Matiu 3:16 - Uwumbɔr aagbaŋ

¹⁶ Waah muin u doo na, libuul ngbaan ni le Yesu nyan ni nnyun ni. Le kitaapaak chuu piir. Le u kan Uwumbɔr Aafuur Nyaan sunn ni ki naahn linanjel, ki nan tɔŋ u pu.

UWONBƆR A GBƆNPƆŊ LIKƆƆNL

¹⁶ Waah fun Yisa Uwonbɔr a nyunful diɛ-n, le Yisa nyan nnyumin weem. Libol nmɔn le kitilangbɔŋ loor, le u kan Uwonbɔr a Naaŋ kaah jiirin u bu ki nann ulanjel, ki nan wonn u bu.

Matiu 3:16 ပူးပေါင်းရင်းမြစ်များ

Aisaya 11:2

Uwumbɔr Aafuur nyaan ga tii u nlan, ni ichiin, ni nnyim mu u ga di joo waanib na. U ga li nyi Uwumbɔr aageehn ki ga nyuŋ u,

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Aisaya 59:21

ki cha m ni nimi puu tipuur tii tɔb. M di maapɔɔn ni maakaal tii nimi ke ni li ye nimi yaan ki ti saa n‑yoonn mu kaa kpa ndoon na, ki nya din ki joo cha na, ni ga kii maamɔb ki mɔk nimi aabim, ni niyaabitiib ke bi kii maamɔb ki ti saa n‑yoonn mu choo na.”

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Esekiel 1:1

Ŋibin piitaa aaŋmanaa aawiin iŋmu daal, le min Esekiel u aate ye Busi, aan m ye utotoor na, ni Juu yaab biken bi nan bi tinaagbiir ni na, nan koo gbɔk Kebar Aamɔɔl, Babiloŋ aatiŋ ni. Kitaapaak nan chuu piir, le Uwumbɔr kpiir ubaa mɔk mi.

Tibɔnyaan ti Mak ŋmee ti na 1:10

Yesu aah nyan nnyun ni na, le u kan kitaapaak chuu piir, le ki kan Uwumbɔr Aafuur Nyaan sunn ni ki nan tɔŋ u pu, ki naahn linanjel.

Jɔnn 1:51

M tuk nimi mbamɔn la, ni ga kan kitaapaak chuu piir, ki ga kan Uwumbɔr aatuuntiib cha paacham ki ki sunni, min Unibɔn Aabo pu.”

Jɔnn 3:34

Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Lituln 7:56

Le u bui ke, “Lik, m kan kitaapaak chuu piir, ki kan Unibɔn Aabo na si Uwumbɔr aaŋangii wɔb.”

1 Jɔnn 5:6

Yesu Kristo le ye u nan dan dulnyaa wee ni na, le Jɔnn muin u nnyun ni. Baah nan ku u na, le waasin nyan. Naa ye ke Jɔnn muin u nnyun ni baanja la, bi nan ku u ki kpee, le waasin nyan. Uwumbɔr Aafuur Nyaan mɔk timi ke nimina ye mbamɔn la; ba pu? Nfuur Nyaan ye mbamɔndaan la.