Matiu 4:24 - Uwumbɔr aagbaŋ

²⁴ Le waayimbil moon Siria aatim mɔmɔk ni. Le bi joo ni bibum mɔmɔk u chee, binib bi iween aabɔŋ joo bi na, ni binib bi tiyayaar joo bi na, ni binib bi ŋibimbik joo bi na, ni binib bi aawon faan na. Le u cha bi mɔmɔk pɔɔk.

UWONBƆR A GBƆNPƆŊ LIKƆƆNL

²⁴ Le u yinl nan mɔɔn Siriya a tiŋin. Le bi nan ŋmagin bibaarib a booli biɛn, ki dan u ban: Tigbanann wiɛn, ban gbee nin nnaanbiim, ban nan lur likpikpiil, nin tigbanann kpiindam, le u teb bi biɛn.

Matiu 4:24 ပူးပေါင်းရင်းမြစ်များ

2 Samuel 8:6

le ki kaan kaan bijab baatim ni, le bi kpaln waatutum ki pa lampoo tii u. Uwumbɔr nan tii David linyaŋ, ni kookoo.

1 Bibɔrb 10:1

Seba Aapiibɔr nan ŋun Solomonn aayimbil pu, le ki buen Jerusalem aatiŋ ni ke u ti di mbaan mu pɔɔ sakpen na tɔŋ u ki lik.

1 Bibɔrb 4:31

Uma le nan kpa nlan jer unibɔn mɔmɔk. U nan kpa nlan jer Esra aanibol ni aaja Etann, ni Mahol aajapɔtiib Hemann, ni Kalkol, ni Darda, le waayimbil nan yaa koo ŋitimbol ŋi mann goln waatiŋ na.

1 Bibɔrb Aabɔr 14:17

David aayimbil nan yaa ni kookoo, le Uwumbɔr cha ŋitimbol mɔmɔk san u ijawaan.

1 Bibɔrb Aabɔr 29:2

M pɔɔn mbaa ki ban Uwumbɔr Aadichal ngbaan aawanbankaan. Nima le ye salmaa, ni tikunabr, ni tikumann, ni tikur, ni idɔ, ni ŋitakpanyaan aabɔŋ aabɔŋ, ni ŋitakpapiin.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Matiu 12:22

Le binib bibaa joo ni unii u tiyayaar ŋa u ujoon ni ubir na Yesu chee. Le Yesu cha u pɔɔk, le u len, unimbil mu likr.

Matiu 14:1

N‑yoonn ngbaan le Ubɔr Herod ŋun Yesu bɔr,

Matiu 15:22

Le upii u ye Kanaann aabo na bi nima, le ki dan nan teen ke, “Ndindaan, si u ye Ubɔr David Aayaabil na, san mi kinimbaak. Tiyayaar le joo mbisal ki muk u sakpen a.”

Matiu 17:15

le ki bui u, “Ndindaan, san maabo kinimbaak. Libimbikl le joo u, ki ŋani u falaa sakpen, ki cha u lir mmii ni, ni nnyun ni kpala kpala.

Matiu 17:18

Baah joo ni u na, le Yesu kae libimbikl li joo u na. Le li nyan u ni. Libuul ngbaan ni le u pɔɔk, kaa ki bun.

Matiu 4:23

Le Yesu bɔ dii Galilee aatim mɔmɔk ni, ki koo mmeen aadir ni, ki tuk binib Uwumbɔr aabɔr ki mooni Uwumbɔr aanaan aabɔnyaan tee, le ki cha bibum bi kpa iween aabɔŋ mɔmɔk na, ni binib bimɔk kaa pɔɔ na pɔɔk.

Matiu 8:28

Le bi fuu nnyusakpem aadapuul, Gadarene yaab aatiŋ ni. Baah fuu nima na le biwaab bilee nyan ni baah sui binib titakpalunn ti ponn ni na, ki tooh u nsan ni. Biwaab ngbaan yaa nan kan unii kan, bi ga gbaa u la. Nima pu na, ubaa aa nan ŋmaa jer nima chee.

Matiu 8:33

Le bijab bi kiir igbeer ngbaan na san buen kitiŋ ni, ki ti tuk binib Yesu aah cha biwaab ngbaan pɔɔk pu na, ni tibɔr ngbaan mɔmɔk.

Matiu 8:6

“Ndindaan, maatutunn dɔ linampal. Uwon faan ki wu sakpen a.”

Matiu 9:26

Le bi mooni tibɔr ngbaan itingbaan mɔmɔk ni.

Matiu 9:35

Yesu nan bɔ dii ntisakpem, ni ntiwaatiir ni, le ki koo mmeen aadir ni, ki tuk binib Uwumbɔr aabɔr, ki mooni Uwumbɔr aanaan aabɔnyaan tee, le ki cha bibum bi kpa iween aabɔŋ mɔmɔk na, ni binib bimɔk kaa pɔɔ na pɔɔk.

