Matiu 5:44 - Uwumbɔr aagbaŋ

⁴⁴ Min le tuk nimi: ni li gee nimi aadim man, [ki bui binib bi seei nimi na ke, ‘Uwumbɔr ŋa tinyoor ŋa ni pu;’ ki ŋa binib bi nan nimi na tiŋann,] ki mee Uwumbɔr ki tii binib bi ŋani nimi falaa ki muk nimi na.

UWONBƆR A GBƆNPƆŊ LIKƆƆNL

⁴⁴ Amaa n bei ni le, ni li jiɛ ni dataama, ki li miɛ Nween ki tenn ban mugir ni nan na,

Matiu 5:44 ပူးပေါင်းရင်းမြစ်များ

2 Bibɔrb 6:22

Le u gar u ke, “Aayii. Hali saah chuu bijab bi butɔb ni na, saan ŋmaa ku bi. Tii bi nibaa aan bi ji ki nyu, ki cha bi gir li cha baabɔr chee.”

Ŋiyataŋak 19:11

Aa yaa ye ulandaan kan, aa ga li chur aabaa tibɔr ni. Ni ye mbimbinyaan sakpem le ke aa taa gar unii u tun si taani na.

Tibɔnyaan ti Luk ŋmee ti na 23:34

Baah bi kpaa Yesu ndɔpuinkoo pu na, le u bui ke, “Nte Uwumbɔr, di cha pinn bi. Baa nyi baah ŋani pu na.” Le butɔb aajab ngbaan yoor waawanpeenkaan bi ti yakr tɔb, le ki too inaan ke bi lik bimɔk aah ga kan ni na.

Jɔnn 13:34

M tii nimi nkaal pɔɔn la, ke ni li gee tɔb. Maah gee nimi pu na, ni mu li gee tɔb kina.

Lituln 16:28

Le Pɔɔl teen ke, “Taa ku aabaa. Ti mɔmɔk bi do.”

Lituln 7:60

le ki gbaan utaaŋaayil pu, le ki teen mpɔɔn pu, “Tidindaan, taa teen bi baah ŋa bakaa u na.” Waah len kina na, le u kpo.

Rom Yaab 12:14

Ni mee Uwumbɔr ke u ŋa tinyoor ŋa binib bi ŋani nimi falaa na pu. Ni bui bi ke, “Uwumbɔr ŋa tinyoor ŋa ni pu.” Ni taa sii bi.

1 Tesalonika 5:15

Ni taa cha unii ubaa teen uken waah ŋa bakaa u na pu. Pɔɔn nibaa man ki li ŋani tɔb, ni binib mɔmɔk tibulchinn, n‑yoonn mɔmɔk.

1 Piita 2:23

Baah seei u na, waa giin sii bi. Waah jin falaa na, waa len ke u ga teen bi. U di ubaa ŋa Uwumbɔr u ji tibɔr mɔmɔk mbamɔm na aaŋaal ni la.

1 Piita 3:9

Binib yaa ŋa nimi bakaa kan, ni taa teen bi. Bi yaa sii nimi kan, ni taa sii bi ki teen. Ni bui bi ke, “Uwumbɔr ŋa tinyoor ŋa ni pu;” ba pu? Uwumbɔr yin nimi ke u ŋa tinyoor ŋa ni pu la.

1 Samuel 24:17

Le u bui David ke, “Aa kpa mbamɔn, le m ma bii. Aa ŋa mi tiŋann sakpen, le m ma tun si taani.