Matiu 6:13 - Uwumbɔr aagbaŋ

¹³ Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

UWONBƆR A GBƆNPƆŊ LIKƆƆNL

¹³ Ki laa liin ti ki kɔɔn libiginlin ni, amaa wee ki nyan ti titoonbirdaan a nɔɔn.’

Matiu 6:13 ပူးပေါင်းရင်းမြစ်များ

Mpiin 22:1

N‑yoonn mbaa le Uwumbɔr nan tɔŋ Abraham: u nan yin u ke, “Abraham.” Le Abraham kii ke, “M sɔ.”

1 Bibɔrb 1:36

Le Benaya bui u ke, “Ni ga ŋa kina, aan Aadindaan Uwumbɔr cha ni gbiin kina.

1 Bibɔrb Aabɔr 16:36

Pak Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Le binib mɔmɔk bui ke, “Amii,” le ki pak Uwumbɔr.

1 Bibɔrb Aabɔr 29:11

Nnaan, ni mpɔɔn, ni kipak, ni kinyaan ye sin yaan la. Sin le yeh tiwan nimɔk bi paacham ni taab na, le aa ye ubɔr u jer bitinjoob mɔmɔk na.

1 Bibɔrb Aabɔr 4:10

Tɔ, Jabes nan mee Israel yaab Aawumbɔr ke, “Uwumbɔr, ŋa saanyoor ŋa m pu, ki tii mi kitiŋ ki wiir na. Li bi m chee, ki nyan mi kinimbɔŋ aawan nimɔk ga ŋmaa tii mi iween na ni.” Le Uwumbɔr nan tii u waah mee ki ban tiwan ni na.

Ilahn 10:16

Uwumbɔr le ye ubɔr n‑yoonn mɔmɔk. Binib bi dooni ŋiwaa na ga kuln waatiŋ pu.

Ilahn 106:48

Pak Uwumbɔr u ye Israel yaab Aadindaan na man; li pak u dandana, ni n‑yoonn mu kaa kpa ndoon na. Cha unii mɔmɔk len ke, “Amii”. Pak Uwumbɔr man.

Ilahn 22:28

Uwumbɔr le ye ubɔr, le ki joo ŋitimbol mɔmɔk.

Ilahn 41:13

Pak timi Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Amii amii.

Ilahn 47:2

Li san man Uwumbɔr u kpa mpɔɔn jer mpɔɔn mɔmɔk na; u ye ubɔrkpaan la, le ki joo dulnyaa wee mɔmɔk.

Ilahn 47:7

Uwumbɔr le ye dulnyaa wee mɔmɔk aabɔr; di ilahn pak u man.

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Ilahn 89:52

Pak Uwumbɔr n‑yoonn mɔmɔk man. Amii, amii.

Nnyam 15:18

Sin Uwumbɔr le ga li ye ubɔr ki cha n‑yoonn mu kaa kpa ndoon na.”

Ŋiyataŋak 30:8

Nyan mi inyamɔn ni, ki cha m taa li kpa, ki taa li ye ugiin mu. Kina pu na, tii mi maah ban tijikaar pu na mɔk.

Jeremia 15:21

M ga nyan si mbiindam, ni binib bi aabimbin pɔɔ na aaŋaal ni. Min Uwumbɔr le len kina.”

Jeremia 28:6

“Mbamɔn, Uwumbɔr ba sil ŋa kina kan, ni ba ŋan. Saabɔkpiirkaan tee ba ga sil gbiin ke u nyan ni Babiloŋ aatiŋ ni, Waadichal ni aawangol ni binib bi mɔmɔk bi tinaagbiir ni nima na kan, m ba ga li gee kina sakpen.

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 7:18

Le Uwumbɔr u kaa kpa ŋeen aatɔ na aanib ga gaa nnaan aapɔɔn ki li joo mu n‑yoonn mɔmɔk.”

Nkahm 5:22

U cha nnyun mue koo aaponn ni, aan ni duun, ki cha aanimbiin ni bii, aa taa ki ŋmaa maa ubo.’ “Upii ngbaan kii, ki len ke, ‘M kii. Uwumbɔr cha ni ŋa kina.’

Matiu 26:41

Ni li ka lik man, aan ki li mee Uwumbɔr, aan ki taa koo ntɔŋ ni. Nisui ban ke ni li lik, le tiwon aa pɔɔ.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Matiu 5:37

Ni po len ke ‘Een’, bee ‘Aayii’. Ni yaa ki kpee nibaa kan, naa ŋan.”

Matiu 6:10

Saanaan dan. Bi li ŋani saageehn dulnyaa wee ni ke baah ŋani paacham pu na.

Jɔnn 17:15

Maa mee si ke aa nyan bi dulnyaa ni. M mee si ke aa taa cha kinimbɔŋ ŋa bi nibaa.

1 Korenti 10:13

Naa kee kan ntɔŋ mu pɔɔ ki jer unibɔn mɔk aah kani pu na. Uwumbɔr ye mbamɔndaan, kaan cha ni kan ntɔŋ mu jer nimi na. Ni yaa kan ntɔŋ kan, u ga toor nsan tii nimi, ni nyaŋ ntɔŋ ngbaan. Nima le ni ga li kpa limɔr ntɔŋ ponn ni.