Tibɔnyaan ti Mak ŋmee ti na 1:28

Nima pu na, Yesu aayimbil nan moon Galilee aatingbaan mɔmɔk ni.

Tibɔnyaan ti Mak ŋmee ti na 1:32

Liyaadaal aajook, buyoonn nwiin lir na, binib nan dan Yesu chee, le ki joo ni bibum mɔmɔk, ni tiyayaar aah joo binib bi na mɔmɔk.

Tibɔnyaan ti Mak ŋmee ti na 2:3

Waah bi tuk bi Uwumbɔr aabɔr na, le binib bibaa fuu ni, ki luln ni unii u aawon faan na likekeln ni. Binib binaa le nan luln ni u.

Tibɔnyaan ti Mak ŋmee ti na 2:4

Kinipaak ngbaan pu, baa nan ŋmaa koo ni Yesu chee. Le bi jon kidiik paab, ki chee liboln ki tuur waah si nin chee kidiik ponn ni na, le ki di baah luln ni unii u likekeln ni na ŋa liboln ngbaan ponn ni, ki di u bil Yesu aanimbiin ni.

Tibɔnyaan ti Mak ŋmee ti na 2:9

Maah bui uja u aawon faan na ke m di cha waatunwanbir pinn u na le pɔɔ, aan m yaa bui u ke u fiin ki yoor waawandookaan ki li chuun, le pɔɔ?

Tibɔnyaan ti Luk ŋmee ti na 2:2

Baah kahn binib kina njan pu na, Kirinius le nan ye Siria aatiŋ aaninkpel.

Tibɔnyaan ti Luk ŋmee ti na 4:14

N‑yoonn ngbaan le Yesu gir kun Galilee aatiŋ ni. Uwumbɔr Aafuur Nyaan aapɔɔn mu bi u ni. Le waayimbil moon Galilee aatingbaan mɔmɔk ni.

Tibɔnyaan ti Luk ŋmee ti na 4:38

Yesu nan nyan mmeen aadiik ni, ki buen Simonn aadichal ni. Le Simonn aapuu aana aawon toŋ sakpen. Le bi mee Yesu ke u ter u.

Tibɔnyaan ti Luk ŋmee ti na 5:15

Le Yesu aayimbil moo moon ŋipepel mɔmɔk. Le kinipaak sakpeŋ kuun u chee ke bi ŋun waah len pu na, ki ban ke u cha bi ponn ni bi ye bibum na pɔɔk.

Tibɔnyaan ti Luk ŋmee ti na 5:24

M ga mɔk nimi ke min Unibɔn Aabo kpa mpɔɔn dulnyaa wee ni ke m di cha pinn titunwanbir.” Waah len kina na, le u bui uja u aawon faan na, “M bui si la, fii ki yoor saawandookaan ki li chaa kun.”

Tibɔnyaan ti Luk ŋmee ti na 7:17

Le bi mooni tibɔr timina itingbaan i bi nima chee na ni, ni Judea aatingbaan mɔmɔk ni, ki mooni Yesu aayimbil.

Jɔnn 10:21

Le biken mu len ke waah len pu na, naa ye unii u tiyayaar joo u na aaliin, ke unii u tiyayaar joo u na aan ŋmaa likr bijoom aanimbil.

Lituln 10:38

Ni nyi waabɔr. Uwumbɔr nan nyan u, ki di Waafuur Nyaan gbiin u ki tii u mpɔɔn, ki nan bi u chee. Uwumbɔr aah bi u chee na, le u buen ŋipepel mɔmɔk, ki tun lituln li ŋan na, ki cha binib bimɔk nan bi kinimbɔŋ aaŋaal ni na pɔɔk.

Lituln 15:23

Le bi ŋmee kigbaŋ ki di tun bi, bi di buen ti tii binib bi kaa ye Juu yaab na. Bi ŋmee ke: “Tinaabitiib bi kaa ye Juu yaab ki bi Antiok aatiŋ ni, ni Siria aatiŋ ni, ni Silisia aatiŋ ni na, ti dooni nimi. Timi Yesu aakpambalb, ni Yesu aanib aaninkpiib dooni nimi.

Lituln 15:41

ki bɔ dii Siria aatim ni, ni Silisia aatim ni, ki pɔɔk Yesu aanib aataakpab, ki toor tuk bi Uwumbɔr aaliin.

Lituln 28:9

Pɔɔl aah ŋa kina na, le bibum biken bi bi lidikl ngbaan aatiŋ ni na mu dan Pɔɔl chee, le u cha bi mu pɔɔk.

Lituln 8:7

U nan nyan tiyayaar binib pam ponn ni, le ti teen mpɔɔn pu, ki nyan biwon ni. Le binib bi aawon faan na, ni biwɔb mu pam kan laafee.

Josua 6:27

Uwumbɔr nan bi Josua chee, le kitiŋ ngbaan ni aanib mɔmɔk ŋun waayimbil pu.