Matiu 5:12 - Uwumbɔr aagbaŋ

¹² Ni li kpa mpopiin sakpen, ba pu? ni ga nan kan tinyoor sakpen paacham. Kina le bi nan ŋa Uwumbɔr aabɔnabtiib bi nan bi n‑yaayoonn na falaa.”

UWONBƆR A GBƆNPƆŊ LIKƆƆNL

¹² Che ni pool li sɔɔ ke ni mɔ na, ke ni nyɔɔr na li yab paab, nan bu-n man le bi pii nan mugir bilinlem baah kaa la nan ma ni-n.

Matiu 5:12 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

1 Bibɔrb 18:13

Saa ŋun ke Jesebel aah nan bi ku Uwumbɔr aabɔnabtiib na, m nan di bi ponn ni nkub ki yakr bi piiŋmu piiŋmu, ki bɔr titakpalunn ponn ni ki tii bi tijikaar ni nnyun aa?

1 Bibɔrb 18:4

le n‑yoonn mu Jesebel nan bi ku Uwumbɔr aabɔnabtiib na, Obadia nan di bi ponn ni nkub ti bɔr titakpalunn tilee ponn ni. Piiŋmu piiŋmu le nan bi kitakpaluŋ ni, le u tii bi tijikaar ni nnyun.

1 Bibɔrb 19:2

Jesebel nan di inaŋ tun Elaija chee ke: “Fen kinakokoona, m yaa kaa fe ŋa si ke saah ŋa biwaadam ngbaan pu na kan, ŋiwaa faa ku mi.”

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

1 Bibɔrb 22:8

Le Ahab gar u ke, “Ubaa ki bi, Imla aajapɔɔn Mikaya. M tee nan u la, waa kee nabr tibɔnyaan tibaa tii mi; uma yaan ye tibɔbir ŋmeen la.” Jehosafat nan ki gar u ke, “Taa len kina.”

2 Bibɔrb 1:9

le ki di uninkpel ubaa ni bijab piiŋmu tun ke bi ti chuu ni Elaija. Uninkpel ngbaan nan ti kan u, u ka ligongoln libaa paab le ki bui u ke, “Uwumbɔr aanii, ubɔr bui ke aa dan.”

2 Bibɔrb Aabɔr 16:10

Nimina nan cha Asa aaŋuul fii Uwumbɔr aabɔnabr ngbaan pu sakpen, le u cha bi baa u tikululn. N‑yoonn baan mue, le Asa nan piin ki ŋani binib ngem mbiin.

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Nehemia 9:26

Le saanib nan yii saamɔb, kaa kii tii si; bi nan fenn bipuwɔb tii saakaal, ki nan ku saabɔnabtiib bi nan sak bi ki bui bi ke bi gir ni aa chee na. N‑yoonn n‑yoonn bi nan seei si;

Ilahn 19:11

Ŋi tii mi, saatutunn nlan; le aa pa mi maah kii tii ŋi pu na.

Ilahn 58:11

Le binib ga bui ke, “Uwumbɔr sil pa binib bi aabimbin ŋan na tipar;” ki ki len ke, “Uwumbɔr u ji dulnyaa yaab tibɔr na sil bi.”

Ŋiyataŋak 11:18

Bibiindam aa sil kani tinyoor tibaa, tɔ, aa yaa ŋani tiwan ni ŋan na kan, aa ga sil kan kina aaŋann.

Aisaya 3:10

Binib bi aabimbin bi chain na ga li kpa mpopiin, le baawan mɔmɔk ga li dii nsan. Baah tun ki kan pu na, bi ga ji ni ni mpopiin.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 26:8

le maah len uma Uwumbɔr aah bui mi ke m len pu na doo na, le bi ber nan chuu mi ki teen ke, “Nimina ŋeer ke ti ku si.

Jeremia 37:14

Le m gar u ke, “Aayii. Maa san.” Le Irija aa nan ŋun tii mi. U nan cha bi chuu mi le ki di mi buen bininkpiib chee.

Matiu 16:27

Min Unibɔn Aabo ga fuu ni ki ga li kpa Nte Uwumbɔr aapɔɔn. Le Uwumbɔr aatuuntiib ga li dii mi. N‑yoonn ngbaan le m ga tii binib mɔmɔk lipal, baatuln aah ŋeer pu na.

Matiu 6:16

“Ni yaa lul bumɔb kan, ni taa bii ninimbil wɔb ke biŋmaŋmannim aah ŋani pu na; bi bii binimbil wɔb ke binib bee ke bi lul bumɔb. M tuk nimi mbamɔn la, bi kan baapal la.

Tibɔnyaan ti Luk ŋmee ti na 13:34

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ŋa mbaa chee ke ukɔla aah kuuni waakoobi pu ki ŋani ufeen ni na, le naa kii.

