Matiu 28:9 - Uwumbɔr aagbaŋ

⁹ Baah cha na, le Yesu ton bi nsan ni, le ki doon bi. Le bi gbaan unimbiin ni, ki joo u, le ki dooni u.

UWONBƆR A GBƆNPƆŊ LIKƆƆNL

⁹ Baah nan chaa-n, libol nmɔn le Yisa kenn bi nsann ki ke, “N poor ni,” le bi dan, ki choo u taafar le ki jiɛn u.

Matiu 28:9 ပူးပေါင်းရင်းမြစ်များ

Aisaya 64:5

Aa yin binib bi gee ke bi li ŋani ni ŋan na, binib bi teer saah ban pu na, ke bi dan aa chee. Aa nan gee ti pu liŋuul, le ti nan beenin tun titunwanbir; hali saaŋuusakpeln ponn ni ti nan beenin tun titunwanbir ki nyan ni n‑yaajayoonn.

Matiu 14:33

Le binib bi bi buŋɔb ponn ni na gbaan Yesu aanimbiin ni, ki dooni u, le ki len ke, “Mbamɔn, aa sil ye Uwumbɔr Aajapɔɔn la.”

Matiu 23:7

ki gee ke binib doon bi mbamɔm kinyaŋ ni, ki yin bi ke ‘Umɔmɔkr.’

Matiu 28:10

Le u bui bi, “Taa san ijawaan man. Li cha ki ti tuk maadidiliib ke bi li cha Galilee. Bi ga ti kan mi nima chee.”

Matiu 28:17

Le Yesu fuu ni bi chee. Baah kan u na, le bi gbaan unimbiin ni ki doon u. Le bibaa mu joo beeni.

Matiu 28:8

Bipiib ngbaan nan san ijawaan, ki mu tee kpa mpopiin pam. Le bi siir likaakul chee mala, ki san buen ke bi ti tuk Yesu aadidiliib Uwumbɔr aatuun ngbaan aah tuk bi pu na.

Tibɔnyaan ti Luk ŋmee ti na 1:28

Le Uwumbɔr aatuun ngbaan fuu ni Mari chee ki doon u, le ki bui u, “Uwumbɔr ŋa si tibulchinn sakpen a, ki bi aa chee, ki ŋa tinyoor ŋa aa pu ki jer waah ŋa bipiib mɔmɔk pu na.”

Tibɔnyaan ti Luk ŋmee ti na 24:52

Le bi gbaan kitiŋ ki doon u, ki nin gir buen Jerusalem ni, ki kpa mpopiin sakpen,

Tibɔnyaan ti Luk ŋmee ti na 7:38

le ki dan nan sil Yesu aapuwɔb, utaa chee, le ki wii, ki cha tinyunyunn lir Yesu aataa pu, ki finn utaa, le ki joo waayikpir per utaa, ki moor utaa, ki di tulalee ngbaan ŋmir utaa.

Jɔnn 12:3

Le Mari yoor tulalee u kpa kidaak sakpen na kpalba ubaa, ki di ŋmir Yesu aataa, ki di uyikpir per utaa. Tulalee ngbaan aah nu mɔ na, waabaam gaa kidiik ni. Bi yin tulalee ngbaan ke naad.

Jɔnn 20:19

Tɔ, Juu yaab aakpaakool daal aah jin ki woln kitaak na aajook le Yesu aadidiliib bi kidiik ni, ki laŋ; ba pu? bi nan san Juu yaab ijawaan. Le Yesu dan nan sil bikaasisik ni, le ki bui bi, “Ni li kpa nsuudoon man.”

Jɔnn 20:28

Tomas nan bui u, “Aa ye Ndindaan ni Maawumbɔr la.”

2 Korenti 13:11

Nnaabitiib, tibɔr ti gur na le ye ke m ban m chɔi nimi la. Toor nimi aabimbin man. Sɔŋ tɔb aasui man. Ni li kpa kimɔbaan ni nsuudoon man, le Uwumbɔr u gee timi ki tii timi nsuudoon na ga li bi ni chee.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.