Matiu 5:8 - Uwumbɔr aagbaŋ

⁸ Binib bi dii Uwumbɔr ni bisui mɔmɔk na, waanyoor bi bi pu. Bima le ga kan uma Uwumbɔr.

UWONBƆR A GBƆNPƆŊ LIKƆƆNL

⁸ Tikaar be ban a sufu be kasi nan bu, nan bu-n bi ma na li kan Uwonbɔr.

Matiu 5:8 ပူးပေါင်းရင်းမြစ်များ

Mpiin 32:30

Jakob nan bui ke, “M kan Uwumbɔr aanimbil wɔb le ki laa beenin fu.” Nima pu le u nan yin nima chee ke Peniel.

2 Samuel 22:27

Aa bi chain binib bi bi chain na chee, le kaa gee bibiindam.

Ilahn 15:2

Unii u keei Uwumbɔr aamɔb tiwan mɔmɔk ni, ki ŋani ni ŋan na n‑yoonn mɔmɔk, aan waamɔliin ye ibamɔn ki gbii na,

Ilahn 18:26

Aa bi chain, binib bi bi chain na chee, le kaa gee bibiindam.

Ilahn 24:4

Binib bi aabimbin ni baalandak ŋan na, kaa dii ŋiwaa, kaa puur tipuur ti kaa gbiini na, bima baanja le kpa kina aasan.

Ilahn 51:10

Uwumbɔr, naan nsui mu ŋan na tii mi, ki di nsuupɔɔn mu ga kii saamɔb na tii mi.

Ilahn 51:6

Saah ban pu na le ye mbimbinyaan, ni ibamɔn; di saalan gbiin mi.

Ilahn 73:1

Uwumbɔr sil kpa Israel yaab pu tiŋann, u kpa binib bi aasui ponn ni ŋan na pu tiŋann.

Ŋiyataŋak 22:11

Aa yaa kpa lipobinyaan ni iliinyaan kan, aajɔ le ga li ye ubɔr.

Lituln 15:9

Waah ŋa kina na, u mɔk ke u pak binib bi kaa ye Juu yaab na mu. Waa yakr timi. U po dak ke binib mɔmɔk ye tiwanbaan la. Baah gaa u ki kii na, le u finn bisui ni titunwanbir.

1 Korenti 13:12

Dandana, ni bi ke ti lik kinimbilikr, ki lik puu na la; n‑yoonn mu choo na, tiwan nibaa aan nan ki li bi tinimbiin ni ki doŋ timi tiwan nibaa chee. Ti ga li waa tiwan mɔmɔk chain. Dandana m nyi ngem. N‑yoonn mu choo na, m ga nan li nyi ni mɔmɔk, ke Uwumbɔr aah nyi maabɔr mɔmɔk pu na.

2 Korenti 7:1

Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

Taitus 1:15

Tiwan mɔmɔk bi chain binib bi bi chain na chee la. Binib bi kaa bi chain, kaa gaa Yesu ki kii na, tiwan nibaa aa bi chain ki tii bi. Baalandak mu aa ŋan. Baa ki nyi lituln li ŋan na, ni li kaa ŋan na.

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

Hiibru Yaab 12:14

Ni mɔmɔk pɔɔ nibaa ki li kpa kimɔbaan man, ki li bi chain. Unii umɔk kaa ye chain na aan kan Tidindaan.

Hiibru Yaab 9:14

Nimina yaa nan ŋa tiwon chain kan, Kristo aasin ga ter timi, ki jer kina. Uwumbɔr Aafuur Nyaan mu bi n‑yoonn mu kaa kpa ndoon na aapɔɔn pu, u nan di ubaa toor kitork ki kaa kpa ngalm na tii Uwumbɔr. Waasin ga nyan titunwanbir ti ga ku timi na tisui ni, aan ti dii Uwumbɔr u ye limɔfadaan na.

Jemisi 3:17

Le unii u kpa nlan mu nyan ni Uwumbɔr chee na, u bi chain, ki kpa nsuudoon, ni mbimbisuuna, ki ŋun tii binib, ki kpa linimbaasaln sakpen, ki tun litunyaan sakpen, kaa kpa imaagann, ki ye mbamɔndaan.

Jemisi 4:8

Ni foor malni Uwumbɔr man, le u mu ga foor mal nimi. Nimi titunwanbirdam, di nimi aatunwanbir lii man. Nimi bi ban ni dii dulnyaa aasan, ni Uwumbɔr aasan mu na, toor nisui man.

1 Piita 1:22

Ni kii Uwumbɔr aabɔr ti gbii na la. Nima le cha nimi aabimbin bi chain. Le ni sil gee ninaabitiib. Nima pu na, ni li beenin gee tɔb mbamɔm.

Tibɔkpiirkaan 22:4

ki ga kan unimbil wɔb. Waayimbil ga li bi biyigbeer pu.