Tibɔnyaan ti Luk ŋmee ti na 6:23

Bi yaa ŋa nimi kina kan, ni li kpa mpopiin sakpen ki li mɔɔni; ba pu? ni ga nan kan tinyoor sakpen paacham. Kina le biyaajatiib nan ŋa Uwumbɔr aabɔnabtiib falaa.

Tibɔnyaan ti Luk ŋmee ti na 6:35

Ni ma kan, ni li gee nimi aadim, ki ŋa bi tiŋann, ki pinn binib tiwan, ki taa ki li ban ni. Le Uwumbɔr ga tii nimi tinyoor sakpen. Ni ga li ye Uwumbɔr u kaa kpa ŋeen aatɔ na aabim. Uma le ŋani titunwanbirdam ni binib bi kaa dooni u na tibulchinn.

Lituln 16:25

Kinyetaasiik le Pɔɔl ni Sailas bi mee Uwumbɔr, ki gaa ilahn ki pak u. Le binaagbiib biken ka pel.

Lituln 5:41

Le Yesu aakpambalb ngbaan siir bi chee, ki nan kpa mpopiin; ba pu? Uwumbɔr pak bi ke bi ye binib bi ga ŋmaa ji inimɔɔn Yesu aayimbil pu na.

Rom Yaab 5:3

Naa ye nima baanja pu le ti mɔɔni. Falaa mu pu le ti mɔɔni. Ba pu? falaa le tii timi suklaa.

1 Korenti 3:8

Unii u bun na, ni unii u ŋani nnyun na kpaan la. Uwumbɔr ga tii unii mɔmɔk waapar, waatuln aah ŋeer pu na.

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

Filipi 1:29

Uwumbɔr cha ni gaa Kristo ki kii la, ki cha ni ji falaa mu u pu.

Filipi 2:17

Ni yaa gaa Yesu ki kii ki tun waatuln mbamɔm kan, m kpa mpopiin ni pu. Bi yaa po ku mi kan, m kpa mpopiin.

Kolosiya 1:24

Tɔ, maah jin falaa u ni pu na, nima le m kpa mpopiin. Kristo nan tuk mi maah ga ji falaa waanib pu pu na, le maah ji falaa tiwon tee ni na, falaa ngbaan u gur na le m ji. Waanib bi m ji falaa bi pu na le ye waawon.

Kolosiya 3:24

Tidindaan Kristo le ni tun lituln tii u. Nima le ni bee ke uma le ga pa nimi tipar, waah nan puu tipuur ti ke u ga tii nimi na.

1 Tesalonika 2:15

Bima Juu yaab nan ku Uwumbɔr aabɔnabtiib ni Tidindaan Yesu mu, ki jenn nyan timi mu. Baa piir Uwumbɔr aasui. Bi ye binib mɔmɔk aadim la,

Hiibru Yaab 10:34

ki san binib bi bi kiyondiik ni na kinimbaak. Binib aah gaa nimi aawan mpɔɔn pu na, le ni nan kpa mpopiin; ba pu? ni nyi ke ni kpa tiwan paacham ni jer baah gaa ni na, ke tiwan ngbaan ga li bi n‑yoonn mu kaa kpa ndoon na.

Hiibru Yaab 11:26

U nan bee ke u yaa kan ŋisiibil Kristo pu kan, u ga nan kan tinyoor ti jer Ijipt aatiŋ aawankpal mɔmɔk na. Ba pu? utafal nan bi tinyoor ti Uwumbɔr ga tii u na ni la.

Hiibru Yaab 11:33

Baah nan gaa Uwumbɔr ki kii pu na, le bibaa nan nyaŋ ŋitimbol aajab, bibaa mu tun lituln li ŋan na, bibaa mu kan Uwumbɔr aah puu tipuur ti na, bibaa mu muib ichinn aamɔi, i taa ŋa bi nibaa.

Hiibru Yaab 11:6

Unii yaa kaa gaa Uwumbɔr ki kii kan, waan ŋmaa piir Uwumbɔr aasui. Unii u dan Uwumbɔr chee na, see u pak ke u bi, ki pak ke u ŋani binib bi ban u na tinyoor.

Jemisi 1:2

Nnaabitiib, ni yaa kan ntɔŋ mɔmɔk aabɔŋ kan, ni cha ni mɔmɔk li ye mpopiin ni chee.

Jemisi 5:10

Nnaabitiib, bibɔnabr bi nan len Uwumbɔr aayimbil ni na, ni lik baah nan jin falaa ki kpa limɔr pu na, ni ye limɔkl le ki tii nimi.

1 Piita 4:13

Ni li kpa mpopiin; ba pu? ni yaa ji falaa u Kristo nan jin na kan, ni ga li kpa mpopiin sakpen bundaln u ga gir ni ki nan mɔk waah nyuun pu na.

Ruf Aagbaŋ 2:12

Uwumbɔr ga pa si saah tun pu na pu. Israel yaab Aadindaan Uwumbɔr, u chee aa dan ki ban ke u li kii si na, ga pa si saapal mɔmɔk.”