye biŋmaŋmannim la. Uwumbɔr aabɔnabr Aisaya aah nan len nimi aabɔr pu na, u nan len mbamɔn la, ke,

Matiu 16:3

Paacham yaa maln ki bɔln kichakpiik ni kan, le ni bui ke utaal ga nu din. Paacham pu, le ni beer ke utaal ga nu aan waan nu. Le naa bee Uwumbɔr aah ŋani pu dandana na.

Matiu 22:18

Le Yesu bee baah bir pu na, le ki baa bi, “Nimi biŋmaŋmannim, ba ŋa ni tɔŋ mi?

Matiu 23:5

Baah tun pu na mɔmɔk, bi ban ke binib kan aan ki pak bi. Bi di Uwumbɔr aabɔr tam biyigbeer pu, ki ŋa baabɔkur aamɔgbeln ni fɔk, ke binib kan aan ki pak bi.

Matiu 23:6

Bi gee ke bi kal bininyuum aakakaa yaan njim chee, ni mmeen aadir ni,

Matiu 24:51

ki ga gbaa u ŋinaalab mbamɔm, ki ga di u ŋa biŋmaŋmannim aah bi nin chee na. U ga wii ki ŋmɔ ŋinyin nima chee.”

Matiu 5:18

M tuk nimi mbamɔn la, nkaal ngbaan mubaa aan jer, see mu aah len pu na mɔmɔk ŋa. Buyoonn paacham ni dulnyaa ga li bi na, nkaal ngbaan mɔmɔk ga li beenin bi.

Matiu 6:16

“Ni yaa lul bumɔb kan, ni taa bii ninimbil wɔb ke biŋmaŋmannim aah ŋani pu na; bi bii binimbil wɔb ke binib bee ke bi lul bumɔb. M tuk nimi mbamɔn la, bi kan baapal la.

Matiu 6:3

Aa yaa tii ugiin tiwan kan, taa cha aaŋangan li nyi aaŋangii aah ŋa pu na.

Matiu 6:5

“Ni yaa mee Uwumbɔr kan, ni taa mee u ke biŋmaŋmannim na aah mee u pu na. Bi gee ke bi sil mmeen aadir ni, ni kitiŋ ponn ni ki mee Uwumbɔr, aan binib kan bi. M tuk nimi mbamɔn la, bi kan baapal le na.

Matiu 7:5

Sin uŋmaŋmann umina, chuu nyan jaatɔlk ngbaan aanimbil ni waahr, aan ki li waa mbamɔm, aan ki nan nyan aana aabo yaan ni lidɔchɔl.

Tibɔnyaan ti Mak ŋmee ti na 12:39

ki ban ke bi kal bininyuum aakakaa chee mmeen aadir ni, ni njim chee.

Tibɔnyaan ti Mak ŋmee ti na 7:6

Le u bui bi, “Nimi biŋmaŋmannim, Uwumbɔr aabɔnabr Aisaya aah nan len nimi aabɔr na, u nan len mbamɔn la ke, ‘Binib ngbaan pak Uwumbɔr bumɔb ni la. Bisui daa u chee.

Tibɔnyaan ti Luk ŋmee ti na 11:41

Di naah kpa tiwan ni na tii bigiim, ki di nibaa mu tii bi. Ni yaa ŋa kina kan, tijɔŋ tibaa aan ki li bi ni chee.

Tibɔnyaan ti Luk ŋmee ti na 11:43

“Nimi Farisii yaab, tibɔbir bi ni pu; ba pu? ni gee ke ni kal bininyuum aakakaa chee mmeen aadir ni, ki gee ke binib doon nimi mbamɔm kinyaŋ ni.

Tibɔnyaan ti Luk ŋmee ti na 12:33

Ni kooh naah kpa tiwan ni na man, ki di ŋimombil ngbaan tii bigiim, aan ki li kpa ŋimombil ŋi kaan doo na. Ni ga li kpa liwankpal li kaan doo na paacham. Unaayuk ubaa aan buen nima. Ŋikpaambil aan li bi nima ki bii ni.

Tibɔnyaan ti Luk ŋmee ti na 12:56

Nimi biŋmaŋmannim, kitiŋ ni paacham pu le cha ni beer naah ga li bi pu na. Ba ŋa naa bee Uwumbɔr aah ŋani pu dandana na?”

Tibɔnyaan ti Luk ŋmee ti na 13:15

Le Tidindaan bui u, “Nimi biŋmaŋmannim, likpaakool daal kan, ni ga chuu gbiln nimi aanaaja, bee nimi aabon, ki di u buen nkpen ni ke u ti nyu nnyun.

Tibɔnyaan ti Luk ŋmee ti na 20:46

“Ni li nyi man Uwumbɔr aakaal aamɔmɔkb aabɔr. Baageehn le ye ke bi li pee ŋibɔkul fɔfɔk, ki gee ke binib li dooni bi kinyaŋ ni, ki gee ke bi kal bininyuum aakakaa chee mmeen aadir ni, ni njim chee.

Tibɔnyaan ti Luk ŋmee ti na 6:24

Nimi biwankpadam, tibɔbir ga li bi ni pu; ba pu? ni puen kan ni mɔ na la.