1 Korenti 14:16

Aa yaa doon Uwumbɔr, Waafuur Nyaan aah cha aa doon u pu na kan, unii yaa bi nikaasisik ni, kaa nyi Uwumbɔr aasan kan, u ga ŋa kinye ki len ke saah doon Uwumbɔr pu na ye mbamɔn; ba pu? waa ŋun saah len pu na.

2 Korenti 1:20

U pu, le Uwumbɔr gbiin waah puu tipuur ti wiir na mɔmɔk. Nima pu na, u pu le ti bui ke, “Amii,” le ki nyuŋ Uwumbɔr.

Galantiya 1:4

Tite Uwumbɔr aageehn pu, le Kristo nan kpo timi aatunwanbir pu, ke u nyan timi dulnyaa wee aatunwanbir ni.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

1 Tesalonika 1:10

le ni kii bundaln Ujapɔɔn Yesu ga nyan ni paacham ki gir ni na. Uma le Uwumbɔr nan fikr u nkun ni. Uma le nyan timi ntafadaan mu choo na ni.

2 Tesalonika 3:3

Tidindaan le ŋani waah len pu na, ki ga tii nimi mpɔɔn, ki biin ni pu, kinimbɔŋ ki kaa ŋan na taa ŋa nimi nibaa.

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

Hiibru Yaab 11:36

Bibaa mu aah nan gaa Uwumbɔr ki kii pu na, le binib nan ŋa bi mbɔnyun, ki lue bi ŋinaalab, ki buu bi tikululn, ki laŋ bi kiyondiik ni.

1 Piita 5:8

Ni li kpa laasaab ki li nyi; ba pu? kinimbɔŋ ki ye nimi aadin na chuun gonni, ki ban ke ni di Uwumbɔr aasan lii. Ki bi ke uchinn u chuun tar, ki ban unii u ki ga chuu ki ŋmɔ na la.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

1 Jɔnn 3:8

Unii umɔk tun titunwanbir n‑yoonn mɔmɔk na, u ye kinimbɔŋ aanii la. Ba pu? kinimbɔŋ aah nan piin buyoonn na, ki po tun titunwanbir la. Uwumbɔr Aajapɔɔn aah nan dan dulnyaa wee ni na, u nan dan ke u nan ŋa kinimbɔŋ aatuln yɔli la.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

Tibɔkpiirkaan 19:1

Nimina aapuwɔb le m ŋun nneel mu naahn kinipaak sakpeŋ na aaneel paacham. Bi len ke, “Haleluya, Tidindaan Uwumbɔr le gaa timi lii. Uma le yeh nnyuŋ, ni mpakm, ni mpɔɔn.

Tibɔkpiirkaan 19:4

Le bininkpiib moninko ni binaa ngbaan, ni tiwanfuurkaan ninaa ngbaan gbaan kitiŋ ki pak Uwumbɔr u ka libɔrjal pu na, ki len ke, “Amii. Haleluya.”

Tibɔkpiirkaan 2:10

Ni ga ji falaa dandana wee; ni mu taa san ijawaan man. Kinimbɔŋ ga di ni ponn ni bibaa ŋa kiyondiik ni, aan ni kan ntɔŋ, le ni ga ji falaa iwiin kipiik. Ni li dii maasan mbamɔm ki nan saa nkundaal man. Le m ga nan tii nimi lipal li ye limɔfal li kaa kpa ndoon na.

Tibɔkpiirkaan 21:4

ki ga per bi tinyunyunn mɔmɔk. Nkun aan ki li bi; mpombiin mu aan ki li bi; iwiil mu aan ki li bi; iween mu aan ki li bi; ba pu? tiwankpok mɔmɔk jer a.”

Tibɔkpiirkaan 3:10

Ni kii maabɔr, ki kpa limɔr. Nima pu na, m mu ga li lik nimi, ki nyan nimi falaa u ga pii dulnyaa aanib mɔmɔk ki tɔŋ bi na ni.

Tibɔkpiirkaan 3:14

“Ŋmee kigbaŋ tii maanib bi bi Laodisea aatiŋ ni na aatuun ke min Yesu u ye mbamɔn, ki len ibamɔn, ki ye Uwumbɔr aah nan naan tiwan ni mɔmɔk na aayidaan na, le len tibɔr timina:

Tibɔkpiirkaan 5:13

Le m ŋun binib bi bi paacham na, ni binib bi bi kitiŋ na, ni binib bi bi kitiŋ aataab na, ni tiwan nimɔk bi nnyusakpem ni na, ni Uwumbɔr aah naan tiwan nimɔk na mɔmɔk len ke, “Uwumbɔr u ka libɔrjal pu na, ni Upihbo ngbaan le yeh mpakm, ni lisil, ni nnyuŋ, ni mpɔɔn, n‑yoonn mu kaa kpa ndoon na.”