Matiu 6:16 - Uwumbɔr aagbaŋ

¹⁶ “Ni yaa lul bumɔb kan, ni taa bii ninimbil wɔb ke biŋmaŋmannim aah ŋani pu na; bi bii binimbil wɔb ke binib bee ke bi lul bumɔb. M tuk nimi mbamɔn la, bi kan baapal la.

UWONBƆR A GBƆNPƆŊ LIKƆƆNL

¹⁶ “Ni ye ni lol imɔɔŋ ke, ni laa bii ni num paam ke bilinlarib kaah ŋaan man nin ni, nan bu-n bi ti bii bi num paam le, ke bininfob biɛn n kan ki biɛ ke bi lol bi mɔɔŋi le. N bei ni ibamɔn le, bi pii gaa bi yɔra.”

Matiu 6:16 ပူးပေါင်းရင်းမြစ်များ

2 Samuel 12:16

David nan mee Uwumbɔr ke ubo ngbaan pɔɔk. U nan yii tijikaar mɔmɔk, le kinyeek mɔk kan, u doo kitiŋ le waadiik ni.

2 Samuel 12:21

Le waaninkpiib nan bui u ke, “Taa bee nimina aatataa. Ubo ngbaan aah nan laa bi na, aa nan wii le kaan ji nibaa, le waah kaa ki bi na, aa kpaan fii ki jin tijikaar.”

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

Nehemia 1:4

Maah ŋun tibɔr ngbaan mɔmɔk na le m kal ki wii pam. Iwiin pam nan jer le m bi wii ikpowiil, kaa ji nibaa. M nan mee Uwumbɔr ke,

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Ilahn 109:24

Maah kaa ki ji tijikaar na, le ntaaŋaayil yɔl, m gur ye igban ni ikpab ŋmeen la,

Ilahn 35:13

Le baah nan bun na, maa nan kpa mpopiin, le ki yii tijikaar; m nan tim n‑yil taab le ki mee Uwumbɔr bi pu,

Ilahn 69:10

M sunn mbaa taab ki lulni bumɔb, le binib seei mi;

Daniel 9:3

Le m nan mee ki gaŋ Tidindaan Uwumbɔr linimaln, ki lulni bumɔb, ki peeni tiwan ni saak kuub na, ki kaa nfatan ni tibɔr ngbaan pu.

Malakai 3:14

Ni bui ke, ‘Uwumbɔr aadiim aa kpa tinyoor tibaa. Ti yaa ŋani waah len pu na kan, naa kpa tinyoor; ti yaa ti ki bui Uwumbɔr Mpɔɔnsakpiindaan ke tisui bii taah tun pu na pu kan, naa kpa tinyoor tibaa.

Matiu 6:1

“Ni li nyi man, ki taa tun nimi aatunyaan binib aanimbil ni, ke bi kan aan ki pak nimi. Ni yaa ŋani kina kan, naan kan tinyoor Nite Uwumbɔr u bi paacham na chee.

Matiu 6:2

“Aa yaa tii ugiin tiwan kan, taa joo kiloŋ gbaa ke biŋmaŋmannim aah ŋani pu mmeen aadir ni, ni kitiŋ ponn ni, ke binib pak bi na. M tuk nimi mbamɔn la, bi kan baapal le na.

Matiu 6:5

“Ni yaa mee Uwumbɔr kan, ni taa mee u ke biŋmaŋmannim na aah mee u pu na. Bi gee ke bi sil mmeen aadir ni, ni kitiŋ ponn ni ki mee Uwumbɔr, aan binib kan bi. M tuk nimi mbamɔn la, bi kan baapal le na.

Tibɔnyaan ti Mak ŋmee ti na 2:18

Le Jɔnn aadidiliib ni Farisii yaab nan bi lulni bumɔb. Le binib bibaa dan nan bui Yesu ke, “Jɔnn aadidiliib ni Farisii yaab aadidiliib lulni bumɔb la. Ba pu saadidiliib ma aa lulni?”

Tibɔnyaan ti Luk ŋmee ti na 18:12

Likpaakool mɔmɔk ponn ni, m lulni bumɔb iwiin ilee la. Maah kan tinyoor timɔk na, m yakr nfum kipiik ki nyan tibaa tii si.’

Tibɔnyaan ti Luk ŋmee ti na 2:37

U nan ye ŋibin imonko inaa ni ŋinaa aanii la. U nan bi Uwumbɔr Aadichal ni n‑yoonn mɔmɔk, ki dooni u nwiin pu ni kinyeek, ki lulni bumɔb, ki mee u.

Lituln 10:30

Le Konelius bui u, “Daanab na, tikur titaa kijook wɔb, kinakokoona, le m nan bi maadiik ni, ki bi mee Uwumbɔr. Maah bi mee Uwumbɔr na, le m kan uja u pee likekeln li wiin chain na si nnimbiin ni

Lituln 14:23

Ntim mɔmɔk ni, bi nan leer Yesu aanib ponn ni bininkpiib ke bi li joo bi, le ki lul bumɔb, ki mee Uwumbɔr tii bi. Baah gaa Tidindaan ki kii na, le bi di bi ŋa uŋaal ponn ni, ke u li lik bi.

1 Korenti 7:5

Ubaa taa yii uken, see ni puen kii tii tɔb ki laa di cha siib, aan ki li kpa n‑yoonn ki mee Uwumbɔr, [ki lul bumɔb,] le ki ki kpaan tɔb chee. Ni yaa kaa ki kpaan tɔb chee kan, kinimbɔŋ ga tɔŋ nimi ni tun kidagook aatuln. Ba pu? naan ŋmaa chuu nibaa.

2 Korenti 11:27

M tun Yesu Kristo aatuln linimaln, ki kani falaa, kaa geeni kinyeek. Nkon ni nnyunyuu mɔk nan joo mi. M nan lann tijikaar. Tiwoor nan joo mi. Maawanpeenkaan aa nan fuu tiwoor ngbaan.

2 Korenti 6:5

Binib lue timi ŋinaalab, ki laŋ timi tiyondir ponn ni, ki ŋma tijar ti pu. Ti tun lituln linimaln, kaa geeni kinyeek, ki lann tijikaar.