Matiu 5:11 - Uwumbɔr aagbaŋ

¹¹ “Binib yaa sii nimi ki ŋa nimi falaa ki mɔln inyamɔn mɔmɔk aabɔŋ ki paan nimi, ki bii nimi, min Yesu pu kan, Uwumbɔr aanyoor bi ni pu.

UWONBƆR A GBƆNPƆŊ LIKƆƆNL

¹¹ “Tikaar be nim ban wee bininfob sugir, ki mugir, ki por tibɔkar tan bir biɛn ki tenn ni-n bu.

Matiu 5:11 ပူးပေါင်းရင်းမြစ်များ

Ilahn 35:11

Titunwanbirdam mɔnn inyamɔn paani mi, ki galni mi taani u pu maa nyi na.

Ilahn 44:22

Tɔ, sin pu le bi ku timi iwiin mɔmɔk, le ti naahn ipiih i bi ban bi ti kɔr i na la.

Aisaya 25:8

Tidindaan Uwumbɔr ga nyaŋ nkun ki kuln mu. U ga per binib mɔmɔk aanimbil tinyunyunn, ki nyan inimɔɔn i waanib jin dulnyaa wee mɔmɔk ni na. Uma Uwumbɔr le len kina.

Aisaya 51:7

Li pel man, nimi bi nyi tiwan ni ye mbamɔn na, binib bi di maamɔkm ŋa bisui ni na, li pel man. Binib yaa ŋani nimi mbɔnyun ki seei nimi kan, ni taa san ijawaan;

Aisaya 66:5

Nimi bi san Uwumbɔr ki kii waamɔb na, li pel man waah len pu na: “Naah gaa mi ki kii pu na, nimi aanib bibaa nan nimi, kaa ban bi kpaan ni chee. Bi laa nimi ki len ke, ‘Cha Uwumbɔr mɔk waapɔɔn ki gaa nimi lii, aan ti kan naah ga li mɔɔni pu na.’ Le bima bibaa le ga ji inimɔɔn.

Jeremia 37:14

Le m gar u ke, “Aayii. Maa san.” Le Irija aa nan ŋun tii mi. U nan cha bi chuu mi le ki di mi buen bininkpiib chee.

Matiu 10:18

M pu, le ntim aaninkpiib ni bibɔrb ga ji nimi tibɔr. Le ni ga tuk Juu yaab, ni bi kaa ye Juu yaab na tibɔnyaan tee.

Matiu 10:22

Le binib mɔmɔk ga li nan nimi m pu. Unii umɔk jin limɔr ki dii mi ki ti saa limɔfal aadoon na, uma le ga ŋmar.

Matiu 10:25

Unii u bae mbaem na yaa bi ke waamɔmɔkr aah bi pu na kan, cha unimbil gbiin kina. Unaagbiija yaa bi ke udindaan na kan, cha unimbil gbiin kina. Bi yaa yin udichadaan kinimbɔŋdaan kan, baan yin waachiln ni aanib mu kinimbɔŋdam aa?”

Matiu 10:39

“Unii yaa kaa kii ke u kpo m pu kan, waamɔfal ga bee yɔli la. Unii yaa kpo m pu kan, u ga kan limɔfal li kaa kpa ndoon na.”

Matiu 19:29

Unii umɔk di cha waadichal, bee ukpetiib, bee unaatiib, bee uninkpatiib, bee ute, bee una, bee waabim, bee tisar, maayimbil pu na kan, u ga kan kina nfum nkub, ki ga li kpa limɔfal li kaa kpa ndoon na.

Matiu 24:9

“N‑yoonn ngbaan bi ga chuu nimi, ki ŋa nimi falaa, ki ga ku nimi. M pu, le ŋinibol mɔmɔk ga li nan nimi.

Matiu 27:39

Le binib bi jer nima chee na sii u, ki gbakr biyil,

Tibɔnyaan ti Mak ŋmee ti na 13:13

M pu, le binib mɔmɔk ga li nan nimi. Unii umɔk jin limɔr ki dii mi ki ti saa limɔfal aadoon na, uma le ga ŋmar.”

