Matiu 28:20 - Uwumbɔr aagbaŋ

²⁰ ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

UWONBƆR A GBƆNPƆŊ LIKƆƆNL

²⁰ ki wɔɔn bi wee bin chee nan wee n pii wɔɔn nimin n biɛn. Ibamɔn bu n yin be ni ban le hali nin dulinya a diɛm.”

Matiu 28:20 ပူးပေါင်းရင်းမြစ်များ

Mpiin 39:21

Tɔ, Uwumbɔr mu nan bi Josef chee ki ŋa u pu tinyoor; nima pu na, unaagbiijool u nan joo bi na nan gee Josef aabɔr pam,

1 Bibɔrb 1:36

Le Benaya bui u ke, “Ni ga ŋa kina, aan Aadindaan Uwumbɔr cha ni gbiin kina.

1 Bibɔrb Aabɔr 16:36

Pak Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Le binib mɔmɔk bui ke, “Amii,” le ki pak Uwumbɔr.

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:7

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Nnyam 3:12

Le Uwumbɔr bui u ke, “M ga li bi aa chee, le buyoonn aa nyan ni bi Ijipt aatiŋ ponn ni na, ni ga li dooni mi lijool lee paab la. Nimina le ga mɔk ke min le tun si.”

Nnyam 8:27

see ti chuun iwiin itaa ki buen nteersakpiin ni, le ki ti toor kitork tii Tidindaan Uwumbɔr, waah bui ke ti ŋa pu na.”

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Jeremia 26:2

le Uwumbɔr bui mi ke, “Sil Maadichal aachiln ni ki di maah bui si pu na moon tuk binib bi nyani Juda aatim ni ki nan dooni mi nima chee na. Taa nyan ti ponn ni tibaa lii.

Esekiel 46:10

Binib ngbaan ni ujojoor ngbaan kpaan ki koo ni, le bi yaa nan ban bi nyan kan, u ni bimɔk kpaan nya.

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Matiu 13:49

Dulnyaa aadoon mu ga nan li bi kina la. Uwumbɔr aatuuntiib ga nan dan dulnyaa ni, ki nan gann titunwanbirdam bininyaam ponn ni,

Matiu 18:20

Binib bilee, bee bitaa, yaa kuun tɔb chee maayimbil pu kan, m ga li bi bikaasisik ni.”

Matiu 24:3

Le u buen ti kal Olif aasui aajool paab. Le waadidiliib dan u chee bibaa, ki nan bui u, “Tuk timi, bi ga ŋa kina bayoonn? Ba ga li ye limɔkl ki mɔk timi ke ni ŋeer aa fuu ni, ki ŋeer dulnyaa aadoon?”

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Tibɔnyaan ti Mak ŋmee ti na 16:20

Le waadidiliib buen ŋipepel mɔmɔk ni, ki ti tuk binib tibɔnyaan tee. Le Tidindaan ter bi, ki cha bi tun lijinjiir aatun. Baah tun lijinjiir aatun na, nima le mɔk binib ke baah len tibɔnyaan ti na, ti gbii. Amii.]

Lituln 2:42

Binimbil nan man ke bi bae Yesu aabɔr, waakpambalb chee. Bi mɔmɔk nan kpaan kimɔbaan, ki ji tɔb chee tijikaar, ki kpaani tɔb chee ki mee Uwumbɔr.

Lituln 20:27

M tuk nimi Uwumbɔr aabɔr mɔmɔk, kaa gur tibaa.

1 Korenti 11:2

M pak nimi; ba pu? ni teer mi tiwan mɔmɔk ponn ni, ki ŋani maah mɔk nimi pu na la.

1 Korenti 11:23

Tidindaan le nan tuk mi, le m mu tuk nimi kina, ke kinyeek ki Judas nan kooh u na, kinyeek ngbaan le Tidindaan Yesu nan yoor boroboro

1 Korenti 14:37

Tɔ, unii yaa dak ke u ye Uwumbɔr aabɔnabr kan, bee u yaa dak ke u kpa Uwumbɔr Aafuur Nyaan aapiin kan, cha u bee ke maah ŋmee pu tii nimi na, ni ye Tidindaan aah len pu na la.

Ikaal 12:32

“Ni pɔɔn nibaa ki ŋa maah bui nimi pu na mɔmɔk, ni taa di tiwan nibaa kpee maah mɔk nimi pu na, ki mu taa nyan nibaa mu.

Ikaal 5:32

“Nimi Israel yaab, ni pɔɔn nibaa man, aan ki li ŋani tiwan nimɔk Nidindaan Uwumbɔr bui ke ni ŋa na. Ni taa yii waakaal mubaa man.

Kolosiya 1:28

Kristo aabɔr ngbaan le ti mooni, ki sur binib mɔmɔk, ki tuk bi waabɔr, waah tii timi nlan pu na. Ti ban ke bi mɔmɔk li kpaan Kristo ni, ki li ye binib bi ŋan doo na. Ti ban ke ti di bi ki mɔk Uwumbɔr la.

2 Timoti 4:17

Tidindaan le nan sil mpuwɔb, ki tii mi mpɔɔn m len waabɔr mɔmɔk, aan bi mɔmɔk ŋun. Waa cha ubɔjir len ke bi ku mi.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

2 Piita 3:2

M ban ke ni li teer tibɔr ti Uwumbɔr aabɔnabnyaam nan len n‑yaayoonn na, ki li teer Tidindaan u gaa timi lii na aabɔr ti timi waakpambalb tuk nimi na.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.