Tibɔnyaan ti Luk ŋmee ti na 6:42

Aa yaa kaa waa jaatɔlk u bi aabaa aanimbil ni na kan, aa ga tee ŋa kinye ki bui aana aabo ke, ‘Nna aabo, cha m nyan lidɔchɔl li bi aanimbil ni na?’ Sin uŋmaŋmann, chuu nyan jaatɔlk u bi aanimbil ni na waahr, aan ki li waa mbamɔm, aan ki nan nyan aana aabo yaan ni lidɔchɔl.”

Jɔnn 13:29

Judas le joo ŋimombil aataakɔr. Nima pu le bibaa dak ke Yesu tuk u ke u buen ti daa baah ban njim aajikaar ti na la. Le biken mu dak ke Yesu tuk u ke u buen ti tii bigiim le ŋimombil.

Jɔnn 5:41

“U nyuŋni mi na aa ye unibɔn.

Jɔnn 5:44

Ni nyuŋni tɔb la, kaa ban ke Uwumbɔr, u ye Uwumbɔr baan na, li nyuŋni nimi. Ni ga ŋa kinye aan ki gaa mi ki kii?

Jɔnn 7:18

Unii u len ubaa pu na, u ban ke binib nyuŋ u la. Unii u ban ke binib nyuŋ unii u tun ni u na, uma le ye mbamɔndaan, kaa ŋmanni binib.

Lituln 10:2

Konelius nan ye uninyaan la. U ni waachiln ni aanib mɔmɔk pak Uwumbɔr. U nan ŋani Juu yaab aagiim tiŋann sakpen, ki mee Uwumbɔr idaa mɔmɔk la.

Lituln 10:31

ki bui ke, ‘Konelius, Uwumbɔr ŋun saameel, ki teer saah ter bigiim pu na.

Lituln 10:4

Waah kan Uwumbɔr aatuun ngbaan na, le u san ijawaan, ki baa u, “Maaninkpel, aa ban ba?” Le Uwumbɔr aatuun ngbaan bui u, “Uwumbɔr ŋun saameen, ki nyi saah ter bigiim pu na, ki teer aa bɔr.

Lituln 11:29

Agabus aah len kina na, le Yesu aadidiliib len ke bi mɔmɔk ga tii ŋimombil, baah ga ŋmaa tii pu na, ki di tii Yesu aanib bi bi Judea aatiŋ ni na.

Lituln 24:17

“Ŋibin ŋibaa le maa nan bi Jerusalem. M nan ki buen nima m ti tii maanib bi ye bigiim na ŋimombil, ki toor kitork tii Uwumbɔr.

Lituln 9:36

Kitiŋ kibaa mu bi, ki bi gbɔk nima chee, bi yin ki ke Jɔpa. Upii u dii Yesu aasan na nan bi nima, bi yin u ke Tabita. Griik aaliin ponn ni, bi yin u ke Dokas. Waayimbil aatataa le ye ke upeeyun. U nan ye litunyaandaan la.

Rom Yaab 12:8

Uken yaa ŋmaa pɔɔni binib aataakpab kan, u pɔɔk bitaakpab. Uken mu yaa ŋmaa tii bigiim kan, u li tii bi ki li kpa tibulchinn. Uken mu yaa ye Yesu aanib aaninkpel kan, utafal li bi bi ponn ni. Uken mu yaa ter binib baamukl ni kan, u li ter bi ki li kpa mpopiin.

1 Korenti 13:3

U yaa di waawan mɔmɔk kpiin bigiim, ki yaa cha binib di u pun mmii ni Yesu pu, ki yaa kaa gee binib kan, naa kpa tinyoor Uwumbɔr chee.

Galantiya 2:10

Bi nan ban ke ti li teer ki ter binib bi ye bigiim bi ponn ni na. M mu aanimbil man ke m ter bi.

Efesusi 4:28

Binaayukb taa ki su. Cha bi di biŋaal tun lituln li ŋan na linimaln, aan ki kan baah ban pu na, ki tii bigiim mu.

1 Tesalonika 2:6

Taa nan ban ke ni nyuŋ timi, kaa nan ban ke binib biken nyuŋ timi.

1 Timoti 6:18

Tuk biwankpadam ngbaan ke bi li ter biken, ki li tun litunyaan sakpen, ki li kpa tibulchinn, ki li ban ke bi yakr baawankpal tii biken.

Filemonn 1:7

Nna aabo, saah gee binib pu na, nima le tii mi mpopiin sakpen, ki sɔŋ nsui; ba pu? saah ŋani pu na, aa pɔɔk Uwumbɔr aanib aataakpab la.

Hiibru Yaab 13:16

Ni teer man aan ki li tun lituln li ŋan na, ki yakr naah kpa ni na tii tɔb man. Nima le ye kitork ki ga piir Uwumbɔr aasui mbamɔm na.

1 Piita 4:11

Uwumbɔr yaa tii unii ipiin ke u len Uwumbɔr aabɔr kan, u teer ke ni ye Uwumbɔr aabɔr le u len. Uwumbɔr yaa tii unii ipiin ke u ter biken kan, u li ter bi Uwumbɔr aah tii u mpɔɔn pu na. Ni li nyuŋni Uwumbɔr tiwan mɔmɔk ni, Yesu Kristo pu. Uma le yeh mpakm ni mpɔɔn n‑yoonn mu kaa kpa ndoon na. Amii.

1 Samuel 15:30

Sɔɔl nan ki bui u ke, “M tun titunwanbir. Tɔ, tee tii mi kipak, maayidam ni Israel aanib bee mɔmɔk aanimbiin ni. Gir dii mi buen aan m ti doon Aadindaan Uwumbɔr.”