Tibɔnyaan ti Mak ŋmee ti na 13:9

“Nimi nibaa, li nyi man. Bi ga nan chuu nimi, ki di buen bibɔjirb chee. Bi ga gbaa nimi mmeen aadir ni. M pu, le ntim aaninkpiib ni bibɔrb ga ji nimi tibɔr. Le ni ga tuk bi tibɔnyaan tee.

Tibɔnyaan ti Mak ŋmee ti na 4:17

Bi mu aa gaa ti bisui ni mbamɔm, kaa joo ti ni yunn. Bi yaa kan limukl ti pu kan, bee binib yaa ŋa bi falaa ti pu kan, libuul ngbaan ni le bi ga di ti lii.

Tibɔnyaan ti Mak ŋmee ti na 8:35

Unii umɔk kaan ŋmaa kpo m pu na kan, waamɔfal ga bee yɔli la. Unii umɔk ga ŋmaa kpo m pu, ni tibɔnyaan tee pu na kan, u ga kan limɔfal li kaa kpa ndoon na.

Tibɔnyaan ti Luk ŋmee ti na 21:12

“Nimina mɔmɔk aa kaa kee ŋa buyoonn na, le bi ga chuu nimi, ki ŋa nimi falaa, ki di nimi ŋa mmeen aadir ni ki ji nimi tibɔr, ki di nimi ŋa kiyondiik ponn ni. M pu, le bi ga di nimi siin bibɔrb ni ntim aaninkpiib aanimbiin ni ke bi ji nimi tibɔr.

Tibɔnyaan ti Luk ŋmee ti na 21:17

Binib mɔmɔk ga li nan nimi m pu.

Tibɔnyaan ti Luk ŋmee ti na 6:22

“Binib yaa nan nimi, ki yakr ni chee, ki sii nimi, ki yin nimi mbiindam, min Unibɔn Aabo pu kan, Uwumbɔr aanyoor bi ni pu.

Tibɔnyaan ti Luk ŋmee ti na 9:24

Unii umɔk kaan ŋmaa kpo m pu na kan, waamɔfal ga bee yɔli la. Unii umɔk ga ŋmaa kpo m pu na kan, u ga kan limɔfal li kaa kpa ndoon na.

Jɔnn 15:21

Baa nyi Uwumbɔr u tun ni mi na. Nima le bi ga ŋa nimi falaa m pu.

Jɔnn 9:28

Waah len kina na, le bi sii u, ki bui u, “Aa ye waadidiir la. Tima kan, ti ye Moses aadidiliib la.

Lituln 9:16

Min mbaa ga mɔk u waah ga ji falaa u mɔmɔk maayimbil pu na.”

Rom Yaab 8:36

Ni ŋmee Uwumbɔr Aagbaŋ ni ke, “Sin pu le bi ku timi iwiin mɔmɔk, le ti naahn ipiih i bi ban bi ti kɔr i na la.”

1 Korenti 4:10

Kristo pu, ti ye bijɔrb la; le nimi ye bilankpalb Kristo aasan ni. Ti ye bigiim la; le nimi ye bipɔɔndam. Ni kan nnyuŋ binib chee; le tima ye fam bi chee.

2 Korenti 4:11

Yesu pu, le binib ban bi ku timi n‑yoonn mɔmɔk. Baah kaa ku timi na, nima le mɔk ke Yesu aamɔfal aapɔɔn bi timi bi ga kpo na ni.

Filipi 1:29

Uwumbɔr cha ni gaa Kristo ki kii la, ki cha ni ji falaa mu u pu.

1 Piita 2:23

Baah seei u na, waa giin sii bi. Waah jin falaa na, waa len ke u ga teen bi. U di ubaa ŋa Uwumbɔr u ji tibɔr mɔmɔk mbamɔm na aaŋaal ni la.

1 Piita 4:14

Bi yaa sii nimi Kristo aayimbil pu kan, Uwumbɔr aanyoor bi ni pu la; ba pu? Uwumbɔr Aafuur Nyaan mu ŋan sakpen na bi ni ni. [Bima le seei Kristo, le nima pak u.]

Tibɔkpiirkaan 2:3

Ni kpa limɔr la. M pu, le ni ji falaa, kaa bakr.