Matiu 6:11 - Uwumbɔr aagbaŋ

¹¹ Tiin timi din aawiin aajikaar.

UWONBƆR A GBƆNPƆŊ LIKƆƆNL

¹¹ Sei ti dinan a jiir.

Matiu 6:11 ပူးပေါင်းရင်းမြစ်များ

Job Aagbaŋ 23:12

M ŋani Uwumbɔr aah len pu na n‑yoonn mɔmɔk la; m dii waageehn la, maa dii mbaa aasui aah ban pu na.

Ilahn 34:10

Hali ichinn chuun nkon, kaa kani tijiir, le binib bi keei Uwumbɔr aamɔb na aa lann tiwan ni ŋan na nibaa.

Ŋiyataŋak 30:8

Nyan mi inyamɔn ni, ki cha m taa li kpa, ki taa li ye ugiin mu. Kina pu na, tii mi maah ban tijikaar pu na mɔk.

Aisaya 33:16

Nima kan ni ga ŋmar; ni ga fuur ke naah bi lijool li pɔɔ ki fɔk na paab le na. Ni ga li kpa tijikaar ni ji, ki kpa nnyun mu ni nyu.

Matiu 4:4

Le Yesu bui ki ke, “Ni ŋmee Uwumbɔr Aagbaŋ ni ke, ‘Tijikaar baanja aan ŋmaa tii unii limɔfal. Limɔboln limɔk nyan ni Uwumbɔr aamɔb ni na le ga tii unii limɔfal.’”

Tibɔnyaan ti Luk ŋmee ti na 11:3

Tiin timi din aawiin aajikaar.

2 Tesalonika 3:12

Binib bi bi kina na, ti tuk bi, ki sur bi Tidindaan Yesu Kristo aayimbil pu, ke bi li bi suuna, ki tun lituln ki kan ki ji.

1 Timoti 6:8

Nima pu na, taah kpa tijikaar ni tiwanpeenkaan ni na, cha tinimbil gbiin ni.

Ruf Aagbaŋ 1:6

Naah yunn siib na, le Naomi ŋun ke Uwumbɔr ŋa waanib tinyoor ki tii bi tijikaar sakpen; le u gor ke u ni ubipuutiib nya Moab aatiŋ ni.