Matiu 6:19 - Uwumbɔr aagbaŋ

¹⁹ “Ni taa kuun liwankpal bil dulnyaa wee ni. Idundur ni ŋipulaaleen ga bii ni. Binaayukb mu ga loon koo ni ki nan sun ni.

UWONBƆR A GBƆNPƆŊ LIKƆƆNL

¹⁹ “Laa jɔɔ a jɔɔm ki woog dulinya nan yaan ni, nan yaan wee ikootug nin gamlali nin ndundum li mɔɔ ki bii mi; bee binaayigib na li kɔɔ ki su.

Matiu 6:19 ပူးပေါင်းရင်းမြစ်များ

Job Aagbaŋ 24:16

Kinyeek le binaayukb koo ŋidichal ni, le nwiin pu kan, bi bɔrni nwiihn.

Job Aagbaŋ 31:24

Maa kee tii liwankpal naadii,

Ilahn 39:6

li ye kijunjuŋ la. Waatuln mɔmɔk ye fam la; u ban liwangol bilni, kaa tee nyi u ga li yeh li na.

Ilahn 62:10

Taa tii mbimbinpɔɔl naadii; taa li mak ke nnaayupɔɔn ga tii si tinyoor tibaa; hali saawangol yaa moo kpae kan, taa li ka nyiibaa li pu.

Nnyam 22:2

Waah sun tiwan ni na, u pan ni pu. Unaayuk ngbaan yaa kaa kpa nibaa kan, bi di u kooh ki di teen waah sun tiwan ni na pu. Nibaakan, waah sun kiwakork ki na, ni yaa ye unaa, bee ubon, bee upiih, le bi chuu unaayuk ngbaan u joo kiwakork ngbaan ki beenin fu kan, u ga pa tiwakor tilee kibaa ngbaan pu. “Bi yaa pii unaayuk kinyeek u bi su tiwan ubaa aadichal ni aan bi ku u kan, unii u ku unaayuk ngbaan na aa kpa taani ke u ku unii. Ni yaa ye nwiin pu le u pii u ki ku u kan, u kpa taani ke u ku unii.

Ŋiyataŋak 11:4

Nwiin mundaal aa ni nkun ga kan tɔb na, liwankpal aan ŋmaa gaa si lii, le saabamɔn ma ga gaa si lii.

Ŋiyataŋak 16:16

Ni ŋan ki ti nyaŋ ke aa li kpa nlan ni ichiin, ki jer salmaa ni ŋimombil.

Ulandaan 2:26

Uwumbɔr tii binib bi piir usui na nlan, ni ichiin, ni mpopiin, le ki tee cha titunwanbirdam tun, ki kani ki gur bilni, ke u nan di tii binib bi piir usui na. Ni mɔmɔk ye fam la. Ni bi ke unii aah san dii libuln pu na la.

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Matiu 19:21

Le Yesu bui u, “Aa yaa ban ke aa li bi mbamɔm kan, buen ti kooh saah kpa tiwan nimɔk na, ki di ŋimombil ngbaan di tii bigiim, aan ki li kpa liwangol paacham, aan ki dan nan dii mi.”

Matiu 6:20

Ni di liwankpal bil Uwumbɔr do. Idundur ni ŋipulaaleen aan bii li nima. Binaayukb mu aan koo ni nima ki nan sun li.

Tibɔnyaan ti Luk ŋmee ti na 12:21

“Kina le unii umɔk di liwangol bil kiir ubaa, kaa kpa liwangol Uwumbɔr chee na, u mu ye ujɔr.”

Tibɔnyaan ti Luk ŋmee ti na 12:33

Ni kooh naah kpa tiwan ni na man, ki di ŋimombil ngbaan tii bigiim, aan ki li kpa ŋimombil ŋi kaan doo na. Ni ga li kpa liwankpal li kaan doo na paacham. Unaayuk ubaa aan buen nima. Ŋikpaambil aan li bi nima ki bii ni.

Tibɔnyaan ti Luk ŋmee ti na 12:39

Ni nyi ke udichadaan yaa ba nyi buyoonn unaayuk ga fuu ni na kan, waa ba ga doon ki geen, u ba ga li ka lik, unaayuk ngbaan taa koo ni waadichal ni.

Tibɔnyaan ti Luk ŋmee ti na 18:22

Yesu aah ŋun kina na, le u bui u, “Tiwan nibaa le gur. Kooh saah kpa tiwan ni na mɔmɔk, ki di ŋimombil ngbaan tii bigiim, aan ki li kpa liwangol paacham, aan ki dan nan dii mi.”

Tibɔnyaan ti Luk ŋmee ti na 18:24

Yesu aah kan kina na, le u bui ke, “Ni pɔɔ sakpen binib bi kpa liwankpal na koo Uwumbɔr aanaan ni.

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.