Matiu 5:41 - Uwumbɔr aagbaŋ

⁴¹ Uja yaa muk si ke aa cheen u mal ubaa kan, cheen u mal bilee.

UWONBƆR A GBƆNPƆŊ LIKƆƆNL

⁴¹ Ni ye uba mugiŋ ki ke a tu u tugil lan kpiɛg ki choon maal u ba ke, fin tum li ki choon ke maal ilee paam ki sei wa ki laa ŋulin ni.

Matiu 5:41 ပူးပေါင်းရင်းမြစ်များ

Matiu 27:32

Baah cha na, le bi kan uja ubaa, u ye Sairene aatiŋ aanii, aan bi yin u ke Simonn na. Le bi chuu u mpɔɔn ke u tun Yesu aadɔpuinkoo.

Matiu 5:40

Unii yaa ban u di si buen bibɔjirb chee ke u ti gaa saabɔkul kan, tiin u saakekeln mu.

Matiu 5:42

Unii yaa mee si tiwan kan, tiin u. Unii yaa ban ke aa pinn u tiwan kan, taa yii.”

Tibɔnyaan ti Mak ŋmee ti na 15:21

Baah cha na, le bi ton uja ubaa nsan ni, bi yin u ke Simonn, u ye Sairene aatiŋ aanii la. U nyan ni ntingbaan ni, le ki choo Jerusalem. U nan ye Aleksanda ni Rufus aate la. Le bi chuu u mpɔɔn ke u tun Yesu aadɔpuinkoo.

Tibɔnyaan ti Luk ŋmee ti na 23:26

Le butɔb aajab di Yesu buen. Baah cha na, le bi ton uja u nyan ni ntingbaan ni na nsan ni. Bi nan yin u ke Simonn, u ye Sairene aatiŋ aanii na. Le bi chuu u ke u tun Yesu aadɔpuinkoo ki li paan u pu.

2 Korenti 5:14

Kristo aah gee timi pu na le junni tiwon ni, ki cha ti bi kina. Ti nyi ke unibaan nan sil binib mɔmɔk aasisiiyaan ki gaa baakun ki kpo, nima le bi mɔmɔk kpo.