Matiu 4:1 - Uwumbɔr aagbaŋ

¹ N‑yoonn ngbaan le Uwumbɔr Aafuur Nyaan cha Yesu buen nteersakpiin ni ke kinimbɔŋ ti tɔŋ u.

UWONBƆR A GBƆNPƆŊ LIKƆƆNL

¹ Le Kinaaŋ che Yisa don kukunkɔɔg bu ke ulinlaril ntan bigin u.

Matiu 4:1 ပူးပေါင်းရင်းမြစ်များ

Mpiin 3:15

Aa ni upii ngbaan ga li ye tɔb aadim la. Saabim ni waabim mu ga li ye tɔb aadim la. Uyaabil ga faa wii aayil, le aa mu ga gaa utaagbeln.”

1 Bibɔrb 18:12

M yaa siir cha aan Uwumbɔr Aafuur Nyaan yoor si di buen ubaa aah kaa nyi nin chee na kan, m ga ŋa kinye? Le m yaa ti bui Ahab ke aa bi do aan waa nan kan si kan, ni ŋeer u ku mi la. Teer ke maah nan laa ye ubo pu na le m nan di mbaa tii Uwumbɔr ki dooni u.

2 Bibɔrb 2:16

le ki bui ke, “Ti ye bijab piiŋmu le ki bi do. Ti mɔmɔk ye bijab bi pɔɔ na la. Cha ti buen ti ban kan saaninkpel. Nibaakan Uwumbɔr Aafuur Nyaan ga li di u ti lii lijool libaa pu, bee kifataŋ kibaa ni.” Le Elaisa bui ke, “Aayii, taa buen man.”

Esekiel 11:1

Uwumbɔr Aafuur Nyaan nan yoor mi paacham ki buen Waadichal aabisamɔb mu bi liwipuul wɔb na chee. Mbisamɔb nima chee le m ti kan bijab moninko ni biŋmu, le ŋitimbol ngbaan aasalolm bilee bimina, Asur aajapɔɔn Jaasania, ni Benaya aajapɔɔn Pelatia ŋmal bi ni.

Esekiel 11:24

Tidaŋ ngbaan ni, Uwumbɔr Aafuur Nyaan nan ki yoor mi paacham ki di giin binaagbiib biken chee Babiloŋ aatiŋ pu. Le tidaŋ ngbaan doo,

Esekiel 3:12

Uwumbɔr Aafuur Nyaan nan yoor mi paacham le m ŋun nneel mu ŋuuni kaakaan na len ke, “Pak Uwumbɔr aanyuŋ paacham man.”

Esekiel 3:14

Uwumbɔr aapɔɔn nan di mpɔɔnsakpiin mubaa le dan m pu, le Waafuur Nyaan aah yoor mi buen na, le nsui fii, le liŋuul chuu mi.

Esekiel 40:2

Ni nan ŋa mi ke tidaŋ na la, le Uwumbɔr di mi buen Israel aatiŋ pu, ki di mi tɔŋ lijool li paa na pu. M nan kan ŋidichal ŋibaa si mmɔb wɔb ki naahn kitiŋ kibaa.

Esekiel 43:5

Uwumbɔr Aafuur Nyaan aapɔɔn nan fiin mi siin ki di mi buen kichinbik na ni, nima chee le m ti kan Uwumbɔr aawiihn aah gbiin Waadichal pu na.

Esekiel 8:3

U nan taln tiwan ni naahn ŋŋaal na ki di chuu maayikpir. Le Uwumbɔr Aafuur Nyaan yoor mi paacham ki di mi buen Jerusalem aatiŋ ni. U nan di mi buen Uwumbɔr Aadichal aabisamɔb mu bi ponn ni, ki bi ŋŋangan wɔb nin chee liwaal li fiini Uwumbɔr aaŋuul sakpen na si na.

Jɔnn 14:30

Maan ki len ni chee tibɔr ni yunn; ba pu? dulnyaa wee aayidaan kinimbɔŋ le choo. Ki mu aan ŋmaa ŋa mi nibaa.

Lituln 8:39

Le bi nyan ni nnyun ni. Baah nyan ni nnyun ni na, le Uwumbɔr Aafuur Nyaan yoor Filip, ki di u buen. Uja ngbaan aa ki kan u. Le u ki koo waatɔroku ponn ni, ki cha, ki nan kpa mpopiin pam.

Rom Yaab 8:14

Binib bimɔk dii Uwumbɔr Aafuur Nyaan aah ban pu na, bima le ye Uwumbɔr aabim.

Hiibru Yaab 2:18

Uma ubaa le kan ntɔŋ ki jin falaa, nima le u ga ŋmaa ter binib bi kan ntɔŋ na.

Jemisi 1:14

Unii aakpeek yaa cha u ban ke u nya Uwumbɔr aasan ponn ni ki tun usui aah gee pu na kan, nima le cha u kani ntɔŋ.